ჰილარი კლინტონი

ვიკიპედია-შე
გეგნორთი: ნავიგაცია, გორუა
ჰილარი კლინტონი
ჰილარი როდემ კლინტონი
Hillary Rodham Clinton
ჰილარი კლინტონიჰილარი როდემ კლინტონიHillary Rodham Clinton
Seal of the United States Department of State.svgამერიკაშ აკოართაფილი შტატეფიშ 67-ა სახენწჷფო მელამოსე
პოსტის გერინაშ ბორჯი
21 ღურთუთა, 2009 – 1 ფურთუთა, 2013
პრეზიდენტი   ბარაკ ობამა
წიმოხონი კონდოლიზა რაისი
მონძე კონ კერი

პოსტის გერინაშ ბორჯი
3 ღურთუთა, 2001 – 21 ღურთუთა, 2009
პრეზიდენტი ბარაკ ობამა
წიმოხონი დენიელ პატრიკ მონიჰენი
მონძე კრისტენ ჯელებრენდი

პოსტის გერინაშ ბორჯი
20 ღურთუთა, 1993 – 20 ღურთუთა, 2001
პრეზიდენტი ბილ კლინტონი
წიმოხონი ბარბარა ბუში
მონძე ლორა ბუში

დუნაბადი 26 გჷმათუთა, 1947 (1947-10-26) (ხანი 70)
ჩიკაგო, ილინოისი, ააშ
პოლიტიკური პარტია დემოკრატიული პარტია
მუმა ჰიუ ელსუორტ როდემი
ნანა დოროთი ემა ჰაუელი
ალმასქუ ბილ კლინტონი (1975–ასე)
სქუალეფი ცირასკუა:
ჩელსი კლინტონი
რელიგია მეთოდისტი
ხეშმოჭარუა Hillary Rodham Clinton Signature.svg

ჰილარი კლინტონი (ინგლ. Hillary Rodham Clinton; დ. 26 გჷმათუთა 1947, ჩიკაგო) — ამერიკალი პოლიტიკოსი, 2009-2013 წანეფს ააშ-იშ სახენწჷფო მელამოსე რდჷ ბარაკ ობამაშ ადმინისტრაციას. ააშ-იშ სენატორი ნიუ-იორკშე 2001-09 წანეფს, პრეზიდენტალაშ კანდიდატი რდჷ დემოკრატიული პარტიაშე 2008 წანაშ გიშაგორუეფს. ააშ-იშ მაართა ლედი 1993-2001 წანეფს ბილ კლინტონიშ პრეზიდენტალაშ ბორჯის.

წჷმოულობათ ილინოისარ ჰილარი როდჰემქ ქიანაშ ხვილაფა, 1969 წანას, მიპალუ კრიტიკული გიშულათ უელესლიშ კოლეჯის წანაშ დაჭყაფუშ მემართუას. კარიერა დიჭყჷ, მუჭოთ ადვოკატიქჷნ თეშ 1973 წანას იელიშ იურიდიული სკოლაშ თებაშ უკული. 1975 წანას არკანზასშა გეგნორთჷ, სოდე ბილ კლინტონს ჩილო ქაჸუნუ დო კარიერა კონგრესიშ იურიდიულ კონსულტანტო გაგჷნძორჷ. 1979 წანას თიქ მაართა ოსურ პარტნიორო გჷნირთჷ როუზიშ ადვოკატეფიშ ფირმას, 1988-1991 წანეფს — ქიანაშ ოში არძაშე გოლინამი იურისტეფიშ ერკებულს ქჷმოხვადუ. 1979-81 დო 1983-92 წანეფს, არკანზასიშ მაართა ლედი რდჷ, აქტიურენდჷ მუსხირენ ორგანიზციას, ნამუეფიშ ღანკი ბაღანეფიშ ჯგირობუაშ გოუჯგუშაფა რდჷ, თაშნეშე უოლ-მარტიშ დო შხვა კორპორაციული სხუნუეფიშ მაკათური რდჷ.

ააშ-იშ მაართა ლედიშ პერიოდის თინა შანულამ როლს არსულენდჷ პოლიტიკაშ ოკითხირეფს. თიშ თარი ინიციატივა, კლინტონიშ სინთელეშ გეგმა, 1994 წანას კონგრესიშით ვადანტიკცებე, მარა 1997 წანას თიშ მოხვარათ დირსხუ სახენწჷფო ბაღანეფიშ სინთელეშ დაზღვევაშ პროგრამა დო სქუათ ეჭოფუაშ დო უშქურანჯი ფანიაშ აქტი. თიში ქორწინებაშ სტატუსიქ ბილ კლინტონწკჷმა ჯარალუაშ სხუნუაშ საგანო გჷნირთჷ, 1998 წანას ლევინსკიშ სკანდალიშ უკული.

ნიუ-იორკშა გინულაშ უკული კლინტონი გეგშაგორეს ააშ-იშ სენატის 2000 წანას — მაართა შვანი, მუჟამსჷთ ამერიკალი მაართა ლედი ჯარალობური საქვარუას ნინალენდჷ დო მაართა სენატორი ოსური თე შტატშე. თაქ თინა დუდშე ხუჯის უკინანდჷ ჯორჯ ბუშიშ გალენურ პოლიტიკას, ნამუთ თაშნეშე იკათუანდჷ ერაყიშ ლჷმაშ რეზოლუციაშა ყაბულობას. უკული თიქ გეგნუდირთჷ ბუშიშ ადმინისტრაციას ერაყიშ ლჷმაშ მალობაშ გეშა დო თაშნეშე მიარე დინოხოლენ ოკითხეფს. 2006 წანას კინ ახალას გეგშაგორე სენატის.

ჰილარი კლინტონი მაართა ოსური რე აშშ-იშ ისტორიას, ნამუსჷთ პრეზიდენტო გიშაგორუაშ დიდი შანსი უღუდჷნ. 2007 წანაშ გოძვენას ომენოღალე გჷმოკითხირეფს თინა ირო წჷმი რდჷ დემოკრატეფიშ ნომინანტეფს შქას. მარა 2008 წანაშ პრაიმერეფს გიორჯგინჷ ბარაკ ობამაქ.

რესურსეფი ინტერნეტის[რედაქტირაფა | წყუშ რედაქტირაფა]

Commons-logo.svg
ვიკიოწკარუეს? რე ხასჷლა თემაშენ: