ბერნჰარდ რიმანი

ვიკიპედიაშე
ბერნჰარდ რიმანი
გერმ. Bernhard Riemann
დაბადებაშ თარიღი:

17 ეკენია, 1826

დაბადებაშ აბანი:

ბრეზელენცი, ჰანოვერიშ ომაფე

ღურაშ თარიღი:

კვირკვე 20, 1866 (39 წანერი)

ღურაშ აბანი:

სელასკა, იტალიაშ ომაფე

მენოღალობა:

ჰანოვერიშ ომაფე

ომენცარე სფერო:

მათემატიკა, ფიზიკა

სამუშაშ აბანი :

გეტინგენიშ უნივერსიტეტი

ალმა-მატერი:

გეტინგენიშ უნივერსიტეტი
ბერლინიშ უნივერსიტეტი

ომენცარე ხემანჯღვერი:

კარლ ფრიდრიხ გაუსი

ჯოხოშინელი მოგურაფეეფი:

გუსტავ როხი

ჯილდოეფი დო პრემიეფი:

ლონდონიშ ომაფე ჯარალუაშ ურცხოალი მაკათური (1866)

ხეშმოჭარუა:

გეორგ ფრიდრიხ ბერნჰარდ რიმანი (გერმ. Georg Friedrich Bernhard Riemann; დ. 17 ეკენია, 1826, ბრეზელენცი, ჰანოვერიშ ომაფე — ღ. 20 კვირკვე, 1866, სელასკა, იტალიაშ ომაფე) — გერმანალი მათემატიკოსი.

ბერნჰარდ რიმანი გურაფულენდჷ მათემატიკას გეტინგენიშ უნივერსიტეტის კარლ ფრიდრიხ გაუსიშ ხემანჯღვერობათ. 1847 წანას რიმანიქ გურაფა ბერლინიშ უნივერსიტეტის გაგინძორჷ. ჸათე პერიოდის ბერლინიშ უნივერსიტეტის მუშენდეს გიშარჩქინელი მათემატიკოსეფი: კარლ გუსტავ იაკობ იაკობი, პეტერ გუსტავ ლეჟენ დირიხლე, იაკობ შტეინერი დო გოტოლდ აიზენშტაინი. რიმანიქ ბერლინს ჟირ წანას ქუდოსკიდჷ დო 1849 წანას, კინ გეტინგენიშა დირთჷ. 1859 წანაშე რიმანი რდჷ გეტინგენიშ უნივერსიტეტიშ მათემატიკაშ დეპარტამენტიშ მადუდე. ჰანოვერიშ დო პრუსიაშ არმიეფიშ ლჷმაშ ბორჯის, 1866 წანას რიმანიქ გეტინგენი ქიდიტუ დო იტალიაშა გეგნორთჷ, სოდეთ 1866 წანაშ 20 კვირკვეს, ტუბერკულოზით დოღურჷ. რიმანი 39 წანერი რდჷ.

ბერნჰარდ რიმანი მერჩქინელი რე არძა ბორჯიშ ართ-ართ უდიდაშ მათემატიკოსო. რიმანიქ მიშეღჷ დიდი თია მათემატიკური ანალიზიშ, რიცხუეფიშ თეორიაშ, დიფერენციალური გეომეტრიაშ რკვიებაშა. რიმანიშ ჯოხონობაშ რე რიმანიშ ინტეგრალი, კომპლექსური ანალიზიშ რიმანიშ ჟინპიჯეფი. 1858 წანაშ სტატიას, რიმანიქ წჷმარინუ ჰიპოთეზა, ნამუსჷთ რიცხუეფიშ ანალიტიკურ თეორიას დიდი შანულობა უღჷ. ბერნჰარდ რიმანიშ პიონერულ რკვიებეფს დიფერენციალურ გეომეტრიას, უკულ გიარსხუ ფარდობითობაშ თეორიაშ მათემატიკაქ.

რესურსეფი ინტერნეტის[რედაქტირაფა | წყუშ რედაქტირაფა]

ვიკიოწკარუეს? რე ხასჷლა თემაშენ: