ქანაან ბანანა
| ქანაან ბანანა Canaan Banana | ||
 ბანანა 1986 წანას | ||
| ზიმბაბვეშ მა-1 პრეზიდენტი | ||
|---|---|---|
| პოსტის გერინაშ ბორჯი | ||
| 18 პირელი, 1980 – 31 ქირსეთუთა, 1987 | ||
| პრემიერ-მინისტრი | რობერტ მუგაბე | |
| წიმოხონი | ქრისტოფერ სოუმსი (მუჭოთ ობჟათე როდეზიაშ გუბერნატორი) | |
| მონძე | რობერტ მუგაბე | |
| დუნაბადი | 5 მელახი, 1936 ესიგოდინი, ობჟათე როდეზია | |
| ნაღურა | 10 გერგობათუთა, 2003 (67 წანერი) ლონდონი, გოართოიანაფილი ომაფე | |
| მენოღალობა |  ზიმბაბვე | |
| პოლიტიკური პარტია | ზიმბაბვეშ აფრიკული ერუანული რსხუ | |
| ალმასქუ | ჯანეტ მბუიაზვე | |
| სქუალეფი | 4 | |
| საქვარუა | პაპა, პოლიტიკოსი, პროფესორო | |
| რელიგია | მეთოდიზმი | |
ქანაან სოდინდო ბანანა (დ. 5 მელახი, 1936 — ღ. 10 გერგობათუთა, 2003) — ზიმბაბვეშ რელიგიური მოღალე, მეთოდისტი პაპა დო პოლიტიკოსი, ზიმბაბვეშ მა-1 პრეზიდენტი 1980-1987 წანეფს.
გურაფულენდჷ ეპვორთიშ თეოლოგიურ კოლეჯის. 1962 წანას აკურთხეს პაპათ. 1969-1971 წანეფს რდჷ ბულავაიოშ ეკლესიეფიშ სხუნუშ დუდმახვენჯი. 1971-1973 წანეფს მოღალენდჷ ედომუშამო აფრიკაშ ეკლესიეფიშ კონფერენციას. ბანანა თაშნეშე რდჷ ეკლესიეფიშ მოსოფელიშ სხუნუშ ელმაჩამალი კომიტეტიშ მაკათური. ბანანა აქტიურო ოკათუდჷ ანტი-კოლონიურ პოლიტიკურ პროცესეფს დო კონწარო აკრიტიკენდჷ როდეზიაშ თარობას. პოლიტიკურ აქტივიზმიშ გეშა ბანანას დატებელქ აჸუ როდეზიაქ. თიქ დიო იაპონიაშა მიდართჷ დო უკულ ამერიკაშა, სოდეთ გურაფულენდჷ უესლიშ თეოლოგიურ სემინარიას. 1975 წანას როდეზიაშა დირთჷ, მარა ოჭოფეს დო ჯიხას ქუდახუნეს. 1976 წანას ბანანა გადუდიშულეს. თე წანას, ბანანა რობერტ მუგაბეწკჷმა ართო მონაწილენდჷ ჟენევაშ კონფერენციას. 1979 წანას მონაწილენდჷ ლანკასტერ-ჰაუსიშ კონფერენციას, ნამუშ უკულ მალას გიჭყჷ ზოხორინელ ზიმბაბვექ. 1980 წანას, ბანანაქ გინირთჷ ქიანაშ მაართა პრეზიდენტო. ჸათე პოსტის თინა ნინალენდჷ 1987 წანაშახ. თე წანაშ ქირსეთუთას ბანანაქ გეგნოდირთჷ, დო ახალ პრეზიდენტო გინირთჷ მუგაბექ ნამუქჷთ პრეზიდენტიშ ცერემონიული პოსტი შანულამო განძალიერჷ. 1980-1990-იან წანეფს ბანანა მუშენდჷ აფრიკაშ ართობაშ ორგანიზაციას დო ლექციეფს კითხულენდჷ ზიმბაბვეშ უნივერსიტეტის.
1997 წანას ბანანა ოჭოფეს სოდომიაშ ბრალით. ბანანა გასამართეს დო ამშვი თუთაშ ჯიხას ქუდახუნეს. თინა, თაშნეშე ეკლესიაშე მოკვათეს.[1]
ბანანაქ ღურუ 2003 წანაშ 10 გერგობათუთას, 67 წანერქ.[2]