ფილიბერ ცირანანა
| ფილიბერ ცირანანა Philibert Tsiranana | ||
 ცირანანა 1961 წანას | ||
| მადაგასკარიშ მა-1 პრეზიდენტი | ||
|---|---|---|
| პოსტის გერინაშ ბორჯი | ||
| 1 მესი, 1959 – 11 გჷმათუთა, 1972 | ||
| წიმოხონი | პოსტიქ გიჭყჷ | |
| მონძე | გაბრიელ რამანანცუა | |
| პოსტის გერინაშ ბორჯი | ||
| 14 გჷმათუთა, 1958 – 1 მესი, 1959 | ||
| წიმოხონი | პოსტიქ გიჭყჷ | |
| მონძე | პოსტიქ გეუქვჷ | |
| დუნაბადი | 18 გჷმათუთა, 1912
ამბარიკორანო, ფრანგული მადაგასკარი | |
| ნაღურა | პირელი 16,, 1978 (65 წანერი)
ანტანანარივუ, მადაგასკარიშ დემოკრატიული რესპუბლიკა | |
| მენოღალობა |  საფრანგეთი მადაგასკარი | |
| პოლიტიკური პარტია | მადაგასკარიშ სოციალ-დემოკრატიული პარტია | |
| ალმასქუ | ჟიუსტინ ცირანანა | |
| სქუალეფი | 7 | |
| საქვარუა | პოლიტიკოსი, მაგურაფალი | |
ფილიბერ ცირანანა (დ. 18 გჷმათუთა, 1912 — ღ. 16 პირელი, 1978) — მადაგასკარალი პოლიტიკოსი, მადაგასკარიშ პრემიერ-მინისტრი 1958-1959 წანეფს დო მადაგასკარიშ მა-1 პრეზიდენტი 1959-1972 წანეფს.
გურაფულენდჷ ანტანანარივუშ სკოლას. 1946 წანას მიპალჷ სტიპენდია დო გურაფა გაგინძორჷ მონპელიეს (საფრანგეთი). ჸათე პერიოდშე ქაკათჷ ანტი-კოლონიურ ჸარაფის. ოდაბადეშა დორთაშ უკულ, მუშენდჷ მაგურაფალო დო აქტიურო მონაწილენდჷ პოლიტიკურ პროცესეფს. 1956 წანას გიშაგორილქ იჸუ საფრანგეთიშ ერუანულ ასამბლეაშ მაკათურო. თე წანას, ცირანანაქ დარსხუ სოციალ-დემოკრატიული პარტია. 1958 წანას, საფრანგეთიქ კოლონიეფს მუშით-გჷმორკვიაფაშ ნება ქიმეჩჷ. ჸათე ბორჯიშე ცირანანას უკებუდჷ მადაგასკარიშ მარსულებერ სხუნუშ დუდმახვენჯიშ დო პრემიერ-მინისტრიშ პოსტი. მადაგასკარიშ ზოხორინელობაშ (1960 წანაშ 26 მანგი) უკულ, ცირანანაქ გიშაგორილქ იჸუ ქიანაშ მაართა პრეზიდენტო.
ცირანანაშ მართუალაშ გოძვენას, მადაგასკარქ შანულამ პოლიტიკურ დო ინსტიტუციურ სტაბილურობას მიოჭირინუ. ცირანანა მეთხოზუდჷ სოციალ-დემოკრატიულ პოლიტიკას, ნამუქჷთ მადაგასკარს მორჩილ ეკონომიკურ წჷმოძინა მოუღჷ. თიშ მართუალა, თაშნეშე იხასიათებუდჷ ავტორიტარიზმით. 1971 წანაშე, თიშ ხეშულობაშ მეხჷ არდგილ უღუდჷ საპროტესტო აქციეფს დო დემონსტრაციეფს, სტუდენტეფიშ დო ფერმერეფიშ მაკათურობათ. 1972 წანაშ გჷმათუთას, ცირანანაქ პრეზიდენტიშ პოსტიშე გეგნოდირთჷ.
ქოძირით თაშნეშე
[რედაქტირაფა | წყუშ რედაქტირაფა] |
თე სტატია მადაგასკარიშ დო მადაგასკარალეფიშ დიოდღარო მერკე რე. თქვა შეგილებუნა ქუმმეხვარათ დო აკაფშათ თინა. |