უინფილდ სკოტი
| უინფილდ სკოტი Winfield Scott | ||
 უინფილდ სკოტი 1862 წანას | ||
| ააშ-იშ არმიაშ თარსარდალი | ||
|---|---|---|
| პოსტის გერინაშ ბორჯი | ||
| 5 კვირკვე, 1841 – 1 გერგობათუთა, 1861 | ||
| პრეზიდენტი | ჯონ ტაილერი ჯეიმზ ნოქს პოლკი ზაქარი ტეილორი მილარდ ფილმორი ფრანკლინ პირსი ჯეიმზ ბიუკენენი აბრაამ ლინკოლნი | |
| წიმოხონი | ალექსანდრე მაკომბი | |
| მონძე | ჯორჯ მაკკლელანი | |
| დუნაბადი | 13 მანგი, 1786 დინუიდი, ვირჯინია, ააშ | |
| ნაღურა | მესი 29, 1866 (79 წანერი) ვესტ-პოინტი, ნიუ-იორკი, ააშ | |
| ნთხორუ აბანი | ვესტ-პოინტიშ სასაფლა, ვესტ-პოინტი, ნიუ-იორკი | |
| მენოღალობა |  ააშ | |
| ერუანობა | ამერიკალი | |
| პოლიტიკური პარტია | ვიგეფიშ პარტია | |
| მუმა | უილიამ სკოტი | |
| ნანა | ენ მეისონი | |
| ალმასქუ | მარია დეჰარტ მეიო | |
| სქუალეფი | 7 | |
| გონათაფა | უილიამიშ დო მერიშ კოლეჯი | |
| ჯილდოეფი | კონგრესიშ ორქოშ მენდალი (2) | |
| ხეშმოჭარუა |  | |
უინფილდ სკოტი (ინგლ. Winfield Scott; დ. 13 კვირკვე, 1786 — ღ. 29 მესი, 1866) — ამერიკალი ოურდუმე მოღალე დო პოლიტიკოსი. 1841-1861 წანეფს რდჷ ააშ-იშ არმიაშ თარსარდალი. სკოტი მონაწილენდჷ ინგლის-ამერიკაშ ლჷმას, ინდიარეფიშ ლჷმას, ამერიკა-მექსიკაშ ლჷმას დო ამერიკაშ ომენოღალე ლჷმას.
დებადჷ ვირჯინიას. დუდშე მოღალენდჷ იურისტო. 1808 წანას ქაკათჷ ამერიკაშ აკოანჯარაფილი ნძალეფს დო გინირთჷ არტილერიაშ კაპიტანო. 1812 წანაშ ლჷმას ნინალენდჷ კანადაშ ფრონტის დო დუდი გიმირჩქინჷ კუინსტონ-ჰაიტსიშ დო ფორტ-ჯორჯიშ ბურჯაფეფს. 1814 წანას სკოტიქ გინირთჷ ბრიგადაშ გენერალო.
1841 წანას სკოტი ქუდარინეს ააშ-იშ არმიაშ თარსარდალო. ამერიკა-მექსიკაშ ლჷმაშ მიმალობას, თინა ხემანჯღვერენდჷ ოურდუმე კამპანიას მექსიკაშ ნანანოღა მეხიკოშ მეხჷ. სკოტიქ ეფექტურო ქიდეკინჷ ონიშოლი ვერაკრუსი, კონწარო დამარცხჷ მექსიკარი გენერალი ანტონიო ლოპეს დე სანტა-ანა სერო-გორდოშ, კონტრერასიშ, ჩურუბუსკოშ ბურჯაფეფს. წჷმოძინელი ოურდუმე ექსპედიციაშ შედეგო, სკოტიქ მეხიკო ხოლო გეჭოფუ, 1847 წანაშ ეკენიას.
1840, 1844, 1848 წანეფს სკოტი ოცადუდჷ მუში პარტიაშე (ვიგეფიშ პარტია) მიპალუკო საპრეზიდენტო ნომინაცია, მარა უშედეგეთ. 1852 წანას სკოტიქ მიპალუ ნომინაცია, მარა საპრეზიდენტო გიშაგორუეფს დემოკრატიული პარტიაშ კანდიდატი ფრანკლინ პირსიწკჷმა დემარცხჷ. ამერიკაშ ომენოღალე ლჷმაშ დოჭყაფაშე, სკოტიქ ხუჯი ვადუკინჷ აკშ-ს, თიშ უმუკუჯინუო ნამდა სკოტი აკშ-შ ართ-ართი დუმარსხუაფალი შტატი ვირჯინიაშე რდჷ. ლჷმაშ დაჭყაფური პერიოდის, სკოტი აბრაამ ლინკოლნიშ ელმაჩამალო ნინალენდჷ. 1861 წანას სკოტიქ პოლიტიკური დო ოურდუმე პროცესეფს დეთხუ. რინაშ ეკონია პერიოდის ვესტ-პოინტის ცხოვრენდჷ, სოდეთ დოღურჷ 1866 წანაშ 29 მესის, 79 წანერქ. დასაფულებური რე ვესტ-პოინტიშ სასაფლას. თეხანური ისტორიკოსეფი უინფილდ სკოტის მითმირჩქინანა ართ-ართი უდიდაში ოურდუმე მოღალეთ ააშ-იშ ისტორიას.