|
ჭუკიშობურეფი
|
 ჸუდეშ ჭუკი (Mus musculus) |
| მენცარული კლასიფიკაცია |
|
|
| ლათინური ჯოხო |
| Muridae |
| თხილუაშ სტატუსი |
|
| ჭუკიშობურეფიშ ხვენაშ არანი |
 |
|
|
ჭუკიშობურეფი (ლათ. Muridae) — ბჟაშუმუეფიშ ფანიაშ ჩხოლარი მაღირღონალეფიშ რანწკიშე. უღჷნა 5-50 სმ სიგჷნძაშ რსხული. მოდვალირი რენა ირდიხას, უმენტაშობა ხე ტროპიკულ დო სუბტროპიკულ ტყალეფს. ამერიკაშა ადამიერქ მიშეჸონუ. კანკალე სინანთროპული ჩხოლარი რე (ჸუდეშ ჭუკი, კანკალე ჸორჭუკი). აქტიური რენა სერით, უმენტაშობა მითოხე ომანეს. დოხორელი აბანეფს ნთელი წანაშ გოძვენას იმიარებჷნა, მაკეობაშ განწეობა 18-25 დღა; ხანა 2-10 ჭუკის. გამიარებას იჭყანა 1,5-3 თუთაშ ხანშე. ჭკომჷნა ცანარეფს, კანკალეშა ჩხოლარეფსჷთ. ჭუკიშობურეფიშ უმენტაშობა გავალს მეთმიორინუანს ოკათე მეურნობას. კანკალეს ადამიერიშ დო ჸუდეშ ორინჯიშ ინფექციური დო ინვაზიური ლახარეფი გინმუღუ. სააწმარენჯო მანჯებეფი:მექანიკური, ქიმიური დო ბაქტერიოლოგიური მეშქაშობეფი.
