ჯუდი გარლენდი

ჯუდი გარლენდი
	ჯუდი გარლენდი
	Judy Garland
	; გარლენდი 1945 წანაშ პორტრეტის ფილმიშო „ჰარვიშ ცირასქუალეფი“
ჯოხო დაბადება შვანს	ფრენსის ეთელ გამი
მოღალობა	1924–1969
	ბიოგრაფიული ჩინებეფი
დაბადებაშ თარიღი	10 მანგი, 1922
დაბადებაშ აბანი	გრანდ-რაპიდსი, მინესოტა, ააშ
ღურაშ თარიღი	მანგი 22,, 1969 (47 წანერი)
ღურაშ აბანი	ლონდონი, ინგლისი
ნთხორუაშ აბანი	ჰოლივუდ ფორევერიშ საფულა
საქვარუა:	არტისტი, მობირე, ვოდევილერი
მენოღალობა	ააშ
ერუანობა	ამერიკალი
მუმა	ფრენსის ავენტ გამი
ნანა	ეთელ მარიონ მილნი
ალმასქუ	დევიდ როუზი (გ. 1941; ჩეთხ. 1944); ვინსენტ მინელი (გ. 1945; ჩეთხ. 1951); სიდნი ლაფტი (გ. 1952; ჩეთხ. 1965); მარკ ჰერონი (გ. 1965; ჩეთხ. 1969); მიკი დინსი (გ. 1969);
სქუალეფი	3 (თინეფ შქას ლაიზა მინელი)
ჯილდოეფი:	ოსკარი (საპატიო პრემია); ; ორქოშ გლობუსი (1954); ; გრემი (1962);
	; [judygarland.com ოფიციალური ვებ-ხასჷლა]

ჯუდი გარლენდი (ინგლ. Judy Garland, ბადებაშ ედომუშამ ჯოხო — ფრენსის ეთელ გამი; დ. 10 მანგი, 1922 — ღ. 22 მანგი, 1969) — ამერიკალ ოსურ არტისტ დო მობირე, ნამუშ კარიერა ოთხ ვითწანურას იგჷინძორებუდჷ. თინა ჩინებულ რდჷ მუშ არტისტულ დიაპაზონით დო ჸონიერ კონტრალტოშ ხონარით; მუშენდჷ შხვადოშხვა ჟანრის, თინეფ შქას მუსიკალურ ფილმეფს, კომედიეფს დო დრამეფს. მუშ კარიერაქ დო პიჯულ რინაქ, ნამუთ გიშეგორუაფუდჷ მუჭოთ ჯარალობურ ედორიათ, თეშ პერსონალურ ბურჯაფეფით, თინა კულტურულ სიმბოლოთ გინართინუ.

გარლენდიქ მუშ კარიერა ჟირ წანაშ ხანობას დიჭყჷ, მუჟანსჷთ მუშ ჟირ უნჩაშ დაწკჷმა ართო გიშმეშჷ ვოდევილურ ბუნას, ნამუსჷთ „გამიშ ცირასქუალეფ“ (The Gumm Sisters) ჯოხოდჷ. 1935 წანას, 13 წანაშ ხანს, თიქ კონტრაქტ ქჷდოდუ სტუდია Metro-Goldwyn-Mayer-წკჷმა (MGM) დო დუდშე მაჟირახარისხამ როლეფს ლაჸაფენდჷ მუსიკალურ ფილმეფს, თიცალეფს მუჭომეფით რდჷ: „1938 წანაშ ბროდვეიშ მელოდია“ (1937) დო „სუფთა ზისხირიშ ცხენეფ ვენგარა“ (1937). თიქ ერეფოშქაშე აღიარება მიღჷ მუსიკალურ ფილმის „ოზიშ მაზაკვალი“ (1939) დოროთი გეილი-შ როლიშ რსულებათ. თეშ უკულ თინა თარ როლეფს ლაჸაფენდჷ MGM-იშ მუსიკალურ შედევრეფს: „ქეშეფხვადათ სენტ-ლუისის“ (1944); „თანაფაშ პარადი“ (1948); „ზარხულიშ გასტროლეფი“ (1950). გარლენდიქ მუშ არტისტული დიაპაზონს გუძინჷ დრამატულ როლეფით ფილმეფს: „მურიცხიქ დებადჷ“ (1954) დო „ნიურნბერგიშ პროცესი“ (1961). ჟირხოლო ნახანდიშო თიქ ოსკარიშ ნომინაცია მიპალჷ.

ჯუდი გარლენდიშ მუსიკალურ კარიერას გიშაკერზაფილო ბიჯგ მეჩჷ თიშ საფირმო ბირაქ „Over the Rainbow (ცაშორტყაფუშ იშო)“, ნამუთ ფილმ „ოზიშ ჯადურ ოქიანუს“ რდჷ. 1939 წანაშე 1962 წანაშა თიქ 11 სტუდიურ ალბომ დინაჭარჷ. თიში ალბომეფქ „Meet Me in St. Louis“ (1944) დო „Miss Show Business“ (1955) ააშ-იშ Billboard 200-იშ საუჯგუშო ვითულს მოხვადეს. ალბომეფქ „Judy“ (1956), „Alone“ (1957) დო „The Garland Touch“ (1962) ჩარტეფიშ საუჯგუშო 40-ულს მიოჭირინეს. 1961 წანას გიშულირ ცორცხალ კონცერტიშ დინნაჭარაქ, „ჯუდი კარნეგი-ჰოლს“, გარლენდი პირველ ოსურო გინართინუ, ნამუქჷთ გრემიშ პრემია წანაშ საუჯგუშო ალბომიშო მიღჷნ. თაშნეშე, 1961 წანას თინა პირველ ოსურ დო არძაშე ახალნორდ პიჯ რდჷ, ნამუსჷთ ორქოშ გლობუსიშ სესილ ბ. დემილიშ პრემია მიაჩჷნ.

ჯუდი გარლენდ ხუთშა რდჷ გათხილჷ დო სუმ სქუა ჸუნდჷ, თინეფ შქას ჩინებულ არტისტეფ დო მობირეეფი: ლაიზა მინელი დო ლორნა ლაფტი. მარდუობაშე თის ჭყანთხილუაშ სერიოზულ პრობლემეფს უღუდჷ. თე დგომარობას უმოსო აუფრაშენდჷ კინოსტუდიაშ გაულა დო ჟიგენჭირა თიშ მეჯინაშა დო ლაჸაფშა. თის გურჩქინდჷ რეცეპტულ მედიკამენტეფშა მერჩქვანაქ, ნამუქჷთ გლახა გაულა იღვენუ თიშ მუჭოთ ფიზიკურ, თეშ ფსიქიკურ ჭყანთხილუაშა. თე ირფელს ქეგიაძინჷ ფინანსურ სიკაჭულეეფქ, თინეფ შქას კაბეტ ოგინაგაფუე ვალეფქ, ნამუქჷთ თიშ რინა ხოლო უმოსო გაძნელჷ. ჯუდი გარლენდიქ 1969 წანას, 47 წანაშ ხანს დოღურჷ ლონდონს. ღურაშ ბაძაძ რდჷ მარცხო მეღებულჷ ბარბიტურატეფიშ ზედოზირება.

თე სტატია პიჯიშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა.

რესურსეფ ინტერნეტის

ოფიციალური ვებ-ხასჷლა
The Judy Room
Judy-Garland.org Archived December 26, 2014, ვებ-ხასჷლას Wayback Machine.
Judy Garland Museum
ჯუდი გარლენდი — კინოფილმეფიშ ინტერნეტ მუნაჩემეფიშ ბაზას (ინგლისური)
Judy Garland at The Biography Channel
ჯუდი გარლენდი — ბროდვეიშ ინტერნეტ მუნაჩემეფიშ ბაზას (IBDb) (ინგლისური)
Judy Garland: By Myself Archived 2009-11-06 ვებ-ხასჷლას Wayback Machine.