კარნეგი-მელონიშ უნივერსიტეტი

ვიკიპედიაშე
კარნეგი-მელონიშ უნივერსიტეტი
ინგლ. Carnegie Mellon University


დევიზი My heart is in the work - Andrew Carnegie
დირსხუ 1900
1967 (მელონიშ ინსტიტუტიწკჷმა გოართოიანაფა)
ტიპი კერძო
ფონდეფი $ 3.1 მლრდ. (2021)
წორომახანდე 1,483 (აკადემიური)
პრეზიდენტი ფარნამ ჯაჰანიანი
პროვოსტი ჯეიმს გარეტი
სტუდენტი 15,818 (2021)
ორენი ამერიკაშ აკოართაფილი შტატეფიშ შილა პიტსბურგი, პენსილვანია, ააშ
კამპუსი ურბანული
საიტი cmu.edu

კარნეგი-მელონიშ უნივერსიტეტი (ინგლ. Carnegie Mellon University, CMU) — კერძო უნივერსიტეტი ააშს, პენსილვანიაშ ნოღა პიტსბურგის. უნივერსიტეტიქ დირსხუ კარნეგიშ ტექნოლოგიაშ ინსტიტუტიშ დო მელონიშ ინდუსტრიული რკვიებეფიშ ინსტიტუტიშ გოართოიანაფათ. კარნეგიშ ინსტიტუტი დარსხუ ამერიკალი ფილანთროპიქ დო ბიზნესმენქ ენდრიუ კარნეგიქ 1900 წანას. დუდშე თე ინსტიტუტის ჯოხოდჷ კარნეგიშ ტექნიკური სკოლა, 1912 წანაშე გინირთჷ კარნეგიშ ტექნოლოგიაშ ინსტიტუტო. მელონიშ ინდუსტრიული რკვიებეფიშ ინსტიტუტი 1913 წანას დარსხუეს ბანკირეფქ ენდრიუ მელონიქ დო რიჩარდ მელონიქ. ჟირხოლო ინსტიტუტიქ გეერთიანჷ 1967 წანას.

კარნეგი-მელონიშ უნივერსიტეტი იკათუანს 7 კოლეჯის დო ზოხორინელ სკოლას: ინჟინერიაშ კოლეჯის, ხელუანობეფიშ კოლეჯის, ჰუმანიტარული დო სოციალური მენცარობეფიშ კოლეჯის, ბიზნესიშ სკოლას, ინფორმაციული სისტემეფიშ დო ოჯარალე პოლიტიკაშ კოლეჯის, ინფორმატიკაშ სკოლას დო მენცარობეფიშ კოლეჯის. უნივერსიტეტიშ თარი კამპუსი იდვალუაფჷ პიტსბურგის. კარნეგი-მელონიშ უნივერსიტეტი კლასიფიცირებული რე მუჭოთ R1 - ოდოქტორე, რკვიებეფიშ მაღალი აქტივობაშ უნივერსიტეტი. 2021 წანაშ მუნაჩემეფით უნივერსიტეტის ჸუნს 15,818 სტუდენტი დო 1,483 აკადემიური პერსონალი.

კარნეგი-მელონიშ უნივერსიტეტიშ კურსნათებუეფი დო უნივერსიტეტიწკჷმა აფილირებულეფი რდეს: ნობელიშ პრემიაშ 20 ლაურეატი, ტიურინგიშ პრემიაშ 13 ლაურეატი, ამერიკაშ მენცარობეფიშ დო ხელუანობეფიშ აკადემიაშ 26 მაკათური, ემიშ ჯილდოშ 142 გომორძგვილი, ტონიშ ჯილდოშ 52 ლაურეატი დო ოსკარეფიშ ჯილდოშ 12 გომორძგვილი.

რესურსეფი ინტერნეტის[რედაქტირაფა | წყუშ რედაქტირაფა]