ფაზალ ილაჰი ჩოუდჰრი

	ფაზალ ილაჰი; فضل الٰہی
	; ოფიციალური პორტრეტი, 1973 წ.
პაკისტანიშ მა-5 პრეზიდენტი
პოსტის გერინაშ ბორჯი
	14 მარაშინათუთა, 1973 – 16 ეკენია, 1978
პრემიერ-მინისტრი	ზულფიკარ ალი ბჰუტო
წიმოხონი	ზულფიკარ ალი ბჰუტო
მონძე	მუჰამედ ზია-ულ ჰაკი
ნაღურა	მანგი 2, 1982 (78 წანერი) ; ლაჰორი, პენჯაბი, პაკისტანი
მენოღალობა	პაკისტანი
პოლიტიკური პარტია	ედომუშამო ინდოეთიშ მუსულმანეფიშ ლიგა (1942-1947); მუსულმანეფიშ ლიგა (1947-1958); პაკისტანიშ ოკათე პარტია (1969-1978)
გონათაფა	ალიგარჰიშ მუსულმანური უნივერსიტეტი; პენჯაბიშ უნივერსიტეტი
საქვარუა	ბარისტერი, პოლიტიკოსი
რელიგია	ისლამი

ფაზალ ილაჰი ჩოუდჰრი (დ. 1 ღურთუთა, 1904 — ღ. 1 მანგი, 1982) — პაკისტანარი ბარისტერი დო პოლიტიკოსი, პაკისტანიშ მა-5 პრეზიდენტი 1973-1978 წანეფს.

გურაფულენდჷ იურისპრუდენციას ალიგარჰიშ მუსულმანური უნივერსიტეტის დო პენჯაბიშ უნივერსიტეტის. გურაფაშ თებაშ უკულ, ლაჰორს დარსხუ მუშ იურიდიულ ფირმა. 1930-იან წანეფშე ქაკათჷ პოლიტიკას. 1930 წანას გიშაგორილქ იჸუ აბონობურ ადმინისტრაციას. 1942 წანაშე რდჷ ედომუშამო ინდოეთიშ მუსულმანეფიშ ლიგაშ მაკათური. ჩოუდჰრი აქტიური მონაწილენდჷ პაკისტანიშ ჸარაფის, ნამუთ ლჷმენდჷ პაკისტანიშ დუდიშულობაშო.

ზოხორინელი პაკისტანიშ გოჭყაფაშ უკულ, უკინებუდჷ შხვადოშხვა შამულამი პოსტეფი. რდჷ გონათაფაშ დო ჭყანთხილუაშ მინისტრი. ჩოუდჰრი 1969 წანაშე რდჷ პაკისტანიშ ოკათე პარტიაშ მაკათური. 1972 წანას ჩოუდჰრიქ გიშაგორილქ იჸუ პაკისტანიშ ერუანული ასამბლეაშ დუდმახვენჯო. 1973 წანას ჩოუდჰრი მონაწილენდჷ საპრეზიდენტო გიშაგორუეფს, მუჭოთ პაკისტანიშ ოკათე პარტიაშ კანდიდატი. ჩოუდჰრიქ გემორძგჷ დო პაკისტანიშ რანწკით მახუთა პრეზიდენტო გინირთჷ. თიქ ჸათე პოსტის დოთირუ ზულფიკარ ალი ბჰუტო, ნამუქჷთ პრემიერ-მინისტრიშ პოსტი ქიდეკინჷ. 1973 წანას მეღებული ახალი კონსტიტუციათ პრეზიდენტიშ პოსტიქ ცერემონიულო გინირთჷ. 1977 წანას, ქუმოხვადჷ სახენწჷფო გინორთაქ, ნამუშ შედეგო ბჰუტოშ თარობა ქუდახუეს. ხეშულობა ხეშა ქაშეჸოთჷ მუჰამედ ზია-ულ ჰაკიქ. გინორთაშ უკულ ხოლო ჩოუდჰრი აგინძორენდჷ პრეზიდენტიშ მოვალობას დო პოსტის სქიდუდჷ, მარა ძალამს ლიმიტირაფილი ნებეფით დო გლახა ურთიართალათ ზია-ულ ჰაკიშ თარობაწკჷმა. 1978 წანაშ ეკენიას, ჩოუდჰრიქ პრეზიდენტიშ პოსტიშე გეგნოდირთჷ. ღურჷ ოთხ წანაშ უკულ, 1982 წანაშ 1 მანგის, 78 წანერქ.

თე სტატია პოლიტიკური მოღალეშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა.