ჰოლივუდიშ ვარადებაშ ჯალონა
ჰოლივუდიშ ვარადებაშ ჯალონა (ინგლ. Hollywood Walk of Fame) — ტროტუარ ჰოლივუდიშ ბულვარს დო ვაინ-სტრიტიშ მანგას, ნამუთ იდვალუაფუ ჰოლივუდის, ლოს-ანჯელესის, კალიფორნიას, ააშ-ს. თინა მერჩქინელ რე ართუაფალ ინდუსტრიაშ ვარადებაშ დარბაზო. თიშ დიზაინერ რე ობჟათე-კალიფორნიალ ხელუან ოლივერ ვეისმულერი, ნამუთ ნოღაქ დექირჷ 1953 წანას, ჰოლივუდშო ართმაგურ გოჯინაშ მიოჩამალო დო ვარადებაშ ჯალონა ზუსტას წჷმარინუანს ართ-ართ თი რსულჸოფურობას, ნამუთ ნოღაქ თიმ ბორჯის გინიცადჷნ. ჯალონა მოჭკადილ რე 2 000-შე უმოს ხუთწვანდამ მურიცხით, ნამუეფსჷთ ეშახინტკილ რე ვა ხვალე ჯოხოგოლაფილ ადამიერეფიშ ჯოხოეფი, თი ფოხ გერგეზეფით, ნამუეფჷთ ართუაფალ ინდუსტრიას მუნეფიშ თიაშ გეშა აღიარაფილეფ რენა ჰოლივუდიშ კომერციულ პალატაშით. ჯალონა იჩუაფუ მუშდოფინანსაფათ. მაართა მურიცხით, ნამუქჷთ 1960 წანაშ 9 ფურთუთას გინწყჷნ, დეჯილდჷ ჯოან ვუდვარდიქ.