ფრაატ V
| ფრაატ V 𐭐𐭓𐭇𐭕 | ||
,_Seleucia_mint_(cropped).jpg) ფრაატ V-შ მონეტა, სელევკიას მუნაჭკირა | ||
| პართიაშ მაფა | ||
|---|---|---|
| პოსტის გერინაშ ბორჯი | ||
| ჯვ. წ. 2 – ახ. წ. 4 | ||
| წიმოხონი | ფრაატ IV | |
| მონძე | ოროდ III | |
| დუნაბადი | დოხ. ჯვ. წ. 19 | |
| მუმა | ფრაატ IV | |
| ნანა | მუსა | |
| რელიგია | ზოროასტრიზმი | |
ფრაატ V (პართ. 𐭐𐭓𐭇𐭕) — პართიაშ მაფა ჯვ. წ. 2-ახ. წ. 4 წანეფს. ქიანას მართუნდჷ დიამუში, მუსაწკჷმა ართო.
ფრაატ V-შ მართუალაშ ბორჯის ძალამს გეუფრაშჷ პართიაშ დო რომიშ ურთიართალაქ, გიშაკერზაფილო სომხეთიშ დო შქაწყარმალონაშ კონტროლიშ გეშა. ოქტავიანექ, მუში სქუალაფირს, გაიუს კეისარს ქუდავალჷ ირანიშ ტერიტორიაშა მიშაჭკირუა, მარა უკულ, ახ. წ. 1 წანას, რომქ დო პართიაქ მირიგეს, დო ქუდოდვეს ოთინჩალე ხეკულუა, ნამუშ ნძალათ სიმხეთიქ ქუდოსქიდჷ რომიშ გოლინაშ სფეროს. საგამათ, რომქ ფრაატ V ქიჩინჷ პართიაშ ოფიციალური მაფათ. ჸათე ჩინებას, კაბეტი შანულობა უღუდჷ ფრაატიშო, მუშენდა თის ვაუღუდჷ ნძალიერი ხეშულობა მუშ ქიანაშ დინახალე. ახ. წ. 4 წანაშო, ფრაატიშ დო მუსაშ მეხჷ ეარყეს პართიალი დიდებუანეფქ დო თინეფი ქუდახუეს. ფრაატიქ დო მუსაქ რომიშა ინტეს. პართიალი დიდებუანეფქ ომაფე ხვისტაშა გეშეჸონეს ოროდ III.