ალექსანდერ ფლემინგი

ალექსანდერ ფლემინგი
ინგლ. Alexander Fleming
ალექსანდერ ფლემინგი მუშ ლაბორატორიას, 1943 წანას
დაბადებაშ თარიღი:	6 მარაშინათუთა, 1881
დაბადებაშ აბანი:	დარველი, ისტ-ერშირი, შოტლანდია
ღურაშ თარიღი:	მელახი 11, 1955 (73 წანერი)
ღურაშ აბანი:	ლონდონი, ინგლისი
მენოღალობა:	გოართოიანაფილი ომაფე
ომენცარე სფერო:	ბაქტერიოლოგია, იმუნოლოგია
სამუშაშ აბანი :	სენტ-მერიშ ჰოსპიტალი
ალმა-მატერი:	ლონდონიშ იმპერიული კოლეჯი ვესტმინსტერიშ უნივერსიტეტი
ჯილდოეფი დო პრემიეფი:	ომაფე საზოგადოებაშ მაკათური (1943) კამერონიშ პრემია (1945) ნობელიშ პრემია ფიზიოლოგიაშ დო მედიცინაშ დარგის
ხეშმოჭარუა:

ალექსანდერ ფლემინგი (ინგლ. Alexander Fleming; დ. 6 მარაშინათუთა, 1881, დარველი, ისტ-ერშირი, შოტლანდია — ღ. 11 მელახი, 1955, ლონდონი, ინგლისი) — შოტლანდიარი ექიმი დო მიკრობიოლოგი, ნობელიშ პრემიაშ ლაურეატი ფიზიოლოგიაშ დო მედიცინაშ დარგის 1945 წანას (ჰოუარდ ფლორი დო ერნსტ ჩეინიწკჷმა ართო). ფლემინგიქ ძირუ დო დიგურუ ანტიბიოტიკი პენიცილინი, ანტიმიკრობული ფერმენტი ლიზოციმი. პენიცილინიშ ძირაფაქ დო უკულიან გოვითარაფაქ შელებუ შხვადოშხვა ლახალეფიშ კურნალობა. ჟურნალ ტაიმიშ აზრით, პენიცილინქ სამუდამოთ დოთირუ ისტორიაშ კურსი დო თიქ ორჯგინჷ სიფილისის, განგრენას, ტუბერკულოზის დო შხვა ლახალეფს. ალექსანდერ ფლემინგი რდჷ ლონდონიშ ომაფე საზოგადოებაშ მაკათური 1943 წანაშე, ინგლისიშ ქირურგეფიშ ომაფე კოლეგიაშ მაკათური დო შხვადოშხვა პრემიეფიშ დო ჯილდოეფიშ ლაურეატი. BBC-იშ 2009 წანაშ გუმოკითხირით ფლემინგი რე 100 უდიდაში ბრიტანალიშ ერკებულშა მიშაჸონაფილი (მაეჩა აბანი) დო შოტლანდიური ტელევიზიაშ STV-იშ გუმოკითხირით ფლემინგი რე მასმა უდიდაში შოტლანდიარი რობერტ ბერნსიშ დო უილიამ უოლესიშ უკული. ჟურნალი ტაიმიშ ვერსიათ ფლემინგი რე XX ოშწანურაშ ართ-ართ თარი ფიგურა. ალექსანდერ ფლემინგიშ ჯოხონობაშ რე ართ-ართი კრატერი თუთას.

ლიტერატურა

• The Penicillin Man: the Story of Sir Alexander Fleming, Lutterworth Press, 1957, Rowland, John.
• Penicillin Man: Alexander Fleming and the Antibiotic Revolution, Stroud, Sutton, 2004. Brown, Kevin.

რესურსეფი ინტერნეტის

• ალექსანდერ ფლემინგი Nobelprize.org-ის