ჯეიმს უოტსონი

ჯეიმს უოტსონი
	ჯეიმს უოტსონი
	James Watson
	; უოტსონი 1963 წანას
დაბადებაშ თარიღი:	6 პირელი, 1928
დაბადებაშ აბანი:	ჩიკაგო, ილინოისი, ააშ
ღურაშ თარიღი:	გერგობათუთა 6, 2025 (97 წანერი)
ღურაშ აბანი:	ისტ-ნორთპორტი, ნიუ-იორკი, ააშ
მენოღალობა:	ააშ
ომენცარე სფერო:	გენეტიკა
სამუშაშ აბანი :	ინდიანაშ უნივერსიტეტი; კოლდ-სპრინგ-ჰარბორიშ ლაბორატორია; მოლეკულური ბიოლოგიაშ ლაბორატორია; ჰარვარდიშ უნივერსიტეტი; კალიფორნიაშ ტექნოლოგიაშ ინსტიტუტი; კემბრიჯიშ უნივერსიტეტი; სინთელეშ ერუანული ინსტიტუტეფი
ალმა-მატერი:	ჩიკაგოშ უნივერსიტეტი; ინდიანაშ უნივერსიტეტი
ომენცარე ხემანჯღვერი:	სალვადორ ლურია
ჯოხოშინელი მოგურაფეეფი:	მარიო კაპეკი; რობერტ ჰორვიცი; ჯოან სტეიცი; ფილიპ შარპი; რიჩარდ რობერტსი
ჯილდოეფი დო პრემიეფი:	ლასკერიშ პრემია (1960); ნობელიშ პრემია ფიზიოლოგიაშ დო მედიცინაშ დარგის (1962); ჯონ კარტიშ პრემია (1971); დუდიშალაშ ოპრეზიდენტე მენდალი (1977); ომაფე ჯარალუაშ ურცხოალი მაკათური (1981); მბეო-შ მაკათური (1985); კოპლიშ მენდალი (1993); ლომონოსოვიშ ორქოშ მენდალი (1994); მენცარობაშ ერუანული მენდალი (1997); ბენჯამინ ფრანკლინიშ მენდალი (2001); გაირდნერიშ საირქიანი პრემია (2002); ოტმერიშ ორქოშ მენდალი (2005)
ხეშმოჭარუა:

ჯეიმს დიუი უოტსონი (ინგლ. James Dewey Watson, დ. 6 პირელი, 1928 — ღ. 6 გერგობათუთა, 2025) — ამერიკალ მოლეკულურ ბიოლოგ, გენეტიკოს დო ზოოლოგი. 1953 წანას, უოტსონქ დო ფრენსის კრიკიქ ჟურნალი Nature-ს გჷმაბჟინეს ომენცარე სტატია დნბ-შ მოლეკულაშ ჟირულ სპირალურ სტრუქტურაშ გეშა. თინეფიშ ათე რკვიება გერსხილ რდჷ როზალინდ ფრანკლინიშ დო რეიმონდ გოსლინგიშ იდეეფს. 1962 წანას, უოტსონს, კრიკის დო მორის უილკინსის გინოჩეს ნობელიშ პრემია ფიზიოლოგიაშ დო მედიცინაშ დარგის, ნუკლეინიშ ბჟეშ მოლეკულურ სტრუქტურაშ დო შურდგჷმილ ორგანიზმეფს ინფორმაციაშ გინოჩამაშ ფუნქციაშ მენცარულ რკვიებაშ გეშა.

ჯეიმს უოტსონი გურაფულენდჷ ჩიკაგოშ უნივერსიტეტის, ნამუთ გათუ 1947 წანას. ოდოქტორე დისერტაცია თხილჷ 1950 წანას ინდიანაშ უნივერსიტეტის. გურაფაშ თებაშ უკულ მუშენდჷ კემბრიჯიშ უნივერსიტეტიშ კავენდიშიშ ლაბორატორიას, სოდეთ გეჩინებაფუ მუშ მუმალ კოლეგა ფრენსის კრიკი. 1956-1976 წანეფს უოტსონი მუშენდჷ ჰარვარდიშ უნივერსიტეტიშ ბიოლოგიაშ დეპარტამენტის, სოდე უმოსო მოღალენდჷ მოლეკულური ბიოლოგიაშ დარგის. 1968 წანაშე, უკინებუდჷ კოლდ-სპრინგ-ჰარბორიშ ლაბორატორიაშ დირექტორიშ პოსტი. ჯეიმს უოტსონი რდჷ ავტორ შხვადოშხვა შანულამი ომენცარე-პოპულარულ კჷრიბეფიშ: "გენიშ მოლეკულურ ბიოლოგია" (1965) დო "ჟირულ სპირალი" (1968), ნამუეფქჷთ ბესტსელერეფო გინირთჷ.

ლიტერატურა