ყინწვისიშ მონასტერი

ყინწვისი — ქორთული ხუროეფიშმანჯღვერუაშ ძეგლი, ოფუტე ყინწვისშე 10 კილომეტრიშ დოშორაფას — ომონასტერე ანსამბლი, ნამუშ ნოდგჷმეფშე ამუდღარდღაშა დახე დუდიშეიანი სახეთ მოჭორინდაფილი რე XIII ოშწანურაშ დაჭყაფუშ წმ. ნიკოლოზიშ ჯვარუან-გულბანდამი, გეგმათ თინკუნთხუამი ოხვამე.

საართო მეჯინელობათ ხოლოს გერე ტიმოთეშუბანწკჷმა. ნაკიდა რე ანგურათ, საკურთხეველიშ აფსიდი ბემიანი რე. აფსიდეფით რე ოკვათჷრე დო ოდიაკონე ხოლო. დინოხოლენ ოფირჩას აკმარცხუანს ოთხი კილე, ნამუეფშეთ, ბჟაეიოლიშ მოხ, არძო თინკუნთხუამი რე. ბჟადალიშ კილე უმოსი გინძე რე. გულბანდიშთუდონი კვადრატიშე ქართაშა გინალი აკოქიმინელი რე ერქემეფით, ნამუსჷთ ეშაჸონაფილი რე 12-ოჭკორიამი გულბანდიშ ჸალი. ოჭკორიეეფი გასქვამებული რე ანგურაშ რანწკათ გიშაჸონაფილი ორგალეფით. ოხვამეს სუმი მინაულარი უღჷ — ოორუეშ, ობჟათეშ დო ბჟადალიშ. ნოდგჷმი დინოხოლე დუდშეშე გულასირუნა დო გოუხანტუნა, ფრესკეფიშ დიდი ნორთი გილალუაფირი რე, მარა მუდგაქ დოსქიდჷნი, ხანტილურ ღრისებათ შქა ოშწანურეფიშ ქორთული მონუმენტური ფერიშჭარუაშ ართ-ართი გჷშარჩქინელ დო შანულამ ძეგლის წჷმარინუანს. ოორუეშ კიდალას მუკოხანტილი რენა გიორგი III, თამარ მაფა დო გიორგი ლაშა.

ოორუეშ კიდალაშე მანცხვარიშ თანაფაშ კომპოზიციაშე ეიოშანალი რე ანგელოზიშ ფრესკა. ფონიშო გჷმორინაფილი რე მოცაშფერო-მოლენიშფერო ტონი, შარავანდეფიშო — ორქო. ფიგურეფი პლასტიკური რე, მუკაქუნალიშ ხუნჭეფი ქექე, სახეეფი — მორაგადე. კომპლექსიშ ნოდგჷმეფშე მუკოსქიდჷ თაშნეშეთ XIII ოშწანურაშ ღორონთიშ ნანაშ ოხვამეშ აკნაცჷმეფქ, გოვითარაფილი რე შქა ოშწანურეფიშ მორჩილი ოხვამე დო გვიანი შქა ოშწანურეფიშ შხვა ნოდგჷმეფი.

გალერეა

თამარ მაფაშ ფრესკა ყინწვისიშ მონასტერს
ყინწვისიშ თარი ანგელოზი
ყინწვისიშ მონასტერი

რესურსეფი ინტერნეტის

ლიტერატურა

ქორთული სხუნუეფიშ ენციკლოპედია, ტომი 10, ხასჷლა 645, ქართი 1986