ენდი გარსია

ვიკიპედიაშე
ენდი გარსია

დაბადებაშ ჯოხო ანდრე არტურო გარსია მენენდესი
დაბადებაშ აბანიჰავანა, კუბა
დებადჷ 12 პირელი, 1956 (1956-04-12) (67 წანერი)
საქვარუა არტისტი
აკოქიმინჯალაშ წანეფი 1978–ასეშა
ალმასქუ(ეფი) მარივი ლორიდო გარსია (1982–ასეშა)

ენდი გარსია (ესპ. Andrés Arturo García Menéndez; დ. 12 პირელი 1956, ბეხუკალიკუბა) — ამერიკალი არტისტი, კინორეჟისორი დო კინოპროდიუსერი. პრემია ALMA-შ ნომინანტი (2007 წ.) საუჯგუშო ორეჟისორე ნამუშერშო ფილმის „დინაფილი ნოღა“.

ბიოგრაფია[რედაქტირაფა | წყუშ რედაქტირაფა]

ენდი გარსიქ დებადჷ 1956 წანაშ 12 პირელს ნოღა ჰავანას. მუჟამსჷთ თიქ 5 წანერო გინირთჷნ, თიში ფანიაქ ქიანას დორთაფილი რევოლუციაშ გეშა აძვილბურქ იჸუ ემიგრირაფაშა ულინჷდჷკო ამერიკაშ აკორთაფილ შტატეფშა. დიამუში ამელი მენენდესი რდჷ ინგლისური ნინაშ მაგურაფალი, მუამუში რენე გარსია ფერმერი, ნამუთ ავოკადოს მუშენდჷ. გვიანო თიქ ააშ-ს გონწყჷ შხვადოშხვა არომატეფიშ ბიზნესი.[1][2] ბაღანობაშე კარაჩხაბურთელობაშე ოცნებენდ. ენდი გარსიაქ ათუ ფლორიდაშ ოერეფოშქაშე უნივერსიტეტი.[3] 1978 წელს გარსია ორინელო ლოს-ანჟელესშა გინურს, გიშეშჷ დუდიშულ თეატრალურ ბუნეფს. უკული ბორჯ-ბორჯო იღენდჷ ჭიჭე როლეფს ტელევიზიასჷთ. 1980-იანი წწ. დაჭყაფურს აკათჷ მუსხირენ ტელესერიალს.

თიში კინოკარიერა წორო 1980-იანი წანეფს იჭყაფუ. ათე პერიოდის სრულებური კინოროლეფშე ოშინალი რე: „ბრუო მილიონი ხერხი მუჭო ოკო ღურენ“, „ხეუხებუეფი“, „უჩა ჭვემა“. 80-იან წწ. ენდი გარსიას თარო სერიოზულ როლეფს აფუდ გიშულა. წჷმოძინათ იგინძორჷ თიში კინოკარიერაქ 1990-იან წანეფსჷთ. 1990 წანას მიღჷ როლი კინოს „მორდია III“, დო 1995 წანას „მუთ დეკინას ღურელქ დენვერს“.

ართ-ართი საუჯგუშო როლი ასრულჷ ფილმის „მოდილიანი“, სოდეთ იტალიარი ხანტუშ ამადეო მოდილიანიშ სახე გასახიერჷ. თარი რდჷ ხოლო თიში როლეფი ფილმეფს: „ამნეზია“, „ჰავა, ნამუთით შურ მემიღუნ“ დო შხვა.

ფილმოგრაფია[რედაქტირაფა | წყუშ რედაქტირაფა]

წანა მარგალურო ოდაბადური ჯოხოდვალა როლი
1986 ბრუო მილიონი ხერხი მუჭო ოკო ღურე 8 Million Ways to Die ანხელ მოლდონადო
1987 ხეუხებუეფი The Untouchables ჯორჯ სტოუნი
1989 უჩა ჭვემა Black Rain დეტექტივი ჩარლი ვინსენტი
1990 მორდია III The Godfather Part III ვინსენტ მანჩინი
1992 გერგეზი Hero ჯონ ბაბერი
1995 მუთ დეკინას ღურელქ ნევადას Things to Do in Denver When You're Dead ჯიმი ტოსნია
2001 ოუშენიშ ვითაართი მაჸალე Ocean's Eleven ტერი ბენედიქტი
2004 ოუშენიშ ვითოჟირი მაჸალე Ocean's Twelve ტერი ბენედიქტი
2004 ამნეზია Twisted მაიკ დელმარკო
2004 მოდილიანი Modigliani ამადეო მოდილიანი
2005 დინაფილი ნოღა The Lost City ფიკო ფელოვი / რეჟისორი
2007 ოუშენიშ ვითოსუმი მაჸალე Ocean's Thirteen ტერი ბენედიქტი
2007 ჰავა, ნამუთით შურ მემიღუნ The Air I Breathe ფინგერსი
2011 მარაშნათუთაშ 5 დღა 5 Days of War მიხეილ სააკაშვილი
2014 დოჸვილი მაგინაფალი Kill the Messenger ნორვინ მენეზესი

რესურსეფი ინტერნეტის[რედაქტირაფა | წყუშ რედაქტირაფა]

სქოლიო[რედაქტირაფა | წყუშ რედაქტირაფა]

  1. Blau, Eleanor. “New Face; A Fervor For Film Pays Off: Andy Garcia“, The New York Times, July 24, 1987. კითხირიშ თარიღი: April 25, 2010. 
  2. Andy Garcia Biography (2010-). Filmreference.com (1956-04-12). კითხირიშ თარიღი: 2011-07-07.
  3. Andy Garcia - Biography. Net Glimpse. კითხირიშ თარიღი: 2010-12-19.