ტომას ანდერსონი

ვიკიპედიაშე
ტომას ანდერსონი
ინგლ. Thomas Anderson
დაბადებაშ თარიღი:

2 კვირკვე, 1819

დაბადებაშ აბანი:

ლიტი, შოტლანდია

ღურაშ თარიღი:

გერგობათუთა 2, 1874 (55 წანერი)

ღურაშ აბანი:

ჩიზიკი, ლონდონი, ინგლისი

მენოღალობა:

გოართოიანაფილი ომაფეშ შილა გოართოიანაფილი ომაფე

ომენცარე სფერო:

ქიმია

სამუშაშ აბანი :

ედინბურგიშ უნივერსიტეტი
გლაზგოშ უნივერსიტეტი

ალმა-მატერი:

ედინბურგიშ უნივერსიტეტი

ჯილდოეფი დო პრემიეფი:

ომაფე მენდალი (1872)

ტომას ანდერსონი (ინგლ. Thomas Anderson; დ. 2 კვირკვე, 1819, ლიტი, შოტლანდია — ღ. 2 გერგობათუთა, 1874, ჩიზიკი, ლონდონი, ინგლისი) — შოტლანდიარი ქიმიკოსი. გურაფულენდჷ ალკალოიდეფს, გიმირკვიუ კოდეინიშ სტრუქტურა. ორგანული ქიმიაშ გარდა ანდერსონი მოღალენდჷ აგროქიმიაშ დარგის ხოლო. აგროქიმიაშ დარგის ანდერსონიქ გიმირკვიუ დიხაშ სტრუქტურა, სასუქეფი, ჩანარეფიშ ლახარეფი დო შხვა. ანდერსონი გურაფულენდჷ ედინბურგიშ უნივერსიტეტის, სოდეთ მიპალუ მედიცინაშ დოქტორიშ ხარისხი 1841 წანას. ედინბურგიშ უნივერსიტეტის დეინტერესჷ ქიმიათ დო გურაფაშ თებაშ უკულ მიდართჷ კონტინენტურ ევროპაშა, სოდეთ ქიმია იგურუ გიშარჩქინელი ქიმიკოსეფიშ იენს იაკობ ბერცელიუსიშ დო იუსტუს ფონ ლიბიხიშ ხემანჯღვერობათ. გურაფაშ თებაშ უკულ ედინბურგიშა დირთჷ დო მუშობა ქიდიჭყჷ ედინბურგიშ უნივერსიტეტის დო უკულ გლაზგოშ უნივერსიტეტის. 1852 წანაშე რდჷ გლაზგოშ უნივერსიტეტიშ ქიმიაშ პროფესორი დო 1854 წანაშე ედინბურგიშ ახალი ფილოსოფიური ჟურნალიშ ართ-ართი რედაქტორი. 1872 წანას ლონდონიშ ომაფე ჯარალუაქ ანდერსონის გინოჩჷ ომაფე მენდალი. უკულიან წანეფს ანდერსონის პროგრესულ ნეუროლოგიურ ლახარაქ ქაღოლჷ დო დოღურჷ 1874 წანაშ 2 გერგობათუთას.

რესურსეფი ინტერნეტის[რედაქტირაფა | წყუშ რედაქტირაფა]