ტოძიო ჰიდეკი
| ტოძიო ჰიდეკი 東條 英機 | ||
.jpg) | ||
| იაპონიაშ პრემიერ-მინისტრი | ||
|---|---|---|
| პოსტის გერინაშ ბორჯი | ||
| 18 გჷმათუთა, 1941 – 22 კვირკვე, 1944 | ||
| მონარქი | ჰიროჰიტო | |
| წიმოხონი | ფუმიმარო კონოე | |
| მონძე | კუნიაკი კოისო | |
| პოსტის გერინაშ ბორჯი | ||
| 22 კვირკვე, 1940 – 22 კვირკვე, 1944 | ||
| პრემიერ-მინისტრი | ფუმიმარო კონოე მუ | |
| წიმოხონი | სიუნროკუ ჰატა | |
| მონძე | ჰაჯიმე სუგიამა | |
| დუნაბადი | 30 ქირსეთუთა, 1884 ტოკიო, იაპონია | |
| ნაღურა | 23 ქირსეთუთა, 1948 (63 წანერი) ტოკიო, იაპონია | |
| ღურაშ ბაძაძი | გითოშკვიდაფა | |
| პოლიტიკური პარტია | ხვისტაშ ალარინაშ ასოციაცია (1940-1945) | |
| ალმასქუ | კაცუკო იტო | |
| სქუალეფი | 7 | |
| გონათაფა | იაპონიაშ იმპერიული არმიაშ აკადემია | |
| ხეშმოჭარუა |  | |
ტოძიო ჰიდეკი (იაპ. 東條 英機; დ. 30 ქირსეთუთა, 1884 — ღ. 23 ქირსეთუთა, 1948) — იაპონარი გენერალი დო პოლიტიკოსი, იაპონიაშ პრემიერ-მინისტრი 1941-1944 წანეფს, მაჟირა მოსოფელიშ ლჷმაშ მიმალობას. თიში მართუალა იხასიათებუდჷ მასობური ჸვილუეფით, ნაციონალისტური დო იმპერიალისტური პოლიტიკათ.
გურაფულენდჷ იაპონიაშ არმიაშ აკადემიას. 1905 წანას ქაკათჷ იაპონიაშ აკოანჯარაფილი ნძალეფს. 1919-1922 წანეფს მუშენდჷ ოურდუმე ატაშეთ გერმანიას. ჰიდეკიქ შანულამი კარიერული წჷმოძინეფს მიოჭირინუ დო 1934 წანას გინირთჷ გენერალო. 1937 წანაშ მელახის, ქუდარინეს კვანტუნიშ არმიაშ გენერალური შტაბიშ უნჩაშო მანჯურიას, სოდეთ თინა ხემანჯღვერენდჷ ოურდუმე ოპერაციეფს ჩინეთიშ მეხჷ. 1940 წანას ჰიდეკიქ ქიდეკინჷ არმიაშ მინისტრიშ პოსტი. ჰიდეკი ადვოკატირენდჷ ფაშისტური გერმანიაწკჷმა დო იტალიაწკჷმა ალიანსის. 1941 წანაშ 18 გჷმათუთას ჰიდეკიქ გინირთჷ პრემიერ-მინისტრო. თიქ ქიგესკიდჷ არმიაშ მინისტრიშ პოსტის დო 1943 წანაშე, თაშნეშე, უკებუდჷ კომერციაშ დო ინდუსტრიაშ მინისტრიშ პოსტი.
ჰიდეკი რდჷ ნძალიერი ადმინისტრატორი დო აგრესიული მილიტარისტი. თიქ ხუჯი დუკინჷ პრევენციული გეშქუმალეფს ამერიკაშ დო თიში ევროპალი მორსხუეეფიშ მეხჷ. ჰიდეკიშ ღანკი ობჟათე-ბჟაეიოლი აზიაშ რსული კონტროლი რდჷ. დუდშე იაპონიაქ შანულამი გომორძგუეფს მიოჭირინუ, მარა ბორჯიშ გოძვენას ამერიკალეფქ ბრელშა დამარცხეს იაპონარეფი დო იაპონიას გომორძგუაშ მუთუნნერი შანსი ვადუტეს. 1944 წანაშ 18 კვირკვეს ჰიდეკიქ პრემიერ-მინისტრიშ პოსტიშე გეგნოდირთჷ. იაპონიაშ კაპიტულაციაშ უკულ, ჰიდეკიქ დუდიშ ჸვილუა მინდომუ, მარა გინასქილიდეს. 1946 წანას, ჰიდეკი შხვა ოურდუმე მოღალეეფიწკჷმა ართო გასამართეს. ტოკიოშ ტრიბუნალქ თის ქეკადვუ შხვადოშხვა ოურდუმე დანაშურეფი დო ღურაშ განჩინება გეგშუღჷ. 1948 წანაშ 23 ქირსეთუთას ტოძიო ჰიდეკი ქეგთაშქვიდეს.
ლიტერატურა
[რედაქტირაფა | წყუშ რედაქტირაფა]
|
თე სტატია იაპონიაშ დო იაპონარეფიშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა. |