ჩჰვე გიუ ჰა

ჩჰვე გიუ ჰა
ოფიციალური პორტრეტი, 1979 წ.
ობჟათე კორეაშ მა-4 პრეზიდენტი
პოსტის გერინაშ ბორჯი
6 ქირსეთუთა, 1979 – 16 მარაშინათუთა, 1980
წიმოხონი	პაკ ჩონ ჰი
მონძე	ჩონ დუ ჰვანი
დუნაბადი	16 კვირკვე, 1919 ვონჯუ, კორეა
ნაღურა	22 გჷმათუთა, 2006 (87 წანერი) სეული, ობჟათე კორეა
ნთხორუ აბანი	ტეჯონიშ ერუანული სასაფლა
მენოღალობა	ობჟათე კორეა
პოლიტიკური პარტია	უპარტიე
გონათაფა	ცუკუბაშ უნივერსიტეტი
ხეშმოჭარუა

ჩჰვე გიუ ჰა (კორ. 최규하, დ. 16 კვირკვე, 1919 — ღ. 22 გჷმათუთა, 2006) — ობჟათე კორეალი პოლიტიკოსი, ობჟათე კორეაშ რანწკით მა-4 პრეზიდენტი 1979-1980 წანეფს.

რდჷ სეულიშ ერუანული უნივერსიტეტიშ პროფესორი. უკულ მოღალენდჷ დიპლომატიას. ლი სინ მანიშ ადმინისტრაციას, უკინებუდჷ გალენური საქვარეფიშ მინისტრიშ გამაკოჩიშ პოსტი. პაკ ჩონ ჰიქ ჩჰვე გიუ ჰა ქუდარინუ ობჟათე კორეაშ ელჩო მალაიზიას. 1967-1971 წანეფს უკინებუდჷ გალენური საქვარეფიშ მინისტრიშ პოსტი დო 1975-1979 წანეფს პრემიერ-მინისტრიშ პოსტი. პრემიერიშ პოსტი პაკიშ ადმინისტრაციას უმოსო ცერემონიული რდჷ. პაკიშ ღურაშ უკულ, არსულენდჷ ობორჯე პრეზიდენტიშ მოვალობას. 1979 წანას, თიქ ოპრეზიდენტე გიშაგორუეფს გემორძგჷ დო გინირთჷ ქიანაშ რანწკით მანთხა პრეზიდენტო. მართუალაშ ბორჯის, ჩჰვე გიუ ჰაქ ლიბერალიზაცია დო დემოკრატიული რეფორმეფი წიმიჭყჷ. გიშაშქუ ამნისტია დო ჯიხაშე გადუდიშულჷ 800-შე უმოსი პოლიტპატიმარი. მარა ჸათე ბიჯგეფი პოპულარობათ ვასარგებლენდჷ რეაქციონერეფს დო ოურდუმე მოღალეეფს შქას, ნამუეფქჷთ ჩჰვე გიუ ჰაშ პოლიტიკა ვემიღეს. 1979 წანაშ ქირსეთუთას, გენერალი ჩონ დუ ჰვანიშ მანჯღვერალათ მინწყუ სახენწჷფო გინორთაქ ჩჰვე გიუ ჰაშ მართუალაშ მეხჷ. 1980 წანაშ მარაშინათუთაშო, ჩჰვე გიუ ჰა აძვილეს პრეზიდენტიშ პოსტი ოფიციალურო ქუდუტებუდუკო.

ქოძირით თაშნეშე

• ობჟათე კორეაშ პრეზიდენტი

ლიტერატურა

• ენციკლოპედია ბრიტანიკა