ხვარცა
| ხვარცა | ||
|---|---|---|
 | ||
| ხვარცაშ გჷმმაჭანაფალი გირდღი მიკროსკოპის | ||
| ICD-11 | 1G04 | |
| ICD-10 | B86. | |
| ICD-9 | 133.0 | |
| DiseasesDB | 11841 | |
| MedlinePlus | 000830 | |
| eMedicine | 000830/382 | |
| MeSH | D012532 | |
ხვარცა (ლათ. scabies) — გინმადვალე კანიშ პარაზიტული ლახარა (აკაროდერმატიტი), ნამუსჷთ ხვარცაშ გირდღ იჭანუანს.
გჷმმაჭანალ ბაძაძეფი დო გინოჩამაშ რზეფი
[რედაქტირაფა | წყუშ რედაქტირაფა]ლახარაშ გჷმმაჭანაფალ რე გირდღი. ლახარაშ მოდვალაშ წყუ — დალახებულ ადამიერი. გიშმართჷნა დაინფიცირებაშ ბონ დო ცელია რზას. ბონ დალახებაშის გჷმმაჭანაფალ რე დალახებულ ადამერშე ჭყანთელშა გინოჩამა კონტაქტით. ცელია რზა შანენს გჷმმაჭანაფალიშ გინოჩამაშ ოჸოფარინე მეკონეფით, თეთრეულით, ჰიგიენაშ მეკონეფით, პიშქოსალით. ბაღანეფს შილებე გინაჩას ბატა ოლაჸაფინიეფით.
კლინიკური სურათი
[რედაქტირაფა | წყუშ რედაქტირაფა]ხვარცაშ საინკუბაციო პერიოდ რე 8-12 დღა. თარ კლინიკურ სიმპტომ რე ჩამინი, ნამუთ სერით ხოლო უმოსო ირჩქინანს დუდს. დალახებულეფშო დჷმახასიატებელ რე რშვილურ-ბუშტამ გუმორღვაფაშ ძინა. კანს მიკიძირე ნაცხაბარეფი, ნამუთ ჸონიერ ჩამინიშ შედეგ რე დო კანს გირდღიშ ოულურ „რზეფს“ წჷმარინუანს.
ხვარცა უმენტაშო რჩქინდუ კითეფს შქას ნაკიჩეფს. თაშნეშე, ხეშ კითეფიშ ხასჷლაშ ჯინპიჯეფს, ქვარას, წურღვეფს დო ჩირქეეფიშ გოხოლუას, გვალო ედომუშამ ტანს.
მანგარ ჩამინიშ შედეგო გორჩქინელ ნაცხაბარეფი, მინშა ინფექციაშ მიშაჭკირუაშ აბან რე. გუთმორჩქინდუ ანთებურ პროცესეფი: დერმატიტი, პიოდემია, ეგზემა დო შხვ.
გალერეა
[რედაქტირაფა | წყუშ რედაქტირაფა]
გირდღ რე ჩამინიშ ართ-ართ ბაძაძი
მანჩურალიშ ხვარცა
სპორტსმენიშ კუჩხი
დიაგნოსტიკა
[რედაქტირაფა | წყუშ რედაქტირაფა]დიაგნოსტიკაშ თოლწონუათ, კაბეტ შანულობა უღჷ კანიშ გოძინას, დალახებულ ადამიერიშ ჩიულეფს. შხირ რე ართამ ფანიაშ მუსხირენ მაკათურიშ დალახებაშ შვანეფი. ოშვილობაშ მეჯინათ, გჷმირინაუნა ლაბორატორიულ რკვიეფს ხვარცაშ გირდღიშ გიოგორაფალო.
სქილადა
[რედაქტირაფა | წყუშ რედაქტირაფა]პარაზიტიშ სააწმარენჯო პრეპარატეფიშ გიშაგორუ ანდა რე. ხვარცაშ ოსქილიდაფარო ძალამ შანულამ რე ოსკილადე პრეპარატიშ ზუსტი დო თინ გიმორინაფა. კაბეტ შანულობა მიაჩამუ ხვარცაშ მუშ ბორჯულ დიაგნოსტიკას დო კონტაქტის მარენჯი პიჯეფიშო პროფილაქტიკურ კურნალუას. თეწკჷმა იმანჯას ოკო მუჭოთ პაციენტიშ ნახვარებუ მუკაქუნალიშ, თაშნეშე ოჸოფარინე მეკონეფიშ — ბატა ხაბაკიშ, ნორჩალობაშ დო შხვ. დეზინფექცია.
ვეშილებე მუშით კურნალუა. პრეპარატის ექიმ გიშმაჭარუს ხანიშ მეჯინათ.
ლიტერატურა
[რედაქტირაფა | წყუშ რედაქტირაფა]- დიდი საოჯახო სამედიცინო ენციკლოპედია, თბ., 2015
- (6 May 2014) „Itch Mechanisms and Circuits“. Annual Review of Biophysics 43 (1): ხს. 331–355. DOI:10.1146/annurev-biophys-051013-022826.
- (2001) „Spinothalamic lamina I neurons selectively sensitive to histamine: a central neural pathway for itch“. Nat. Neurosci. 4 (1): ხს. 72–7. DOI:10.1038/82924. PMID 11135647.
- National Cancer Institute (2003) "Pruritus" Retrieved Aug. 22, 2005.