ჩარლტონ ჰესტონი
| ჩარლტონ ჰესტონი | |
 | |
| დაბადებაშ ჯოხო | ჯონ ჩარლზ კარტერი |
| დაბადებაშ აბანი | ევანსტონი, ილინოისი, ააშ |
| დებადჷ | 10 პირელი, 1923
|
| ღურჷ | პირელი 5, 2008 (84 წანერი)
ბევერლი-ჰილზი, კალიფორნია, აშშ |
| ღურაშ ბაძაძი | პნევმონია |
| საქვარუა | არტისტი |
| აკოქიმინჯალაშ წანეფი | 1941–2003 |
| ალმასქუ(ეფი) | ლიდია კლარკი |
| სქესი | |
|---|---|
| ქომოლი | |
ჩარლტონ ჰესტონი (ინგლ. Charlton Heston; დაბადებაშ ჯოხო ჯონ ჩარლზ კარტერი ინგლ. John Charles Carter[1]; დ. 4 გჷმათუთა, 1923 — ღ. 5 პირელი, 2008) — ამერიკალ არტისტ დო პოლიტიკურ აქტივისტი,[2] აკადემიაშ ჯილდოშ ლაურეატი. თინა ჩინებულ რე მუშ ეპიკურ როლეფით ჰოლივუდიშ კლასიკურ ფილმეფს. 1959 წანას მიღჷ „ოსკარი“ საუჯგუშო არტისტ კოჩიშ ნომინაციას ფილმიშო „ბენ-ჰური“.
ბიოგრაფია
[რედაქტირაფა | წყუშ რედაქტირაფა]ჩარლტონ ჰესტონქ დებადჷ ილინოისიშ შტატის. არტისტულ კარიერა თეატრის დიჭყჷ, მარა მალას ჰოლივუდით დეინტერესჷ. თიშ მაღალ ტანი, ჸონიერ ხონარ დო გიშაკერძაფილ მეჯინა, იდეალურ რდჷ ისტორიულ დო ბიბლიურ პერსონაჟეფიშ გუმახანტალო. 1944 წანას თინა ამერიკაშ ოჰეერე ნძალეფს ქაკათჷ დო მაჟირა მოსოფელიშ ლჷმაშ განწეხანს რადიო-ოპერატორო ნინალენდჷ. 1960 წანაშ 8 ფურთუთას ჰოლივუდიშ ვარადებაშ ჯალონას გინწყჷ ჰესტონიშ მურიცხიქ. ჩარლტონ ჰესტონქ ღურჷ 2008 წანაშ 5 პირელს, 84 წანაშ ხანს პნევმონიაშ შედეგო.
კინოკარიერა დო შანულამი ფილმეფი
[რედაქტირაფა | წყუშ რედაქტირაფა]ჰესტონს ანდაკორობამ კარიერა უღუდჷ. მაჯინეეფს დუდს გაშინანს გეჸვენჯ როლეფით:
- ათი მცნება (1956): მოსეშ როლ ილაჸაფჷ.
- ბენ-ჰური (1959): იუდა ბენ-ჰურიშ როლი.
- ელ სიდი (1961): ესპანარ აიარი როდრიგო დიას დე ვივარი.
- ქიეფიშ პლანეტა (1968): ასტრონავტ ჯორჯ ტეილორიშ ილაჸაფჷ.
პოლიტიკურ დო ჯარალუობურ საქვარუა
[რედაქტირაფა | წყუშ რედაქტირაფა]რინაშ შხვადოშხვა ეტაპის ჰესტონ აქტიურო ოკათუდჷ პოლიტიკას. 1960-იან წანეფს თინა ალურდჷ ომენოღალე ნებეფიშ ყარაფის. მოგვიანეთ, თიშ თოლწონუეფქ დითირჷ დო კონსერვატიულ სუას ქახოლჷ. წანეფიშ განწეხანს რდჷ „ერუანულ ოფაშინე ასოციაციაშ“ (NRA) პრეზიდენტი.
ლიტერატურა
[რედაქტირაფა | წყუშ რედაქტირაფა]- Bernier, Michelle Bernier. Charlton Heston: An Incredible Life (2nd ed. 2009) excerpt and text search
- Raymond, Emilie. From My Cold, Dead Hands: Charlton Heston and American Politics (2006) excerpt and text search
- Ross, Steven J. Hollywood Left and Right: How Movie Stars Shaped American Politics (2011) ch 7 on Heston
- Rovin, Jeff. The Films of Charlton Heston (1980)
რესურსეფ ინტერნეტის
[რედაქტირაფა | წყუშ რედაქტირაფა]
- ჩარლტონ ჰესტონი — ბროდვეიშ ინტერნეტ მუნაჩემეფიშ ბაზას (IBDb) (ინგლისური)
- ჩარლტონ ჰესტონი — კინოფილმეფიშ ინტერნეტ მუნაჩემეფიშ ბაზას (ინგლისური)
სქოლიო
[რედაქტირაფა | წყუშ რედაქტირაფა]- ↑ [The 1930 United States Census; Richfield, Roscommon County, Michigan]
- ↑ Berkvist, Robert. “Charlton Heston, Epic Film Star and Voice of N.R.A., Dies at 84.“, The New York Times, April 6, 2008. კითხირიშ თარიღი: April 6, 2008. „Charlton Heston, who appeared in some 100 films in his 60-year acting career, but who is remembered especially chiefly for his monumental, jut-jawed portrayals of Moses, Ben-Hur and Michelangelo, died Saturday night at his home in Beverly Hills, California. He was 84.“