ჯონ მაკკეინი

	ჯონ მაკკეინი; John McCain
	; ოფიციალური პორტრეტი, 2009 წ.
ააშ-იშ სენატორი არიზონაშე
პოსტის გერინაშ ბორჯი
	3 ღურთუთა, 1987 – 25 მარაშინათუთა, 2018
წიმოხონი	ბარი გოლდუოტერი
მონძე	ჯონ კილი
ააშ-იშ წჷმმარინაფალეფიშ პალატაშ მაკათური არიზონაშ მა-1 ოლქიშე
პოსტის გერინაშ ბორჯი
	3 ღურთუთა, 1983 – 3 ღურთუთა, 1987
წიმოხონი	ჯონ როუდსი
მონძე	ჯონ როუდსი III
ნაღურა	მარაშინათუთა 25, 2018 (81 წანერი); კორნვილი, არიზონა, ააშ
მენოღალობა	ააშ
ერუანობა	ამერიკალი
პოლიტიკური პარტია	რესპუბლიკური პარტია
მუმა	ჯონ სიდნი მაკკეინი
ნანა	რობერტა რაიტი
ალმასქუ	1. კეროლ შეპი; 2. სინდი ჰენსლი
სქუალეფი	7
გონათაფა	ააშ-იშ ოზუღე აკადემია
ჯილდოეფი	დუდიშალაშ ოპრეზიდენტე მენდალი (2022)
ხეშმოჭარუა

ჯონ სიდნი მაკკეინი III (ინგლ. John Sidney McCain III; დ. 29 მარაშინათუთა, 1936 — ღ. 25 მარაშინათუთა, 2018) — ამერიკალი ოზუღე ოფიცერი, სახენწჷფო მოღალე დო პოლიტიკოსი. ააშ-იშ წჷმმარინაფალეფიშ პალატაშ მაკათური დო უკულ სენატორი არიზონაშ შტატიშე. მაკკეინი რდჷ პრეზიდენტობაშ კანდიდატი რესპუბლიკური პარტიაშე, 2008 წანაშ ააშ-იშ საპრეზიდენტო გიშაგორუეფს.

ჯონ მაკკეინიშ მუმა დო ბაბუ რდეს ადმირალეფი დო ნინალენდეს ამერიკაშ ოზუღე ნძალეფს. ჯონ მაკკეინი გურაფულენდჷ ააშ-იშ ოზუღე აკადემიას, ნამუთ 1958 წანას გათუ. გურაფაშ თებაშ უკულ, ოზუღე ავიატორო გინირთჷ. მონაწილენდჷ ვიეტნამიშ ლჷმას. ართ-ართი მისიაშ ბორჯის, 1967 წანაშ გჷმათუთას, თიში ფურინჯი ქეგთათეს დო მაკკეინი ტყვეთ ხეშა ოორუე ვიეტნამარეფქ ქაშეჸოთეს. ჯონ მაკკეინი ტყვეთ 1973 წანაშახ რდჷ. ჸათე ბორჯიშ გოძვენას, თის ფშხირას აწამენდეს დო კონწარო ოქცუდეს. გადუდიშულაფაშ უკულ, არიზონაშა დირთჷ დო ოურდუმე კარიერა ქიმიოტუ.

1980-იან წანეფიშე პოლიტიკას ქაკათჷ დო გიშაგორილქ იჸუ ააშ-იშ წჷმმარინაფალეფიშ პალატაშ მაკათურო. 1987 წანას გინირთჷ სენატორო. 1997-2001 დო 2003-2005 წანეფს უკინებუდჷ სენატიშ კომერციაშ კომიტეტიშ დუდმახვენჯიშ პოსტი. 2000 წანას მაკკეინი მონაწილენდჷ ააშ-იშ საპრეზიდენტო გიშაგორუეფს, მარა რესპუბლიკარეფიშ პრაიმერეფს ჯორჯ უოლკერ ბუშიწკჷმა დემარცხჷ. 2008 წანაშ საპრეზიდენტო გიშაგორუეფს მაკკეინქ მიპალუ რესპუბლიკური პარტიაშ ნომინაცია, მარა გიშაგორუეფს დემოკრატიული პარტიაშ კანდიდატი ბარაკ ობამაწკჷმა დემარცხჷ. 2017 წანას მაკკეინს დედასურჷ ტვინიშ კიბოქ, გლიობლასტომაქ. ჯონ მაკკეინქ ღურუ 2018 წანაშ 25 მარაშინათუთას, 81 წანერქ. დასაფულებური რე ააშ-იშ ოზუღე აკადემიაშ სასაფლას.

ლიტერატურა

ენციკლოპედია ბრიტანიკა

თე სტატია პოლიტიკური მოღალეშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა.

თე სტატია ააშ-იშ დო ამერიკალეფიშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა.