შანკარ დაიალ შარმა

შანკარ დაიალ შარმა
ოფიციალურ პორტრეტი, 1992 წ.
ინდოეთიშ 9-ა პრეზიდენტი
პოსტის გერინაშ ბორჯი
25 კვირკვე, 1992 – 25 კვირკვე, 1997
ვიცე-პრეზიდენტი	კ. რ. ნარაიანანი
პრემიერ-მინისტრი	პ. ვ. ნარასიმჰა რაო, ატალ ბიჰარი ვაჯპაი, ჰ. დ. დევე გოუდა, ი. კ. გუჯრალი
წიმოხონი	რამასვამი ვენკატარამანი
მონძე	კ. რ. ნარაიანანი
ინდოეთიშ ვიცე-პრეზიდენტი
პოსტის გერინაშ ბორჯი
3 ეკენია, 1987 – 25 კვირკვე, 1992
პრეზიდენტი	რამასვამი ვენკატარამანი
პრემიერ-მინისტრი	რაჯივ განდი, ვ. პ. სინგჰი
წიმოხონი	რამასვამი ვენკატარამანი
მონძე	კ. რ. ნარაიანანი
დუნაბადი	19 მარაშინათუთა, 1918 ბჰოპალი, ბრიტანეთიშ ინდოეთი
ნაღურა	ქირსეთუთა 26, 1999 (81 წანერი) ნიუ-დელი, ინდოეთი
ღურაშ ბაძაძი	გურიშ გაჩემება
ნთხორუ აბანი	კურმა კშეტრა, ნიუ-დელი
მენოღალობა	ინდოეთი
ერუანობა	ინდოარი
პოლიტიკური პარტია	ინდოეთიშ ერუანული კონგრესი
მუმა	ხუშილალ შარმა
ნანა	სუბჰადრა შარმა
ალმასქუ	ვიმალა შარმა (გ. 1950)
სქუალეფი	4 (2 ქომოლსქუა დო 2 ცირასქუა)
გონათაფა	ალაჰაბადიშ უნივერსიტეტი, კემბრიჯიშ უნივერსიტეტი
ომენცარე ხარისხი	ფილოსოფიაშ დოქტორი (PhD), სამართალიშ მაგისტრი (LLM)
პროფესია	იურისტი
საქვარუა	პოლიტიკოსი, მენცარი
რელიგია	ინდუიზმი
ხეშმოჭარუა

შანკარ დაიალ შარმა (ჰინ. शंकरदयाल शर्मा; დ. 19 მარაშინათუთა, 1918 – ღ. 26 ქირსეთუთა, 1999) — ინდოარ იურისტ დო პოლიტიკოსი, ნამუთ 1992-1997 წანეფს ინდოეთიშ პრეზიდენტიშ დო 1987—1992 წეფს — ინდოეთიშ ვიცე-პრეზიდენტიშ პოსტის იკენდჷ.

ბჰოპალს დჷნაბად შარმაქ დიგურჷ აგრას, ალაჰაბადის დო ლაქნაუს; თიქ მიღჷ დოქტორიშ ხარისხ საკონსტიტუციო სამართალს კემბრიჯიშ უნივერსიტეტის, რდჷ ბარისტერ (bar-at-law) ლინკოლნს ინიშე დო ბრანდეისიშ სტიპენდიანტ ჰარვარდიშ უნივერსიტეტის. 1948–49 წანეფს, შარმა რდჷ ბჰოპალიშ სათაროშ ინდოეთწკჷმა მერსხუაფაშ ყარაფიშ ართ-ართ ლიდერი; ათე საქვარშენ თინა ბრუო თუთას ხვილიშას ხედჷ.

ინდოეთიშ ერუანულ კონგრესიშ მაკათურ შარმა რდჷ ბჰოპალიშ სათაროშ დუდმახვენჯ (Chief Minister) 1952–56 წანეფს დო მუშენდჷ მინისტრეფიშ კაბინეტიის (1956–1971) მადჰია-პრადეშიშ თარობას, სოდეთ მუსხირენ პორტფელ უკინებუდჷ. შარმა რდჷ ბჰოპალიშ შტატიშ კონგრესიშ კომიტეტიშ (1950–52), მადჰია-პრადეშიშ კონგრესიშ კომიტეტიშ (1966–68) დო ედომუშამ ინდოეთიშ კონგრესიშ კომიტეტიშ (AICC, 1972–74) პრეზიდენტი. პრემიერ-მინისტრ ინდირა განდიშ მოღალობაშის, თინა ნინალენდჷ მუჭოთ რსხუგოჸუნაფაშ მინისტრი (1974–77). ჟირშა ლოკ საბჰას გიშაგორილ შარმა, 1987 წანას უალტერნატივოთ ინდოეთიშ ვიცე-პრეზიდენტო გიშაგორეს, მუშენდჷ ანდჰრა-პრადეშიშ (1984–85), პენჯაბიშ (1985–86) დო მაჰარაშტრაშ (1986–87) გუბერნატორო. შარმაქ ინდოეთიშ პრეზიდენტო 1992 წანას გიშაგორილქ იჸუ დო ნინალენდჷ 1997 წანაშა. ათე ბორჯის თინა მოღალენდჷ ოთხ პრემიერ-მინისტრიწკჷმა, ნამუეფშე სუმ მუშ პრეზიდენტობაშ ეკონია წანას ქჷდარინუ. თინა პრინციპულ რდჷ პ. ვ. ნარასიმჰა რაოშ თარობაწკჷმა — აძვილჷ თარობა, ნამჷ-და გუბერნატორ პოსტშე გეგნურინუაფუდჷკო, ჸონიერ რეაგირება აკეთჷ ბაბრი მასჯიდიშ (მეჩეთიშ) აკორღვაფაშენ დო ივარუ თი დეკრეტეფიშ ხეშმოჭარუა, ნამუეფჷთ თის 1996 წანაშ გიშაგორუეფიშ წოხოლე წუმურინესჷნ. თიშ გინოჭყვიდირქ, ნამჷ-და პრემიერ-მინისტრო ატალ ბიჰარი ვაჯპაი ქჷდარინუკო (თიშ ოსხირით, ნამჷ-და თინა პარლამენტიშ უკაბეტაშ პარტიაშ ლიდერ რდჷნ), ფართო კრიტიკა გჷმიჭანუ, გიშაკერზაფილო თიშ გეშა, ნამჷ-და ვაჯპაი აძვილებურქ იჸუ ხვალე ვითოოსუმ დღაშა გეგნორინაფედკონ უნდობურობაშ ვოტუმიშ უმუშო. შარმაშით ჰ. დ. დევე გოუდაშ დო ი. კ. გუჯრალიშ პრემიერ-მინისტრო დორინაფას კონგრესიშ პარტიაშ ალარინა უღუდჷ, მარა ნამთინ თარობაქ წანაშე უმოსის ვაგურძებჷ. შარმაქ გინოჭყვიდჷ, ნამჷდა პრეზიდენტო მაჟირა ხანით ვეგჷშაგორილედჷკონ დო თინა პოსტის კ. რ. ნარაიანანქ დოთირუ.

რესურსეფ ინტერნეტის

ვიკიოწკარუეს^? რე ხასჷლა თემაშენ:

შანკარ დაიალ შარმა

• Shankar Dayal Sharma at Encyclopaedia Britannica