ღვაბა, ხვატარი (ლათ. Gryllotalpa gryllotalpa) — ჭანდი მანგსუამეფიშ რანწკიშე. რსხულიშ სიგჷნძა 3,5-5 სმ-შახ ონჭუ. ხე დიხას. ღვაბა ანდაჭკომუ ჭანდი რე, გავალს მეთმიორინუანს დახე არძა ჩანარს, უმენტაშო ორტვინობაშ დო ბაღიშ კულტურეფიშ დიხაშგიმენი ნორთეფს. საქორთუოს ირდიხას ხე. ანდათ ხე ოწყარალი ნოკვეთეფს, წყარონტირუეფიშ წყარპიჯეფს, ოტიბაშეეფს დო ონერგეეფს.
თიში მეხჷ გმირინუანა ბურჯაფიშ აგროტექნიკურ დო ქიმიურ მეშქაშობეფს. აგროტექნიკური მეშქაშობეფშე ეიოშინალი რე მარქვალიშ ოგვაჯეეფიშ აკორცუაფა-ეშაჸოთამა, ოწოფალი ნტხოლიეფიშ მონწყუალა. ქიმიური მეშქაშობეფშე ჯგირ შედეგის ირზენს ტასუა-რგუალაშახ 10-12 დღათ უწოხოლე შხამილი მატყურაფალი მასალაშ მიშაღალა დიხაშა.
