Bluetooth

ვიკიპედიაშე
ბლუთუზიშ ლოგოტიპი

ბლუთუზი (ინგ. Bluetooth — ლენი კიბირი) — მუნაჩემეფიშ გჷნოჩამაშ ურსინე ტექნოლოგიას წჷმარინუანს. თინა საშუალებას ირძენს მუნაჩემეფიშ 720 კბ/წმ სიჩქარათ გჷნოჩამას, ირნერი მიმასხუაფალი რსინაშ უმუშო შხვადოშხვა ტიპიშ მონწყილობეფს შქას, მუჭომეფით რე: მობილური ტელეფონეფი, ლუბაშ კომპიუტერეფი, პერსონალური კომპიუტერეფი, პრინტერეფი, ცირფული ფოტოაპარატეფი, მარგილარეფი, კონდიციონერეფი, მიკრორეღმამი ღუმელეფი დო შხვა.

ტექნოლოგია აქტიურო გჷმირინუაფუ ბიზნესის, მედიცინას დო შხვა სფეროეფს. თიშ ქიმინჯალაშ რადიუსი გითმითანჯუ 10-შე 100 მეტრაშახ. ინფრაჭითა პორტშე (IrDa) გინორთელო, ბლუთუზიშ რადიორეღმეფი ბეტონიშ დო ლითონიშ კონსტრუქციეფიშ შქასჷთ ანჭუ. მერსხუაფაშ ბორჯის აკმიქიმინუ რშვილი piconet დო 7-8 მახვარებუს შეულებუ ართბორჯულო ჩერთას თისჷნ.

აპარატურულო ბლუთუზი მორჩილი ზჷმაშ, მაღალი სიმალაშეშ მიმაღებე-გჷნმაჩამუ მონწყილობა რე, ნამუთ 2.4465-2.4835 გჰც დიაპაზონს მუშენს.

პროფილეფი[რედაქტირაფა | წყუშ რედაქტირაფა]

ბლუთუზ ტექნოლოგია მიარეპროფილამი რე. ირი პროფილიშ აზარა ბლუთუზით ანჯარელ მონწყილობას ხოლო უმოსი შილებუამობას არზენს მაქსიმალურო გჷმორინაფილქ იჸუას ტექნოლოგიაშ შილებუამობეფინ.

  • GAP -Generic Access Profile
  • SDAP-Service Discovery Application Profile
  • CTP-Cordless Telephony Profile
  • IP-Intercom Profile
  • SPP-Serial Port Profile
  • HS-Headset Profile
  • DNP-Dial-up Networking Profile
  • FP-Fax Profile
  • LAP-LAN (Local Area Network) Access Profile
  • GOEP-Generic Object Exchange Profile
  • OPP-Object Push Profile
  • FTP-File Transfer Profile
  • SP-Synchronization Profile
  • ESDP-Extended Service Discovery Profile (for Universal Plug and Play)
  • A2DP-Advanced Audio Distribution Profile
  • AVRCP-Audio Video Remote Control Profile
  • BIP -Basic Imaging Profile
  • BPP -Basic Printing Profile
  • CIP-Common ISDN Access Profile
  • GAVDP-Generic Audio Video Distribution Profile
  • HFR-Hands-Free Profile
  • HCRP-Hardcopy Cable Replacement Profile
  • HID-Human Interface Device Profile
  • PAN-PAN (Personal Area Networking) Profile
  • SAP-SIM Access Profile

რესურსეფი ინტერნეტის[რედაქტირაფა | წყუშ რედაქტირაფა]