ჰასდრუბალ ბარკა
| ჰასდრუბალ ბარკა | |
| პუნ. 𐤏𐤆𐤓𐤁𐤏𐤋 | |
 მონეტა ჰასდრუბალიშ გჷმოხანტუათ | |
| მოღალობა |
ოურდუმე მოღალე |
|---|---|
|
ბიოგრაფიული ჩინებეფი
| |
| დაბადებაშ თარიღი | |
| დაბადებაშ აბანი | |
| ღურაშ თარიღი |
22 მანგი, ჯვ. წ. 207 (38 წანერი) |
| ღურაშ აბანი | |
| მენოღალობა | |
| მუმა | |
ჰასდრუბალ ბარკა (პუნ. 𐤏𐤆𐤓𐤁𐤏𐤋, დ. ჯვ. წ. 245 — ღ. 22 მანგი, ჯვ. წ. 207) — კართაგენალი ოურდუმე მოღალე მაჟირა პუნიკური ლჷმაშ მიმალობას, ჰამილკარ ბარკაშ სქუა დო ჰანიბალიშ ჯიმა.
ჯვ. წ. 218 წანაშო, მუჟამსჷთ ჰანიბალქ იტალიაშა გემშეჭკირუნჷ, თიქ ესპანეთის, კართაგენიშ ჯარეფიშ უნჩაშალა მუში უკულაში ჯიმას, ჰასდრუბალს ჩაბარჷ. ჰასდრუბალი შკვითი წანაშ გოძვენას ოლიმუდჷ რომიშ ჯარეფს, ნამუეფსჷთ ხემანჯღვერენდეს ჯიმალეფი გნეუს კორნელიუს სციპიონ კალვუსი დო პუბლიუს კორნელიუს სციპიონი. ლჷმაქ ჰასდრუბალიშო გლახათ დიჭყჷ. ჯვ. წ. 217 წანაშ ზარხულს, ჰასდრუბალიშ ფლოტი დახე რსულას მოჯალაგეს რომალეფქ. ჯვ. წ. 215 წანას ნოღა დერტოსაშ გოხოლუას, კართაგენალეფქ ხოლო ართიშა დემარცხეს კონწარო. ოთხი წანაშ უკულ ჰასდრუბალქ შანულამო გენძალიერჷ დო გაუჯგუშჷ მუში პოზიციეფი. ოურდუმე კამპანიეფიშ შედო ჰასდრუბალქ რომალეფი ესპანეთიშ ტერიტორიეფიშ უმენტაშობაშე გეგშარაჸუ. ბურჯაფიშ მიმალობას დოჸვილეს ჯიმალეფი სციპიონეფი. ჯვ. წ. 210 წანას, რომაული ჯარეფიშ ახალი მანჯღვერთარო ქუდარინეს პუბლიუს კორნელიუს სციპიონი, ნამუთ ჸათე ბორჯის 25 წანერი რდჷ. სციპიონქ ოურდუმე ექსპედიცია წჷმოძინელო ქიდიჭყჷ დო ხეშა ქაშეჸოთჷ ახალი კართაგენი (ასეიანი კარტახენა). ჯვ. წ. 208 წანას, ბეკულაშ ლჷმას სციპიონქ დამარცხჷ ჰასდრუბალი, მარა ჰასდრუბალქ შელებუ მუში აკოანჯარაფილი ნძალეფიშ გინოსქილადა. უკულ თიქ იტალიაშა ულა გინოჭყვიდჷ დო მუში ჯარეფით გეგნოკვათჷ ალპეფი. ჰასდრუბალი ოცადუდჷ ნძალეფიშ აკოართაფას ჰანიბალიწკჷმა დო მუღუდჷ ქართაშო (ქართა - ალყა) ოხვილური მონწყილობეფი. მარა ჯვ. წ. 207 წანაშ 23 მანგის, მეტაუროშ ლჷმას, რომალეფქ მარკუს ლივიუს სალინატორიშ დო გაიუს კლავდიუს ნერონიშ მანჯღვერალათ დამარცხეს ჰასდრუბალი. ჰასდრუბალი ბურჯაფიშ მიმალობას დოჸვილეს.