ჩარლზ გეშკე
| ჩარლზ გეშკე | |
| ინგლ. Charles Geschke | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
პირელი 16, 2021 (81 წანერი) |
| ღურაშ აბანი: |
ლოს-ალტოსი, კალიფორნია, ააშ |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ომენცარე ხემანჯღვერი: |
უილიამ ვულფი |
| ჯილდოეფი დო პრემიეფი: |
ტექნოლოგიაშ დო ინოვაციაშ ერუანული მენდალი (2008) |
ჩარლზ მეთიუ "ჩაკ" გეშკე (ინგლ. Charles Matthew "Chuck" Geschke; დ. 11 ეკენია, 1939, კლივლენდი, ოჰაიო, ააშ — ღ. 16 პირელი, 2021, ლოს-ალტოსი, კალიფორნია, ააშ) — ამერიკალი ინფორმატიკოსი დო ბიზნესმენი.
ბიოგრაფია
[რედაქტირაფა | წყუშ რედაქტირაფა]ჩარლზ გეშკექ დებადჷ ოჰაიოშ შტატიშ ნოღა კლივლენდის. გურაფულენდჷ ქსავიეშ უნივერსიტეტის, სოდეთ მიპალუ მენცარობაშ ბაკალავრიშ დო მაგისტრიშ ხარისხი. 1963-1968 წანეფს გეშკე მათემატიკას ოგურუანდჷ ჯონ კეროლიშ უნივერსიტეტის. ოდოქტორე დისერტაცია თხილუ ინფორმატიკას, 1972 წანას, კარნეგი-მელონიშ უნივერსიტეტის, უილიამ ვულფიშ ხემანჯღვერობათ. გურაფაშ თებაშ უკული გეშკე მუშენდჷ Xerox-იშ პალო-ალტოშ რკვიებეფიშ ცენტრის (PARC). ჸათე კომპანიას მუშობაშ ბორჯის გეშკექ დო ჯონ უორნოკიქ აკადგინეს კომპიუტერული ნინა Interpress. 1982 წანას გეშკექ დო უორნოკიქ, უორნოკიშ გარაჟის, დარსხუეს კომპანია Adobe Inc.. 1986-1994 წანეფს გეშკე რდჷ კომპანიაშ ოპერატიული იფიცერი, 1998-2000 წანეფს პრეზიდენტი. 1992 წანას გეშკექ დო უორნოკიქ დარსხუეს კომპიუტერული დოკუმენტაციაშ PDF ფორმატი.
ჩარლზ გეშკე რდჷ შხვადოშხვა პრემიეფიშ დო ჯილდოეფიშ ლაურეატი. 1999 წანაშე გეშკე რდჷ გჷმმათვალარი ტექნიკაშ ასოციაციაშ მაკათური. 2006 წანას გეშკექ, უორნოკიწკჷმა ართო მიპალუ ამერიკული ელექტრონული ასოციაციაშ მენდალი. 2008 წანას ააშ-იშ პრეზიდენტიქ ბარაკ ობამაქ გეშკეს გინოჩჷ ტექნოლოგიაშ დო ინოვაციაშ ერუანული მენდალი. 2010 წანას გეშკექ მიპალუ მარკონიშ პრემია. ჩარლზ გეშკე რდჷ ინჟინერიაშ ერუანული აკადემიაშ, ამერიკაშ ხელუანობეფიშ დო მენცარობეფიშ აკადემიაშ დო ამერიკაშ ფილოსოფიური ჯარალუაშ მაკათური. ჩარლზ გეშკექ ღურუ 2021 წანაშ 16 პირელს, კიბოთ.
რესურსეფი ინტერნეტის
[რედაქტირაფა | წყუშ რედაქტირაფა]- Biography at Computer History Museum
- Biography on Adobe Web site
- Driving Adobe: Co-founder Charles Geschke on Challenges, Change and Values interview of Charles Geschke's roles in Adobe
- Image of Charles Geschke
- Online Copy of Geschke's PhD Thesis
- Publications on DBLP
- Profile at the ACM Digital Library
