ჯონ გილგუდი

სერ ართურ ჯონ გილგუდი (ინგლ. Sir Arthur John Gielgud; დ. 14 პირელი, 1904 – ღ. 21 მესი, 2000) — ინგლისარ არტისტ დო თეატრიშ რეჟისორ რდჷ, ნამუშ კარიერა ბრუო ვითწანურას იგჷნძორებუდუ. რალფ რიჩარდსონი დო ლოურენს ოლივიეწკჷმა ართო, თინა რდჷ ართ-ართ თი არტისტეფიშ „სუმელაშე“, ნამუეფით დომინირენდეს ბრიტანულ სცენას XX ოშწანურაშ უმენტაშ ნორთის. თეატრალურ დინასტიაშ, ტერეფიშ ფანიაშ მაკათურქ, მაართა ფასიან როლ მიღჷ მუშ ჯიმადისქუაშ, ფილის ნილსონ-ტერიშ კომპანიას 1922 წანას. დრამატულ ხელუანობაშ ომაფე აკადემიას (RADA) გურაფაშ უკული, თინა მუშენდჷ რეპერტუარულ თეატრეფს დო ვესტ-ენდის, სოიშახ 1929–31 წანეფს ოლდ ვიკი-ს შექსპირიშ როლეფიშ საუჯგუშო მარსულებერო ვაღიარესინ.

1930-იან წანეფს გილგუდი რდჷ ვესტ-ენდიშ დო ბროდვეიშ სცენაშ მურიცხი. თიქ დიჭყჷ პარალელურ კარიერა რეჟისურას დო ქუდარსხჷ მუშ დასი Queen's Theatre-ს, ლონდონს. თინა მერჩქინელ რდჷ მუშ ეპოქაშ საუჯგუშო ჰამლეტო. 1950-იან წანეფს გილგუდი შიშენდჷ, ნამჷ-და თიშ კარიერა ოშქურანჯობაშ გიმე რდჷნ, მუჟანსჷთ ჰომოსექსუალურ დაშებას დუმაშებელო იჩინეს დო დაჯარიმესჷნ, მარა კოლეგეფქ დო ჯარალუაქ თის ხუჯ ართგურო დუკინეს. 1960-იან წანეფიშ დალიაშე თიქ მიპალჷ ახალ როლეფ თიჯგურა ავტორეფიშ პიესეფს, მუნერეფით რენა ალან ბენეტი, დევიდ სთორი დო ჰაროლდ პინტერი.

კარიერაშ მაართა ნორთის გილგუდი კინოს სერიოზულო ვანინალუდჷ. თიშ უმკუჯინუო, ნამჷ-და მაართა ფილმის 1924 წანას გინიღესჷნ, თიქ რეგულარულ კინოკარიერა ხვალე 60 წანაშ ხანს დიჭყჷ. თინა 60-შე უმოს ფილმის ოკათუდჷ. ფილმის ართური (1981) რსულებურ როლიშო თიქ მიპალჷ ოსკარი საუჯგუშო მაჟირახარისხამი არტისტი კოჩიშო. თის კინოხანდაქ თაშნეშე მოუღჷ ორქოშ გლობუსი დო ჟირ BAFTA.

თიშ უმკუჯინუო, ნამჷ-და ჯილდოეფიშოთ გურგრილ რდჷნ, გილგუდის მიაჩჷ ოშა-გოშა პატჷცემაქ — რდჷ ოსკარიშ, ემიშ, გრემიშ დო ტონიშ ჯილდოეფიშ მაპალუ. თინა კარიერაშ დაჭყაფუშე ჩინებულ რდჷ მუშ გინოჩამურ ხონარით დო შექსპირიშ ლერსიშ მორთინაფაშ ორსანტობათ. 1953 წანას თის მიაჩჷ აიარიშ წოდებაქ (Knight Bachelor), ხოლო 1994 წანას თიშ პატიოცემელო გილგუდიშ თეატრის თიშ ჯოხოქ ქეგიადჷ.

რინა დო კარიერა

ჯინჯიერ სტატია: ჯონ გილგუდი სცენას დო ეკრანს

წჷმოულობა დო ორდოიან წანეფი

გილგუდიქ დებადჷ 1904 წანაშ 14 პირელს, ობჟათე კენსინგტონს, ლონდონს. მუმაშჸურე, გილგუდი ლიეტუვურ დო პოლონურ წჷმოულობაშ რდჷ. გვარ მოურს ლიეტუვურ ოფუტე გელგაუდიშკისიშე. გილგუდეფიშ გრაფეფს აპალჷდეს ბაბათეფ წყარმალუ ნემანს, მარა რუსეთიშ გამაგალაშ სააწმარენჯო 1830–31 წანეფიშ უმწუძინელ შაონთებაშ უკულ ოპალეფ გეგლანწყეს.^{[n 1]} იან გილგუდქ დუდი ინგლისის ქენკაფორჷ მუშ ფანიაწკჷმა ართო.

ფრენკიქ (მუამუშიქ) ალმასქუთ ქეკიხუნუ თეატრალურ ოქიანუწკჷმა მეჭედელო მერსხილ ტერეფიშ ფანიას ცირასქუა. თიშ ალმასქუ, კეიტ ტერი-გილგუდი, რდჷ არტისტ კეიტ ტერიშ ცირასქუა დო თი დინასტიაშ მაკათური, ნამუშათ მიშმეშეს ელენ ტერი, ფრედ ტერი დო მარიონ ტერი.

1912 წანას, ბრუო წანაშ ხანს, გილგუდიქ გენშართჷ ჰილსაიდიშ მახაზირებელ სკოლაშა, სურეის. კლასის თის ჯოგუდჷ მათემატიკა, მარა გიშაკერძაფილო უჸორდჷ ინგლისურ ნინა დო ღორონთრაგადუა.^[1] სკოლაქ ხე ქეშუნწყჷ თიშ ინტერესის დრამაშოთ, სოდეთ თიქ ილაჸაფჷ მარკ ანტონიუსიშ როლ სპექტაკლის იულიუს კეისარი დო შაილოკი — ვენეციარ ვაჭარს.^[2]

სკოლაშ თებაშ უკული, 1921 წანას, გილგუდქ დაჯერჷ მასქერეფი, ნამჷ-და დრამაშ გაკვეთილეფ მიუღებუდჷკო თი პიჯალათ, ნამჷ-და თინა 25 წანაშა მუშ დუდიშ ეჩამას ქიმენტებუდჷნ, შხვანერო საოფისე სამუშას ქოძირუნდჷ.

მაართა არტისტულ გჷმოცადება

ვითოშქვით წანაშ ხანს, გილგუდიქ ქაკათჷ კერზო დრამატულ სკოლას, ნამუსჷთ კონსტანს ბენსონი ხემანჯღვერენდჷ.^[3] 1921 წანაშ გერგობათუთას თიქ აკეთჷ დებიუტ პროფესიულ დასის, მარა მუშაშ ხეშქირას ვეღებულენდჷ. თიქ ილაყაფჷ მაგინაფალიშ როლ სპექტაკლის ჰენრი V ოლდ ვიკი-ს.^[4]

1923 წანას გილგუდქ მიპალუ სტიპენდია დრამატულ ხელუანობაშ ომაფე აკადემიას (RADA). 1924 წანაშო თიქ ქაკათჷ ოქსფორდიშ Playhouse-იშ დასის, სოდეთ მიღჷ კაბეტ ტექნიკურ გჷმოცადება.^[5] თი როლი, ნამუქჷთ თის არძაშე უმოს ტკუშა ძინა მოუღჷნ, რდჷ ანტონ ჩეხოვიშ ქვიშნაბულიშ ბაღის: „თენა რდჷ მაართა შვანი, მუჟანსჷთ სცენაშა გიშულაშის ქიბგინი, ნამჷ-და შილებე ნანდულ არტისტო გინოფრთედიკონ“.^[6]

ფილმოგრაფია

წანა		მარგალურო	ოდაბადური ჯოხოდვალა	როლი
1941	ფ	პრემიერ-მინისტრი	The Prime Minister	ბენჯამინ დიზრაელი
1953	ფ	იულიუს კეისარი	Julius Caesar	კასიუსი
1955	ფ	რიჩარდ III	Richard III	კლარენსიშ ჰერცოგი
1956	ფ	ოთხონეჩ დღა დიხაუჩაშ განმიკი	Around the World in Eighty Days	ფოსტერი
1964	ფ	ბეკეტი	Becket	ლუი VII
1966	ფ	შქასერიშ ზარეფი	Chimes at Midnight	ჰენრი IV
1968	ფ	სებასტიანი	Sebastian	ინტელიგენციაშ მადუდე
1970	ფ	იულიუს კესარი	Julius Caesar	იულიუს კეისარი
1973	ფ	დინაფილ ჰორიზონტი	Lost Horizon	ჩანგი
1974	ფ	ჸვილუა ბჟაეიოლიშ ექსპრესის	Murder on the Orient Express	ედვარდ ჰენრი ბედოუსი
1976	ტფ	დორიან გრეიშ პორტრეტი	The Picture of Dorian Gray	ჰენრი ვოტონი
1979	ფ	კალიგულა	Caligula	მარკუს კოკიუს ნერვა
1980	ფ	ადამიერი-მუნჭყვი	The Elephant Man	ფრანსის კარ-გომი
1980	ფ	დირიჟორი	Dyrygent	ჯონ ლასოცკი
1981	ფ	ართური	Arthur	ჰობსონი
1982	ფ	განდი	Gandhi	ბარონი ირვინი
1985	ფ	სორგინი	Plenty	ლეონარდ დარვინი
1996	ფ	ჰამლეტი	Hamlet	პრიამოსი
1996	ფ	ჭვია	Shine	სესილ პარკსი
1998	ფ	ელისაბედი	Elizabeth	პიუს V

კომენტარეფი

↑ თარიღის გილგუდი მიოწურუანს მუჭოთ 1830 წანას, თიშ ბიოგრაფ ჯონათან კროული — 1831 წანას.

რესურსეფ ინტერნეტის

Wikiquote

ვიკიციტატეფს რე სტატია:

ჯონ გილგუდი

ჯონ გილგუდი — ბროდვეიშ ინტერნეტ მუნაჩემეფიშ ბაზას (IBDb) (ინგლისური)
ჯონ გილგუდი — კინოფილმეფიშ ინტერნეტ მუნაჩემეფიშ ბაზას (ინგლისური)
John Gielgud at the British Film Institute
John Gielgud | Stage | The Guardian
John Gielgud Archive^{[ღურელ რსხილი]} at the British Library

სქოლიო

↑ Croall (2011), ხს. 16
↑ Croall (2011), ხს. 17–18
↑ Hayman, ხს. 18
↑ Gielgud (2000), ხს. 45–46
↑ Croall (2000), ხს. 60–61
↑ Morley, ხს. 43

[1] თარიღის გილგუდი მიოწურუანს მუჭოთ 1830 წანას, თიშ ბიოგრაფ ჯონათან კროული — 1831 წანას.

[2] Croall (2011), ხს. 16

[3] Croall (2011), ხს. 17–18

[4] Hayman, ხს. 18

[5] Gielgud (2000), ხს. 45–46

[6] Croall (2000), ხს. 60–61

[7] Morley, ხს. 43

[n 1]

[1]

[2]

[3]

[4]

[5]

[6]