ფილიპ ნუარე
| ფილიპ ნუარე | |
| Philippe Noiret | |
 ფილიპ ნუარე 1951 წანას | |
| ჯოხო დაბადება შვანს |
Philippe Pierre Fernand Noiret |
|---|---|
| მოღალობა |
1948–2006 |
|
ბიოგრაფიული ჩინებეფი
| |
| დაბადებაშ თარიღი | |
| დაბადებაშ აბანი | |
| ღურაშ თარიღი |
23 გერგობათუთა, 2006 (76 წანერი) |
| ღურაშ აბანი |
პარიზი, საფრანგეთი |
| ნთხორუაშ აბანი |
მონპარნასიშ საფულა, პარიზი |
| საქვარუა: | |
| მენოღალობა | |
| ერუანობა |
ფრანგი |
| ალმასქუ |
მონიკ შომეტი (გ. 1962) |
| ჯილდოეფი: | |
ფილიპ ნუარე (ფრანგ. Philippe Noiret; დ. 1 გჷმათუთა, 1930 — ღ. 23 გერგობათუთა, 2006) — ფრანგ კინოარტისტ რდჷ.
ბიოგრაფია
[რედაქტირაფა | წყუშ რედაქტირაფა]საბაკალავრო გამოცდეფს მუსხირენშა ინოჭკირუაშ უკული, ნუარექ თეატრიშ გურაფა გინოჭყვიდჷ. გონათაფა მიღჷ ბჟაეიოლიშ დრამატულ ცენტრის (Centre Dramatique de l'Ouest) დო უკულ შკვით წანაშ განწეხანს ოკათე თეატრწკჷმა ართო შარალენდჷ ტურეფს. ზუსტას თაქ შეხვადჷ მუშ მუმალ ალმასქუს, მონიკ შომეტის დო 1962 წანას დეგურგინეს. თე ბორჯის დიჭყჷ სერიშ კლუბეფიშ კომედიანტიშ კარიერა ჟან-პიერ დარასწკჷმა დუეტის.
კინოეკრანეფს თიშ დებიუტიქ 1956 წანას იმანჯჷ აგნეს ვარდაშ ფილმის „La Pointe Courte“, მარა მაჟირაშა 1960 წანაშა ვამკორჩქინელე. 1962 წანას „ტერეზა დექეიროშის“ მუშ როლიშ უკული, თიქ საბოლათ გემშეღჷ მუშ დუდ ფრანგულ კინოეკრანშა, მარა თარ როლით ხვალე 1966 წანას რჩქინდუ ჟან-პოლ რაპენოშ ფილმის „La Vie de château“. 1967 წანას „Alexandre le Bienheureux“-ს რსულებათ საფრანგეთის მურიცხო გინირთჷ. თე ბორჯიშო თინა უკვე ედომუშამ ბორჯის ეკრანს უჩომილუანდჷ. ნუარეს ვეშულებუდჷ რომანტიკულ გერგეზეფიშ როლეფიშ ლაჸაფი, ათეშენ ჯინჯიერო ირდღარ ხასიათეფიშ გჷმოხანტუათ რდჷ დაკებული. მარა თინეფს შქას რდჷ მუსხირენ კრიტიკულ როლით, მუნერით რე „La Grande Bouffe“ — ფილმ ზედმეტ ჭკომუათ დუდიშ ჸვილუაშ გეშა, ნამუქჷთ სკანდალ გჷმიჭანუ კანიშ ფესტივალს 1973 წანას.
პირველ სეზარ 1976 წანას მიღჷ როლიშო ფილმის „Vieux Fusil“. მაჟირა სეზარი 1990 წანას მიღჷ ფილმიშო „La Vie et rien d'autre“. ერეფოშქაშე ეკრანეფს თინა არძაშე უჯგუშო ჩინებულ რე როლეფიშო ფილმეფს: „ახალ კინოთეატრ პარადიზო“ (Nuovo Cinema Paradiso) დო „ფოსტალიონი“ (Il Postino).
ფილიპ ნუარექ ღურჷ 2006 წანაშ 23 გერგობათუთას, კიბოშ ლახარათ.
ფილმოგრაფია
[რედაქტირაფა | წყუშ რედაქტირაფა]| წანა | მარგალურო | ოდაბადური ჯოხოდვალა | როლი | |
|---|---|---|---|---|
| 1960 | ფ | ზაზი მეტროს | Zazie dans le Métro | ჯიჯ გაბრიელი |
| 1965 | ფ | ლედი ლ | Lady L | ამბროზი ჟერომი |
| 1969 | ფ | ტოპაზი | Topaz | ჰენრი ჟარე |
| 1975 | ფ | ჯვეშ თოფი | Le Vieux Fusil | ჟულიენ დანდიუ |
| 1976 | ფ | ტიოზ ტარტარი | Il deserto dei Tartari | გენერალი |
| 1989 | ფ | ახალ კინოთეატრ პარადიზო | Nuovo Cinema Paradiso | ალფრედო |
| 1989 | ფ | რინა დო მეტ მუთუნ ვარი | La Vie et rien d'autre | პოლკოვნიკ დელაპლანი |
რესურსები ინტერნეტში
[რედაქტირაფა | წყუშ რედაქტირაფა]- Philippe Noiret — კინოფილმეფიშ ინტერნეტ მუნაჩემეფიშ ბაზას (ინგლისური)
- ფილიპ ნუარე — Find a Grave-ს