ჰასან II (მაროკო)
| ჰასან II الحسن الثاني | ||
.jpg) ჰასან II 1983 წანას | ||
| მაროკოშ მაფა | ||
|---|---|---|
| პოსტის გერინაშ ბორჯი | ||
| 26 ფურთუთა, 1961 – 23 კვირკვე, 1999 | ||
| წიმოხონი | მუჰამედ V | |
| მონძე | მუჰამედ VI | |
| დუნაბადი | 9 კვირკვე, 1929 რაბატი, მაროკო | |
| ნაღურა | 23 კვირკვე, 1999 (70 წანერი) რაბატი, მაროკო | |
| მენოღალობა |  მაროკო | |
| მუმა | მუჰამედ V | |
| ნანა | აბლა ბენტ ტაჰარი | |
| ალმასქუ | ლალა ლატიფა | |
| სქუალეფი | ლალა მერიემი, მუჰამედ VI, ლალა ასმა, ლალა ჰასნა, მულაი რაშიდი | |
| რელიგია | სუნიზმი | |
| ხეშმოჭარუა |  | |
ჰასან II (არაბ. الحسن الثاني, დ. 9 კვირკვე, 1929 — ღ. 23 კვირკვე, 1999) — მაროკოშ მაფა 1961-1999 წანეფს, ალაუიტეფიშ დინასტიაშ წჷმმარინაფალი.
გურაფულენდჷ იურისპრუდენციას ბორდოშ უნივერსიტეტის.[1] 1955 წანას ქუდარინეს მაროკოშ აკოანჯარაფილი ნძალეფიშ თარსარდალო დო 1960 წანას პრემიერ-მინისტრიშ გამაკოჩო.[2] მუამუშიშ, მუჰამედ V-შ ღურაშ (1961) უკულ ეშართჷ ომაფე ხვისტაშა. მართუალაშ დაჭყაფური წანეფიშე ოცადუდჷ მაროკოშ პოლიტიკური სისტემაშ დემოკრატიზაციას. ჸათე ღანკით მიღჷ ახალი კონსტიტუცია (1962). მარა 1960-იან წანეფიშ დათებუშე ჰასან II-შ ხეშულობა იხასიათებუდჷ ავტორიტარული მეთოდეფით. თხოზუდჷ ოპოზიციას. 1970-იან წანეფს წიმიჭყჷ სოციო-ეკონომიკური რეფორმეფი. 1971, 1972 დო 1973 წანეფს არდგილი უღუდჷ სახენწჷფო გინორთაშ ცადებეფს ჰასანიშ მართუალაშ მეხჷ, მარა ნამთინქ წჷმოძინელქ ვეჸუ.
ჰასანიშ მართუალაშ ბორჯის დიჭყჷ ბჟადალი საჰარაშ კონფლიქტიქ დო ქვიშაშ ლჷმაქ.