ფლეგრეიშ ველეფი
|
ფლეგრეიშ ველეფი |
||
|---|---|---|
 ფლეგრეიშ ველეფი, ნეაპოლიშ კამალდოლიშ ერმიტაჟშე |
||
|
კოორდინატეფი: / |
||
| ორენი | ნეაპოლიშ მეტროპოლიურ ნოღა, კამპანია, იტალია | |
| ფართობი | 100 კმ² | |
| სიმაღალა | 458 მ | |
| ქჷნდჷრი | კამპანიაშ ვულკანურ ორტყაფუ | |
| ტიპი | კალდერა | |
| ხანი | 40,000 წანა | |
| ბოლო ეშაგორგოთი | 1538 წანაშ 29 ეკენია — 6 გჷმათუთა | |
| ნათანგა | Campi Flegrei | |
| ნინა | იტალიური | |
|
 |
||
ფლეგრეიშ ველეფი (იტალ. Campi Flegrei; ნეაპ. Campe Flegree; ლათ. Phlegraei campi; ჯვ.-ბერძენ. Φλεგრία Πεδία; მარგალურო — „ბარბანჩია ველეფი“) — კაბეტ ვულკანურ კალდერა ნეაპოლიშ ბჟადალშე, იტალიას.[1] ნეაპოლურ ჸვინთელ ტუფიშ ეშაგორგოთიქ (დოხოლაფირო 12 ვითოშ წანაშ კინოხ) ხვალე 50 კუბურ კილომეტრ მასალა გეშაბურინუ.[2] თინა, მუჭოთ ვულკანი, ძალამ კაბეტ რე კალდერაშ ოფორმირებელო. ფლეგრეიშ ველეფი კამპანიაშ ვულკანურ ორტყაფუშ ნორთ რე, ნამუთ თაშნეშე იკათუანს ვეზუვიშ გვალას, ნეაპოლიშ ბჟაეიოლშე დოხოლაფირო 9 კილომეტრიშ მეძენას. ფლეგრეიშ ველეფს აკონტროლენს ვეზუვიშ ობსერვატორია.[3] ნოღა ნეაპოლიშ ნორთ ბონას თე ვულკანურ არანს რე აკოგაფილი. ფლეგრეიშ ველეფიშ ჩინებულ უკაბეტაშ ეშაგორგოთეფიშ ვულკანური ექსპლოზიურობაშ ინდექსი (VEI) 7-ით იფასებუ. პოპულარულ მედიას თის შხირას სუპერვულკანს უძახჷნა, თიშ უმუკუჯინალო, ნამჷ-და თე ტერმინიშ მენცარულ გოთანჯუა რე ვულკანი, ნამუშ ეშაგორგოთიშ ინდექსი 8-ს (უმაღალაშ დონე) ოჭირინუანსჷნ.[კომ. 1]
კომენტარეფი
[რედაქტირაფა | წყუშ რედაქტირაფა]- ↑ ვამენცარულ მედია თე არანს მირჩქინანს მუჭოთ სუპერვულკანს,[4] მარა თინა ვაუხუჯანს ვულკანოლოგეფიშით დოდგენილ კრიტერიუმს: ეშაგორგოთუას ვულკანური ექსპლოზიურობაშ ინდექსით (VEI) 8,[5] ნამუთ ინდექსიშ უმაღალაშ მაძირაფალ რე. თენა შანენს, ნამჷ-და ეშაგორგოთელ მასალაშ ნტირა 1,000 კმ3-შე უმოს რე.
რესურსეფ ინტერნეტის
[რედაქტირაფა | წყუშ რედაქტირაფა]
- ვეზუვიშ ობსერვატორია - ფლეგრეიშ ველეფი (იტალიური)
სქოლიო
[რედაქტირაფა | წყუშ რედაქტირაფა]- ↑ Questions About Supervolcanoes. Volcanic Hazards Program. USGS Yellowstone Volcano Observatory (2015-08-21). კითხირიშ თარიღი: 2017-08-22.
- ↑ (1993) „The Neapolitan Yellow Tuff — A large volume multiphase eruption from Campi Flegrei, Southern Italy“. Bulletin of Volcanology 55 (5): ხს. 343–356. DOI:10.1007/BF00301145.
- ↑ Campi Flegrei - stato attuale. Vesuvius Observatory. კითხირიშ თარიღი: 11 November 2023.
- ↑ Howard, Brian Clark (22 December 2016). One of Earth's Most Dangerous Supervolcanoes Is Rumbling. National Geographic.
- ↑ de Silva, Shanaka (2008). „Arc magmatism, calderas, and supervolcanos“. Geology 36 (8). DOI:10.1130/focus082008.1.