ქიმიური ელემენტი

შხვა შანულობეფშო ქოძირით ელემენტი.

ქიმიური ელემენტი, ელემენტი — ართნერი ატომური ნომერიშ (გვირზილიშ მუხტიშ) მოღვენი თი ატომეფიშ ართობა, ნამუეფსჷთ შილებე გინორთელი ატომური მასა უღჷდანი. ირი ქიმიურ ელემენტის უღჷ დორხველი ლათინური ჯოხო დო ქიმიური სიმბოლო, ნამუთ ირეგულირებუ IUPAC-ით დო წჷმორინაფილი რე ქიმიურ ელემენტეფიშ პერიოდულ სისტემას.

თე ტერმინი შანენს თაშნეშე სუფთა ნიფთიარობას, ნამუთ აკმოდირთუ გვირზილს ართნერი მუდანობაშ პროტონეფშ მოღვენი ატომეფშე. ქიმიური რეაქციეფიშ ბორჯის ვა ხვადუ ქიმიური ელემენტეფიშ გინოქიმინუა. ქიმიური ელემენტეფში გინოქიმინუა შილებე ხვალე გვირზილური რეაქციეფიშ რზათ. ქიმიური ელემენტიშ თეხანური გოთანჯუა მიშეღჷ რობერტ ბოილქ 1661 წანას დო თინა აწურე პლატონიშურ ოთხი ელემენტიშ თეორიას.

ქიმიური რეაქციეფიშ ბორჯის ითირუ ატომეფიშ გალენელექტრონეფიშ შქას რსხუეფი, დო გვირზილური რეაქციეფიშ ბორჯის ხვადუ — ატომიშ გვირზილიშ აკმადგინალი ნუკლონეფიშ გინოქიმინუა.

ასეშო ჩინებული რე 117 ელემენტი (1–შე 118–იშამო 117–შ მოხ), თინეფშე 94 რე ორთაშობური სახეთ დიხაუჩას.

რჩქვანელობურო, ქიმიურ ელემენტეფს დუთმანწკარანა მენდელეევიშით გჷმოგონებულ მენდელეევიშ ელემენტეფიშ პერიოდულობაშ ცხირს.