ჸორჭუკი (ლათ. Rattus) — ჭუკიშობურეფიშ ფანიაშ მაღირღონალეფიშ რანწკიშ ჩხოლარი. უღჷ რსხულიშ სიგჷნძა 10-30 სმ, ქამი ქერცათ ფორილი კუდელი, წუმოგჷნძარებული ნიჩვი, კაბეტი ჸუჯეფი. გვარს 68 კოსმოპოლიტური გვარობა რე. თინეფშე კანკალე, კერძოთ, შქირუ ჸორჭუკი (Rattus norvegicus), ნანდული სინანთროპი რე დო ადამიანიშ მოხვარაშ უმუშო ხე ედომუშამი მოსოფელს. საქორთუოს ფართას რე მოდვალირი უჩა ჸორჭუკი დო შქირუ ჸორჭუკი. ადამიერიშ ხორუეფიშ მოხ ჸორჭუკეფი აფხვადჷნა ორთაშობური პიჯალეფსჷთ. წანმოწანას 3-4-შა იმიარებჷნა. ხანს 5-15 ერჩქის, ნამუეფჷთ 3-4 თუთაშ ხანს იჭყანა გამიარებას. ანდამაჭკომუეფი რენა. გინმუღუნა ანდანერი ინფექციური ლახარა დო ჰელმინთეფი. თინეფს ირდიხას ობურჯჷნა დო სპუნა.
