უმბერტო I

უმბერტო I იტალ. Umberto I
უმბერტო I 1882 წანას
იტალიაშ მაფა
პოსტის გერინაშ ბორჯი
9 ღურთუთა, 1878 – 29 კვირკვე, 1900
პრემიერ-მინისტრი	აგოსტინო დეპრეტისი ბენედეტო კაიროლი ფრანჩესკო კრისპი ანტონიო სტარაბა ჯოვანი ჯოლიტი ლუიჯი პელუ ჯუზეპე სარაკო
წიმოხონი	ვიტორიო ემანუელე II
მონძე	ვიტორიო ემანუელე III
დუნაბადი	14 მელახი, 1844 ტურინი, სარდინიაშ ომაფე
ნაღურა	კვირკვე 29, 1900 (56 წანერი) მონცა, იტალიაშ ომაფე
ნთხორუ აბანი	რომიშ პანთეონი
მუმა	ვიტორიო ემანუელე II
ნანა	ადელჰაიდ ავსტრიალი
ალმასქუ	მარგერიტა სავოიარი
სქუალეფი	ვიტორიო ემანუელე III
რელიგია	კათოლიციზმი
ხეშმოჭარუა

უმბერტო I (იტალ. Umberto I, დ. 14 მელახი, 1844 — ღ. 29 კვირკვე, 1900) — იტალიაშ მაფა 1878-1900 წანეფს, სავოიარეფიშ დინასტიაშ წჷმმარინაფალი.

რდჷ ვიტორიო ემანუელე II-შ დო თიში ალმასქუ ადელჰაიდ ავსტრიალიშ უნჩაში ქომოლსქუა. უმბერტოქ მიღჷ ოურდუმე გონათა დო მონაწილენდჷ იტალიაშ ლჷმას დუდიშულობაშო, ნამუშ მიმალობას თინა სარდინიაშ ომაფე არმიას ხემანჯღვერენდჷ. ხვისტაშა ეშართჷ 1878 წანას, მუამუშიშ ღურაშ უკულ. მართუალაშ ბორჯის, უმბერტო მეთხოზუდჷ მილიტარისტული პოლიტიკას. იტალიაქ ოურდუმე ალიანსიშა მიშელჷ გერმანიაწკჷმა დო ავსტრია-უნგრეთიწკჷმა. თაშნეშე, უმბერტო I იტალიაშ კოლონიური პოლიტიკაშ მოხუჯე რდჷ. თიში მაფობაშ პერიოდის, იტალიაშ იმპერიაშ აკოდგინალუაშა მიშელეს ერიტრეაქ დო სომალქ.

დინახალენი პოლიტიკას, უმბერტოს სერიოზული აწმარენჯობაქ შეხვადჷ. იტალიას უღუდჷ ეკონომიკური დო სოციალური პრობლემეფი. უმბერტოშ კონსერვატორული დო რადიკალური პოლიტიკა პოპულარობათ ვასარგებლენდჷ მეკვარჩხანეეფს დო ანარქისეტეფს შქას. 1898 წანაშ 6-10 მესის, მილანს, აკოანჯარაფილი ნძალეფქ ზისხირს ქინაშქვიდეს დემონსტრანტეფიშ აქცია, ნამუეფით აპროტესტენდეს ქობალიშ ფასეფს. ჟირი წანაშ უკულ, 1900 წანაშ 29 კვირკვეს, უმბერტო I ომაღურეთ დოჭკირჷ იტალიარი ანარქისტიქ გაეტანო ბრეშიქ. უმბერტო I-შ ღურაშ უკულ, ხვისტაშა ეშართჷ თიში სქუაქ ვიტორიო ემანუელე III-ქ.

ლიტერატურა

• ენციკლოპედია ბრიტანიკა