ბერტრან რასელი

ბერტრან რასელი
	ბერტრან რასელი
	ინგლ. Bertrand Russell
	ფაილი:Bertrand Russell 1949.jpg ; ბერტრან რასელი 1957 წანას
დაბადებაშ თარიღი:	18 მესი, 1872
დაბადებაშ აბანი:	ტრელეკი, უელსი
ღურაშ თარიღი:	ფურთუთა 2, 1970 (97 წანერი)
ღურაშ აბანი:	პენრინდაიდრაიტი, უელსი
მენოღალობა:	გოართოიანაფილი ომაფე
ომენცარე სფერო:	ფილოსოფია, ლოგიკა, მათემატიკა
სამუშაშ აბანი :	ტრინიტი-კოლეჯი (კემბრიჯი); ლონდონიშ ეკონომიკაშ სკოლა; ჩიკაგოშ უნივერსიტეტი; კალიფორნიაშ უნივერსიტეტი (ლოს-ანჯელესი)
ალმა-მატერი:	ტრინიტი-კოლეჯი (კემბრიჯი)
ომენცარე ხემანჯღვერი:	ალფრედ ნორთ უაიტჰედი
ჯოხოშინელი მოგურაფეეფი:	ლუდვიგ ვიტგენშტაინი
ჯილდოეფი დო პრემიეფი:	ლონდონიშ ომაფე ჯარალუაშ მაკათური; დე მორგანიშ მენდალი (1932); სილვესტრიშ მენდალი (1934); ნობელიშ პრემია ლიტერატურაშ დარგის (1950); კალინგაშ პრემია (1957); იერუსალიმიშ პრემია (1963); Order of Merit
ხეშმოჭარუა:

ბერტრან ართურ უილიამ რასელი, მასუმა გრაფი რასელი (ინგლ. Bertrand Arthur William Russell, 3rd Earl Russell; დ. 18 მესი, 1872, ტრელეკი, უელსი — ღ. 2 ფურთუთა, 1970, პენრინდაიდრაიტი, უელსი) — ბრიტანალი ფილოსოფოსი, მათემატიკოსი დო ლოგიკოსი. რასელიშ ნახანდეფი ორხველუდჷ მათემატიკას, ლოგიკას, ლინგვისტიკას, ხელუანურ ინტელექტის, კოგნიტურ მენცარობას, ინფორმატიკას, ანალიტიკურ ფილოსოფიას, მათემატიკაშ ფილოსოფიას, ნინეფიშ ფილოსოფიას, ეპისტემოლოგიას დო მეტაფიზიკას. რასელი რდჷ ინტელექტუალი, ისტორიკოსი, სოციალური კრიტიკოსი დო პოლიტიკური აქტივისტი.

ბერტრან რასელიქ დებადჷ ბრიტანეთიშ არისტოკრატიულ ფანიას. გურაფულენდჷ კემბრიჯიშ უნივერსიტეტიშ ტრინიტი-კოლეჯის. გურაფაშ თებაშ უკულ მუშენდჷ შხვადოშხვა ომენცარე ინსტიტუტეფს. რასელი რდჷ XX ოშწანურაშ ართ-ართი უდიდაში ლოგიკოსი, გოტლობ ფრეგე, ჯორჯ ედვარდ მური დო ლუდვიგ ვიტგენშტაინიწკჷმა ართო რდჷ ანალიტიკური ფილოსოფიაშ დუმარსხუაფალი. ბერტრან რასელი, მუში ომენცარე ხემანჯღვერი ალფრედ ნორთ უაიტჰედიწკჷმა ართო რე მონუმენტური ნახანდიშ მათემატიკაშ პრინციპეფიშ ავტორი. ჸათე ნახანდის გიარსხუ კლასიკური ლოგიკაშ გოვითარაფაქ. რასელი რე ავტორი ფილოსოფიური ესსეშ On Denoting, ნამუთ მერჩქინელი რე ფილოსოფიაშ პარადიგმათ.

ბერტრან რასელი რდჷ ანტი-იმპერიალისტი დო დუდენდჷ ინდოეთიშ ლიგას. ლიგაქ 1928 წანას დირსხუ დო თინა ინდოეთიშ ზოხორინელობას თხულენდჷ. რასელი რდჷ ატომური ლჷმაშ ოპონენტი. რასელი აკრიტიკენდჷ ნაციზმის დო სტალინური ტოტალიტარიზმის. 1950 წანას ბერტრან რასელის გინოჩეს ნობელიშ პრემია ლიტერატურაშ დარგის. რასელი რდჷ დე მორგანიშ მენდალიშ (1932), სილვესტრიშ მენდალიშ (1934), კალინგაშ პრემიაშ (1957) დო იერუსალიმიშ პრემიაშ (1963) ლაურეატი.

ლიტერატურა

Ronald W. Clark. The Life of Bertrand Russell, London: Jonathan Cape, 1975, ISBN 0-394-49059-2
Ronald W. Clark. Bertrand Russell and His World, London: Thames & Hudson, 1981, ISBN 0-500-13070-1

რესურსეფი ინტერნეტის