ხაიმ ჰერცოგი
| ხაიმ ჰერცოგი חיים הרצוג | ||
.jpg) ჰერცოგი 1983 წანას | ||
| ისრაელიშ მა-6 პრეზიდენტი | ||
|---|---|---|
| პოსტის გერინაშ ბორჯი | ||
| 5 მესი, 1983 – 13 მესი, 1993 | ||
| პრემიერ-მინისტრი | მენახემ ბეგინი იცხაკ შამირი შიმონ პერესი იცხაკ რაბინი | |
| წიმოხონი | იცხაკ ნავონი | |
| მონძე | ეზერ ვაიცმანი | |
| დუნაბადი | 17 ეკენია, 1918 ბელფასტი, ირლანდია | |
| ნაღურა | 17 პირელი, 1997 (78 წანერი) თელ-ავივი, ისრაელი | |
| მენოღალობა |  ისრაელი | |
| ერუანობა | ურია | |
| პოლიტიკური პარტია | მაარახი | |
| ალმასქუ | ორა ამბაში | |
| სქუალეფი | 4 (თინეფს შქას იცხაკი) | |
| გონათაფა | ლონდონიშ ოუნივერსიტეტე კოლეჯი ლონდონიშ უნივერსიტეტი | |
| პროფესია | პოლიტიკოსი, ოურდუმე მოღალე, ჭარუ, იურისტი | |
| ხეშმოჭარუა |  | |
ხაიმ ჰერცოგი (ურ. חיים הרצוג, დ. 17 ეკენია, 1918 — ღ. 17 პირელი, 1997) — ისრაელარი პოლიტიკოსი, ოურდუმე მოღალე, ჭარუ დო იურისტი, ისრაელიშ პრეზიდენტი 1983-1993 წანეფს. დებადჷ ბელფასტის, ირლანდიაშ თარი რაბინიშ იცხაკ ჰალევი ჰერცოგიშ ფანიას. 1935 წანას ჰერცოგეფიშ ფანიაქ ოცხოვრებშა პალესტინაშა გეგნორთჷ. ახალნორდი ხაიმ ჰერცოგი ოკათუდჷ ურიული ოურდუმე ორგანიზაციას ჰაგანას. ისრაელიშ სახენწჷფოშ დორსხუაფაშ უკულ, მონაწილენდჷ 1948 წანაშ არაბეფიშ დო ურიეფიშ მაართა ლჷმას. ჰერცოგიქ ისრაელიშ აკოანჯარაფილი ნძალეფი 1962 წანას ქიდიტუ.
უკულიანი პერიოდის მოღალენდჷ იურისტო დო 1972 წანას ქუდარსხუ მუში კერზო იურიდიული ფირმა, ნამუთ ასე ხოლო ართ-ართი შინელი და შანულამი იურიდიული კომპანია რე ისრაელს. 1975-1978 წანეფს ხაიმ ჰერცოგი რდჷ ისრაელიშ ელჩი გოეროს. მუჟამსჷთ გოეროქ ანტი-ისრაელური რეზოლუცია მიღუნჷ დო სიონიზმი რასიზმო გეგმაცხადუნჷ, ჰერცოგიქ დემონსტრაციულო გაპროტესტუ თე რეზოლუცია, ტრიბუნაშა გეშართჷ დო დოკუმენტი გაკოსოფჷ. 1981-1983 წანეფს ჰერცოგი რდჷ ისრაელიშ პარლამენტიშ - ქნესეთიშ მაკათური, მაარახიშ პარტიაშე. 1983 წანაშ მელახის, ჰერცოგიქ გიშაგორილქ იჸუ ისრაელიშ პრეზიდენტო, ნამუთ უმოსო ცერემონიული პოსტი რე. პრეზიდენტიშ პოსტის თინა ჟირა ვადათ ნინალენდჷ. ჰერცოგიქ ღურუ 1997 წანაშ 17 პირელს, 78 წანერქ. დასაფულებური რე ჰერცლიშ გვალაშ სასაფლას, იერუსალიმს.