წყარალა სურამს (2011)
წყარალა სურამს — წყარალა, მუქჷთ დეფიქსირჷ 2011 წანაშ 18 მანგის დაბა სურამს. წყარალა გჷშეჭანუ 18 მანგის ონჯუას ლიხიშ ქჷნდჷრს მოულირ ზუფუ ნოლექიქ, მუდგაშ გეშათ ედიდორჷ წყარმალუ სურამულაქ, ოხორინალ ჸუდეეფშა გემნოსოფჷ დო მაართა სართილეფი დოტობუ. გვარიანო დოგავალუ ხაშურიშ დო სურამიშ მახორობა. ოფიციალური მუნაჩემეფით მედინჷ 6 კოჩიქ[1][2]. უნელო მოლაფირ ღვარცოფიქ დო მენწყერქ ხვალე რიკოთიშ ჸალაიბონს სახენწჷფოს 10 მილიონი ლარიშ გავალი მიორინუ. [3]