Google Gemini

Gemini
	; ჩათიშ დოჭყაფურ ეკრანი (2026 წანა)
მაწარმე	Google AI; Google DeepMind
გიშართჷ	21 მელახი, 2023 (მუჭოთ Bard); 8 ფურთუთა, 2024 (მუჭოთ Gemini)
ოს	ვებ-აპლიკაცია; Android; Wear OS; ChromeOS; iOS; iPadOS;
პლატფორმა	მუნაფურ გჷმოკოროცხუაშ პლატფორმეფი
ნინა	46 ნინა (239 ქიანა დო რეგიონი)
სტატუსი	აქტიური
ჟანრი	ხელუანურ ინტელექტი; ვირტუალურ ასისტენტი; ჩატბოტი;
ლიცენზია	პროპრიეტარული
ვებ-ხასჷლა	gemini.google.com

ათე ხასჷლა რე ჩატბოტიშ გეშა. ნინაშურ მოდელიშ გეშა, ქძ. Gemini (ნინაშურ მოდელი).

Gemini (მარგ. „ჯემინაი“, თეწკჷმა მოდვალირ ჯოხოდვალა რე „ჯემინი“; თაშნეშე ჩინებულ რე მუჭოთ Google Gemini დო კინოხ ჯოხოდჷ Bard) — Google-იშ გენერაციულ ხელუანურ ინტელექტიშ ჩატბოტი დო ვირტუალურ ასისტენტი. თინა მუშენს თე ჯოხოდვალაშ კაბეტ ნინაშობურ მოდელიშ (LLM) მოხვარებათ, მუჟანსჷთ კინოხ გერსხილ რდჷ LaMDA-შა დო PaLM 2-შა.

ჯემინიშ არქიტექტურა ბონას რე გეგურაფილ მუსხირენ გვარიშ მუნაჩემეფშა, ნამუთ მოდელეფს საშუალებას არზენს, ართბორჯულო დამუშუან დო გაჭყან (დაგენერირან) ტექსტი, კომპიუტერულ კოდი, სურათეფი, აუდიო დო ვიდეო მასალეფი. Google თე ტექნოლოგიას შხვადოშხვა სიჸონიერათ ობჟინუანს, ეფექტური, მონწყილობაშა მეხუჯაფილ ვერსიეფშა ("Nano") დო ეკონომიური, მუკმაშქუმალარ ვარიანტეფშა ("Flash"), მაღალგჷმმაკოროცხალ მოდელეფშა, ნამუთ კაჭულ ლოგიკურ არზაუნობაშო რე დოპროექტებული ("Pro" დო "Ultra"). ჯემინიშ 1.5 დო 3 გამნარყიშ მოდელეფქ გენშიღეს გოძინელ კონტექსტურ ოსინთუეფი, ნამუჷთ თიჯგურა კაბეტ მუნაჩემეფიშ ანალიზიშ საშუალებას ირზენს, მუნერით რე კოდეფიშ ედომუშამ ბაზეფი, განწეხანიან ვიდეოეფ ვარ-და დოკუმენტეფიშ ქვერსემ არქივეფ ართი პრომპტით (მოთხირით).

Gemini მაართათ 2023 წანაშ 6 ქირსეთუთას წჷმარინეს დო თიქ Google-ის რინელ ბრენდინგ დოთირუ ხი-შ (ხელუანურ ინტელექტიშ) ნინალეფიშო. 2024 წანაშ ფურთუთას, ჩატბოტი Bard-ის ჯოხოქ დათირჷ Gemini-თ, „Duet AI“-შ ბრენდინგ — Google Cloud-იშ დო Workspace-იშო გაუქვეს Gemini-შ ჯოხოშ მოსახვარეთ. მოდელეფ Google-იშ ეკოსისტემაშა Gemini-შ მობილურ აპლიკაციაშ მოხვარებათ მიშმურს, ნამუთ მუშენს მუჭოთ „ოვერლეი“ (overlay) ასისტენტ Android-იშ მონწყილობეფს, თაშნეშე Vertex AI-შ პლატფორმაშ მოხვარებათ მასუმა კუნთხუშ დეველოპერეფშო.

Gemini-შ გიშაშქუმალაქ მუჭოთ ტექნიკურ მოწონა, თეშ ჯარალობურ სკანდალ (ნირზი) გჷმიჭანუ. კომენტატორეფქ ეშანუეს მოდელიშ მაღალ მაძირაფალეფს (benchmarks) კოდირებას დო მუნაჩემეფიშ გორუას, ნამმუთ თის OpenAI-შ GPT-4-იშ დო GPT-5-იშ კონკურენტო გინმართინუანს. თეშ უმკუჯინალო, პროდუქტიშ გიშაშქუმალას კრიტიკაქ აშუ მუშ გამეფიშ სანდოობაშ გეშა. 2024 წანაშ დაჭყაფუს, Google-იქ მოდელს ადამიერეფიშ სურათეფიშ გენერირებაშ ფუნქცია გაჩემჷ, ანდანე მახვარებუეფქ ისტორიულ უზუსტობეფ დო მეკერზებაშენ გაცხდეს ადამიერეფიშ გჷმოხანტუეფს. უკულიან მოახალებეფი, თინეფ შქას Gemini 1.5 დო 3 სერიეფი, ნამუეფქჷთ 2025 წანაშ გოძვენას გიშართჷნ, ფოკუსირებულ რდჷ ჰალუცინაციეფიშ დარკებაშა, „ლატენტობაშ“ (latency) გაუჯგუშებაშა დო „აგენტური“ (agentic) შილებუამობეფიშ გაჸიონიერებაშა, ავტონომიურ რკვიებეფშო დო პროგრამულ უანრღელჸუაშ წჷმოძინაშო.

ათე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.

რესურსეფ ინტერნეტის