ობჟათე ტარავა

ობჟათე ტარავა
ქიანა	კირიბატი
რეგიონი	გილბერტიშ კოკეფი
კოორდ.	1°24′00″ ოორ. გ. 172°58′00″ ელ. გ. /
ფართობი	15.76 კმ²
ცენტრიშ სიმაღალა	3 მ
მახორობა	63,017 კოჩი (2015)
მეჭედალა	3,184 კოჩი/კმ²
ბორჯიშ ორტყაფუ	UTC+13
	ობჟათე ტარავა

ობჟათე ტარავა (ინგლ. South Tarawa) — კირიბატიშ ნანანოღა დო უდიდაში ნოღა, ნამუთ ატოლ ტარავას იდვალუაფჷ. მახორობა - 63,017 (2015 წანაშ ეჭარუათ)^[1]. მახორობაშ მეჭედალა - 3,184 ადამიერი კმ²-შა. ფართობი — 15,76 კმ².

მუნიციპალიტეტეფი[რედაქტირაფა | წყუშ რედაქტირაფა]

ობჟათე ტარავა აკმოდირთჷ ოთხი ონოღე მუნიციპალიტეტიშე, ნამუეფსჷთ შხვადოშხვა საჯარო დჷნაწესებუეფი დო შხუ ოწარმე ობიექტეფი იდვალუაფუ, თენეფი რე: ბეტიო (ინგლ. Betio), ბაირიკი (ინგლ. Bairiki), ბონრიკი (ინგლ. Bonriki), ბიკენიბეუ (ინგლ. Bikenibeu). (თინეფი არძა კინ თე ჯოხოდვალეფიშ კოკეფს დვალუაფჷნა)^[2].

ბეტიო არძაშე ობჟათეშე მადვალი მუნიციპალიტეტი რე, სოდე ქიანაშ თარი ონიშოლი რე, ატოლიშ თარი ელექტროდგჷმილი, მუსხირენი სახენწჷფო დჷნაწესებუ, ოზუღე ინსტიტუტი (ინგლ. The Maritime Training Institute) დო მუსხირენი კომერციული ცენტრი.

ბაირიკი იდვალუაფუ კოკი ბეტიოშე 3 კილომეტრის, თე რე პრეზიდენტიშ დოხორე, პარლამეტიშ დგჷმილი, ოთარობე დჷნაწესებუეფი, კირიბატიშ სასამარათლოშ დგჷმილი, ფოსტა, ნოღაშ ბაზარი დო ტელეოკომუნიკაციე დჷნაწესებუეფიშ ცენტრალური ოფისეფი.

ბონრიკის იდვალუაფუ ობჟათე ტარავას უდიდაში სასუმარო (60 აბანამი), გონათუაშ ომინისტრე, მარწაფალეფიშ მამზადებელი ცენტრი (ინგლ. The Teachers Training College), ერუაული ოსქილადე დო ოგურაფალი დჷნაწესებუეფი.

ბიკენიბეუს, ნამუთ ბონრიკიშე მოჩილათირი რე 5-7 კმ-ით იდვალუაფუ ბონრიკიშ აეროპორტი, ორთაშობური რესურსეფიშ ომინისტრე.

ბონრიკი დო ბეტიო ართიანწკჷმა მერსხილი რე მიარე დამბათ.

სქოლიო[რედაქტირაფა | წყუშ რედაქტირაფა]

↑ მოსახლეობის აღწერა (2010) Archived 2013-09-30 ვებ-ხასჷლას Wayback Machine.
↑ Trevor H.B. Sofield.. Outside the Net: Kiribati and the Knowledge Economy.. Murdoch University, Western Australia. დოარქივაფილი რე ორიგინალშე 2012-02-24-ს. კითხირიშ თარიღი: 2007-05-31.

[census_—_2015-1] მოსახლეობის აღწერა (2010) Archived 2013-09-30 ვებ-ხასჷლას Wayback Machine.

[C-2] Trevor H.B. Sofield.. Outside the Net: Kiribati and the Knowledge Economy.. Murdoch University, Western Australia. დოარქივაფილი რე ორიგინალშე 2012-02-24-ს. კითხირიშ თარიღი: 2007-05-31.

[1]

[2]