ნოღა
| გერბი
|
|
|
მურმანსკი (რუს. Му́рманск) [1] (1916—1917 წანეფს — მურმანიშ რომანოვი, კილდ.-საამ. Мурман ланнҍ[2], ოორ.საამ. Murmánska) — ნოღა რუსეთიშ ოორუე-ბჟადალშე, მურმანსკიშ ოლქიშ ადმინისტრაციული ცენტრი.
მურმანსკი — მოსოფელიშ უშხუაში ნოღა რე, ნამუთ იდვალუაფჷ ოორუე პოლარული წირეშ მელე. ნოღა იდვალუაფჷ ბარენციშ ზუღაშ კოლიშ ყუჯიშ კირდეამ ბჟაეიოლ წყარპიჯის. ქიანაშ ართ-ართი უშხუაში ონიშოლი. ოორუე-ატლანტიკური ტიბუ მალობაშ ჭყოლოფუათ მურმანსკი — უგუჸინუ ონიშოლი რე.
ნოღა, კულტურულ-ეთნიკური რეგიონი ლაპლანდიაშ უშხუაში ნოღა რე. იდვალუაფჷ მოსკოვიშ ოორუეშე 1939 კილომეტრიშ მეძენას (ავტომაგისტრალით), 1490 კმ. (ჰეერით), სანქტ-პეტერბურგიშ ოორუეშე — 1327 (ავტომაგისტრალით), 1020 კმ. (ჰეერით).
