ფაჰრუდინ ალი აჰმედი

ფაჰრუდინ ალი აჰმედი
ალი აჰმედი 1976 წანას
ინდოეთიშ მა-5 პრეზიდენტი
პოსტის გერინაშ ბორჯი
24 მარაშინათუთა, 1974 – 11 ფურთუთა, 1977
ვიცე-პრეზიდენტი	გოპალ სვარუპ პათაკი, ბ. დ. ჯატი
პრემიერ-მინისტრი	ინდირა განდი
წიმოხონი	ვ. ვ. გირი
მონძე	ბ. დ. ჯატი (ს/მ), ნილამ სანჯივა რედი
ინდოეთიშ ოჭკომალიშ დო ოფუტეშ მეურნობაშ მინისტრი
პოსტის გერინაშ ბორჯი
27 მანგი, 1970 – 3 კვირკვე, 1974
პრემიერ-მინისტრი	ინდირა განდი
წიმოხონი	ჯაგჯივან რამი
მონძე	ჩ. სუბრამანიამი
დუნაბადი	13 მესი, 1905 დელი, ბრიტანეთიშ ინდოეთი
ნაღურა	ფურთუთა 11, 1977 (71 წანერი) ნიუ-დელი, ინდოეთი
ოგიშაგორაშე ოლქი	ბარპეტა, ასამი
ღურაშ ბაძაძი	გურიშ შეტევა
ნთხორუ აბანი	ლოდიშ ბაღეფი, ნიუ-დელი
მენოღალობა	ინდოეთი
ერუანობა	ინდოარი
პოლიტიკური პარტია	ინდოეთიშ ერუანული კონგრესი
მუმა	ზალნურ ალი
ალმასქუ	აბიდა აჰმედი (გ. 1945)
სქუალეფი	3
გონათაფა	ჯეგე სტეფანეშ კოლეჯი (დელი), კემბრიჯიშ უნივერსიტეტი
ომენცარე ხარისხი	იურისტი
პროფესია	იურისტი
საქვარუა	პოლიტიკოსი
რელიგია	ისლამი
თიშ პრეზიდენტობაშის გჷმოცხადებულქ იჸუ „საგანგებო დგომარობაქ“

ფაჰრუდინ ალი აჰმედი (ჰინ. फ़ख़रुद्दीन अली अहमद, ასამ. ফখৰুদ্দিন আলি আহমেদ, ინგლ. Fakhruddin Ali Ahmed; დ. 13 მესი, 1905 – ღ. 11 ფურთუთა, 1977) — ინდოარ იურისტ დო პოლიტიკოსი რდჷ, ნამუსჷთ 1974-1977 წანეფს ინდოეთიშ პრეზიდენტიშ პოსტ უკებუდჷ.

დელის დჷნაბად აჰმედ გურაფულენდჷ დელის დო კემბრიჯის; 1928 წანას ლონდონიშ „ინერ ტემპლიშ“ (Inner Temple) ადვოკატურაშა ქიმიჭანეს. ინდოეთშა დორთაშ უკულ იურიდიულ პრაქტიკას ლაჰორს, უკული — გუვაჰატის მეჸუნდჷ. 1930-იან წანეფშე ინდოეთიშ ერუანულ კონგრესწკჷმა განწეხანიშ ურთიართობა დიჭყჷ; 1939 წანას აჰმედ ასამიშ ფინანსეფიშ მინისტრ რდჷ გოპინათ ბორდოლოიშ თარობას. 1946 წანას თიქ ასამიშ პროვინციაშ გენერალურ ადვოკატო (Advocate General) გინირთჷ, 1957-1966 წანეფს კჷნე ფინანსეფიშ მინისტრ რდჷ ბიმალა პრასად ჩალიჰაშ ხემანჯღვერალათ. 1966 წანას პრემიერ-მინისტრ ინდირა განდიქ ერუანულ კაბინეტიშ მინისტრო ქჷდარინუ; თინა ხემანჯღვერენდჷ შხვადოშხვა ცენტრალურ სამინისტროეფს, თინეფს შქას ენერგეტიკაშ, ირიგაციაშ, ინდუსტრიაშ დო ინდოეთიშ ოჭკომალიშ დო ოფუტეშ მეურნობაშ სამინისტროშ სფეროეფს. 1974 წანას თინა ინდოეთიშ პრეზიდენტო გეგშაგორეს, სოდეთ მუშ კონკურენტ ტრიდიბ ჩაუდჰურიშე ბრელით უმოს ნდება დო ხონარ მიღჷ.

მუჭოთ პრეზიდენტიქჷნ, აჰმედიქ 1975 წანაშ მარაშინათუთას [საგანგებო დგომარობა გჷმოაცხადუ დო ხე ქუმაჭარჷ ანდა დჷნადგინას დო საკონსტიტუციო თირუას, ნამუეფჷთ ინდირა განდიშით შემუშებულ რდჷ ზოჯუეფით გამაგალაშო. აბუ აბრაჰამიშ ართ-ართ სიმბოლურ კარიკატურაქ, აჰმედიშ რეპუტაცია მოწიკ საგანგებო სიტუაციეფშოთ ალარინაშ გეშა. თიშ პრეზიდენტობა ეჭარილ რე მუჭოთ „რეზინიშ შტამპი“.

აჰმედიქ 1977 წანაშ ფურთუთას გურიშ შეტევათ დოღურჷ. თის სახენწჷფო ნთხორუა მუნწყუეს დო ნთხორილ რე ნიუ-დელის, ჯვეშ პარლამენტიშ დოხორეშ გოხოლუას მადვალუ მეჩეთის. აჰმედი, ნამუთ მაჟირა მუსლიმ რდჷ, ნამუქჷთ ინდოეთიშ პრეზიდენტიშ პოსტიდეკინჷნ, თაშნეშე მაჟირა პრეზიდენტ რდჷ, ნამუქჷთ პოსტის მოღალობაშის დოღურჷნ. აჰმედი 1977 წანას ობორჯე პრეზიდენტიშ პოსტის ბ. დ. ჯატიქ დოთირუ, ინდოეთიშ მაამშვა პრეზიდენტო ნილამ სანჯივა რედიქ გინირთჷ.

გეძინელ ინფორმაცია

• Fakhruddin Ali Ahmed, by M. A. Naidu, 1975
• Fakhruddin Ali Ahmed, by Attar Chand. Pub. Homeland, 1975.
• Janak Raj Jai (2003). "Fakhruddin Ali Ahmed", Presidents of India, 1950–2003. Daya Books, ხს. 101. ISBN 81-87498-65-X. 
• Speeches of President Fakhruddin Ali Ahmed, Publications Division, Ministry of Information and Broadcasting, Govt. of India, 1980.
• My eleven years with Fakhruddin Ali Ahmed, by F. A. A. Rehmaney. S. Chand, 1979.