The Rumble in the Jungle
The Rumble in the Jungle (ბურჯაფი ჯუნგლეფს) — ბოქსიშ ისტორიული მატჩი მონკა წონაშ კატეგორიას (WBC, WBA), 1974 წანაშ 30 გჷმათუთას, კინშასას, ზაირს, 20 მესიშ ჯოხონობაშ სტადიონს, მუჰამედ ალი დო ჯორჯ ფორმენშქას.
ლჷმაშახ[რედაქტირაფა | წყუშ რედაქტირაფა]
ჯორჯ ფორმენს კინშასაშ ლჷმაშახ უღუდ 40 მოგება, 37 ნოკაუტით. ჯორჯ ფორმენქ მოსოფელიშ ჩემპიონიშ ტიტული მონკა წონას, მიპალუ 1973 წანაშ 20 ღურთუთას, ჯო ფრეიზერწკჷმა მოგებათ. ფრეიზერიშ უკულ ფორმენქ ტიტული ჟირშა თხილუ ხოსე რომანწკჷმა დო კენ ნორტონწკჷმა მოგებათ.
მუჰამედ ალიშა ჩემპიონიშ ტიტული მიდაღალირირდჷ. მუჰამედ ალი ვიეტნამიშ ლჷმას აპროტესტენდ დო ჯარშა ხოლო ვემიშჷ. თეშ გეშა, ალის ლიცენზია ხოლო მიდუღეს დო კარიერაშ გოგინძორაფაშ ნება ხოლო ვემეჩეს. ლიცენზიაშ დორთინაფაშ უკულ ჯო ფრეიზერწკჷმა დო კენ ნორტონწკჷმა წაგუ დო 46 რკინალაშე უღუდჷ 44 მოგება. ფორმენწკჷმა მოგებათ, ალის ოკოდჷ ტიტულიშ დორთინაფა
ლჷმა[რედაქტირაფა | წყუშ რედაქტირაფა]
მუჰამედ ალიქ გიმირინუ ტაქტიკა ნამუსით the rope-a-dope-ის უძახუნა. დაჭყაფუშე ფორმენი აგრესიული რდჷ დო დომინირენდჷ. ალი ოცადუდ ფორმენი დოშულიდუკო დო მომენტი დუგორუკო. მაბრუო რაუნდიშა ფორმენი ირიათო ლიდერენდჷ დო ალი ხვალე დუდის ითხილანდჷ. ფორმენქ ჭიე-ჭიეთ დოშურდჷ დო ალიშო მომენტიქ მაბრუო რაუნდის ქუმორთჷ, შულადირ ფორმენს უცბას, ველუდუნ თეშ ქიმიოგჷ დო ქუდარაგუ. რეფერიქ ფორმენს ვითიშა დუთვალუ, მარა ფორმენს ვითიშ კოროცხუაშა ვეიადგინჷ დო ალიქ მიგუ ნოკაუტით.
ინტერესუან ფაქტეფი[რედაქტირაფა | წყუშ რედაქტირაფა]
The Rumble in the Jungle-ს უღუდჷ დიდი პოპულარობა, ტელევიზიათ მატჩის ართ მილიარდ ადამიერქ უჯინჷ. გოართოიანაფილ ომაფეს მატჩის უჯინედჷ 26 მილიონ კოჩი, ბრიტანეთიშ მახორობაშ დახე გვერდი. ფინანსურ მოგება 100 მილიონ დოლარი რდჷ. ლჷმაშ ორგანიზატორი რდჷ ბოქსიშ ამერიკალი პრომოუტერი დონ კინგი. მატჩიშ ორგანიზაფას მონაწილენდეს ზაირიშ დიქტატორი მობუტუ სესე სეკო დო ლიბიაშ დიქტატორი მუამარ კადაფი. The Rumble in the Jungle რე XX ოშწანურაშ ართ-ართ უდიდაშ სპორტული მატჩი.
რესურსეფი ინტერნეტის[რედაქტირაფა | წყუშ რედაქტირაფა]
