უილიამ ბლეიკი

ვიკიპედია ხასჷლაშე
(გინოწურაფილი რე უილიამ ბლეიქი-შე)
გეგნორთი: ნავიგაცია, გორუა
უილიამ ბლეიკი
William Blake by Thomas Phillips.jpg
დაბადებაშ თარიღი: 28 გჷმათუთა, 1757
დაბადებაშ აბანი: ლონდონი
ღურაშ თარიღი: 12 მარაშინათუთა, 1827
ღურაშ აბანი: ლონდონი
საქვარუა: პოეტი, ხანტუ დო
ლითოგრაფი

უილიამ ბლეიკი — (დ. 28 გჷმათუთა, 1757, ლონდონი ― ღ. 12 მარაშინათუთა, 1827, თექინეშეს) – ინგლისარი პოეტი, ხანტუ დო ლითოგრაფი. ფანიაშ მაკათურეფქ ხათე ქიგურშუმეს თოლი თიშ ნიჭიერებას დო არძანერო უნწყჷნდეს ხეს ბაღანაში წჷმი ულას. 10 წანერი ბოში ოხანტე წოფულას გურაფულენდჷ, ვითაანთხი წანერქ ართ–ართი გჷშაგორილი გრავიორიშ მაგურაფუთ გინირთჷ დო შკვითი წანაშ განწხანს ოუფალუდ თე ხელუას. თაქ ძირჷ ბლეიქიქ გოთიკური კულტურაშ გოსოფური ქილინჯეფი. 1782 წანას ქიმიჸონჷ ჩილო, ცირა სკუა კეტრინი, უგურაფუ მარა ჯგირი ღიაბიშ ცირა. ფანიაში გოჭყორინიშ უმკუჯინუო, ბლეიქიქ დო კეტრინქ შანულამი ალმასქუეფქ იჸუეს. დარცხუეს ზალამიერი, კუჩხიშგემარენჯი ფანია. თე განწხანს თინეფც ხუს არზენდ ბლეიქიშ უკულაში ჯიმა რობერტი, ჯიმალეფი ართო უმუხარცქუო ხანდენდეს, სოიშახ დიდი ხანიშ ლახარაშ გეშა, რობერტიქ ვაღურუნ. ათე ტრაგედიაქ, უილიამიშ რინაშა მანგარი გოულა მახვამილუ. ბლეიქიშ ზიტყვეფით, ჯიმაშ ღურა შვანც ძირჷ გოდუდიშაფილი რობერტიშ შური, ნამუთ ჟინიერი სანცხვარებელშა მინჭუაფუდუნ. ბლეიქი ირო ღოზგოსუმალირო იჩიებუდჷ, ნამდა ორწყედჷ დო ურაგადუდჷ რობერტიშ შურც დო ანგელოზეფსჷნ. ათე შურიელი ძირაფეფქ, ჭარუში ქიმერონც მუში გიშაგორილი, დორხველი აბანი დეკინჷ. ბლეიქის სისმარეფი უმოს მეტის არზენდჷ, ვინდარო უფერო თახმი ოქიანე ამბეფი. თიში რჩქინა, მისტიკური არზოვნება, გოხვალამირი გაღობუა, გვალო სისმარეფიშ ჭყოლოფუათ რდჷ ხალიწერი დო გოვითარაფილი. ბლეიქი პოეზიას დო ხანტუას, ჟირხოლოს წორო მიკმაჯინედჷ, ვერაგადე უმოსო ნამუს მუკარჩქინჷ მუში რჩქინა დო ხელობუან. 1788 წანას პირველო ისაქვარჷ დო გიშეჸონჷ ,,ილუმინირაფილი წიგნი,“ ლინჯიში ფირფიტას გეშაკვათჷ მუში ლერსი დო ნახანტა, თენა თოისერი ხანდას თხულენდჷ, დო იკორინუანდჷ ბრელ ღჷმალას, თეშ გურშენი მიოტუ თე საქვარი, ვართ ხეშფარა უღუდჷ მუში დო აძულებურქ იჸუ დუდი დეთხიუკონი. ბლეიქიში ლერსეფი,ბალადეფი არძა წორო მეჸუნც მუშ ბორჯის, არძას იძირე თიხანური შური დო ღიაბი. მაართა კათელი ბაღანაში წიმინდე ხასიათი დო წკონდა მიარე ღიაბეფით რე გოფშაფილი. უკულიანი წანეფიშ ლერსეფს გიოხე კონწარი რინაშ გეშა უჩა ნარღი, ნამუქუთ დღას ვამანქირნჷ ბლეიქის. ღურმოჭიშაფილი ხელუანი ჯალავერც გეჯანუდ დო ხოლო დანტეში "ღორონთიერი კომედიაშ" ამნახანტუეფშენ ხანდენდჷ. ქაჭიშუ შკვით გრავიურაში ეშაჭკირუა. დიოდღარო ბლეიქი რენესანსიშ ფარანიშ ართ–ართი თარი ხელუანო რე მერჩქინელი. მუშ ბორჯი, გაჭირებათ გალიუ. ამდღა თახმას ირაგადე, ნამდა ბლეიქი რე გენიოსი ჭარუ, ხანტუ დო ლითოგრაფი ნამუთ მოსოფელს ასქვამენსჷნ.

აკოქიმინჯალა[რედაქტირაფა]

  • სამონთხეშ დო ჯოჯოხეთიშ ქორწინაფა

რესურსეფი ინტერნეტის[რედაქტირაფა]