ფარუხ ლეგარი

ფარუხ ლეგარი فاروق لغاری
ლეგარი 1995 წანას
პაკისტანიშ მა-8 პრეზიდენტი
პოსტის გერინაშ ბორჯი
14 გერგობათუთა, 1993 – 2 ქირსეთუთა, 1997
პრემიერ-მინისტრი	ბენაზირ ბჰუტო მერაჯ ხალიდი (ობორჯე) ნავაზ შარიფი
წიმოხონი	ვასიმ საჯადი (ობორჯე)
მონძე	ვასიმ საჯადი (ობორჯე)
დუნაბადი	29 მესი, 1940 ჩოტი ზარინი, ბრიტანეთიშ ინდოეთი
ნაღურა	გჷმათუთა 20, 2010 (70 წანერი) რავალპინდი, პაკისტანი
მენოღალობა	პაკისტანი
პოლიტიკური პარტია	პაკისტანიშ ოკათე პარტია (1988-1997) პაკისტანიშ მუსულმანეფიშ ლიგა (ქ) (2002-2010)
გონათაფა	ოქსფორდიშ უნივერსიტეტი
რელიგია	სუნიზმი

ფარუხ აჰმად ხან ლეგარი (დ. 29 მესი, 1940 — ღ. 20 გჷმათუთა, 2010) — პაკისტანარი პოლიტიკოსი, პაკისტანიშ პრეზიდენტი 1993-1997 წანეფს. მაართა ეთნიკურო ბელუჯა პოლიტიკოსი, ნამუქჷთ გიშაგორილქ იჸუ პაკისტანიშ პრეზიდენტო.

დებადჷ ეთნიკური ბელუჯეფიშ ფანიას. გურაფულენდჷ აიტჩისონიშ კოლეჯის. უკულ გურაფა გაგინძორჷ ბრიტანეთის, ოქსფორდიშ უნივერსიტეტის. პაკისტანშა დორთაშ უკულ ქაკათჷ პოლიტიკას. 1970-იან წანეფს უკებუდჷ შხვადოშხვა შამულამი პოსტეფი. რდჷ ინდუსტრიაშ მინისტრი. 1993 წანას უკებუდჷ გალენურ საქვარეფიშ მინისტრიშ პოსტი. ხოლო ურთიართალა უღუდჷ პრემიერ-მინისტრ ბენაზირ ბჰუტოწკჷმა, ნამუშ ინიციატივათ ლეგარი ნომინირაფილი რდჷ პრეზიდენტობაშ კანდიდატო. 1993 წანას ლეგარი გიშაგორილქ იჸუ პაკისტანიშ რანწკით მა-8 პრეზიდენტო. მარა მალას ლეგარის სერიოზულ აწმარენჯობაქ შეხვადჷ. მუშენდა თიქ ქუდარინუ ოდებელი კანდიდატეფი პაკისტანიშ უჟინაშ სასამართლოს. თაშნეშე, არდგილი უღუდჷ შხვა სკანდალეფს ხოლო (მეჰრან ბანკიშ სკანდალი). 1995 წანაშე გეუფრაშჷ ურთიართალაქ ბჰუტოშ დო ლეგარიშ შქას. 1996 წანას, ლეგარიქ ბჰუტოშ თარობა დეთხიუ. ვართ გეჸვენჯი პრემიერ-მინისტრი ნავაზ შარიფიწკჷმა უღუდჷ ჯგირ ურთიართალა ლეგარის. 1997 წანაშ ქირსეთუთას ლეგარიქ პრეზიდენტიშ პოსტიშე გეგნოდირთჷ.