როუზ ბირნი
| როუზ ბირნი | |
 როუზ ბირნი 2013 წანას | |
| დაბადებაშ ჯოხო | მერი როუზ ბირნი |
| დაბადებაშ აბანი | სიდნეი, ავსტრალია |
| დებადჷ | 24 კვირკვე, 1979 |
| საქვარუა | არტისტი |
| აკოქიმინჯალაშ წანეფი | 1994–ასეშა |
| მასქერეფი | ჯეინ ბირნი, რობინ ბირნი |
მერი როუზ ბირნი[1] (ინგლ. Rose Byrne; დ. 24 კვირკვე, 1979, სიდნეი) — ავსტრალიარი კინოარტისტი. ოკათუდჷ კინოფილმეფს: „ტროა“, „ხვალმაფირი“, „ბჟაშ სინთე“, „რჩქინა“, „ნტება ვეგასიშე“, „ძღაბეფიშ ჭანაფილობა ვეგასის“ დო შხვა. ნომინირაფილი რდჷ ორქოშ გლობუსის დო ემიშ პრემიას.
მერი როუზ ბირნიქ დებადჷ ავსტრალიაშ ნოღა სიდნეიშ ართ-ართ გალეუბანს, ირლანდიური დო შოტლანდიური გორჩქინაშ ფანიას[2][3]. დიამუში ჯეინ ბირნი — მუშენს ადმინისტრატორო დაჭყაფურ სკოლას, მუამუში — რობინ ბირნი მარკეტოლოგი რე[4]. 8 წანაშე ავსტრალიაშ ახალურ თეატრის იღენდჷ ოარტისტე ხელუანობაშ გოკვათილეფს. ოშქაშე სკოლაშ თებაშ უკულ გურაფა დიჭყჷ დიო კოლეჯის დო უკულ სიდნეიშ უნივერსიტეტის. 1999 წანაშე გურაფა გაგინძორჷ დევიდ მამეტიშ დო უილიამ მეისიშ ატლანტიშ თეატრის.
როუზის ჸუნს უნჩაში ჯიმა ჯორჯ ბირნი დო ხოლო უნჩაში ჟირი და — ელის ბირნი დო ლუსი ბირნი. სუმხოლო თეშ რენო, თაშ რენო, ოკათუნა ხელუანობაშ სფეროს. თიში ჯიმა ფოტოგრაფი რე, დალეფშე ართი ხანტუ რე, მაჟირა ლონდონიშ ართ-ართი ფირმაშ გუმაშქუმალობას მუშენს. თიში მასქერეფი ათეისტეფი რენა, ბირნი მუშ დუდს აგნოსტიკოსო თვლის[5]. ჟირი წანაშ გოძვენას რდჷ კომპანია Max Factor-იშ სახე.
როუზ ბირნიშ ოარტისტე კარიერა ეკოროცხუას 1989 წანაშე იჭყანს დო ამდღარშა მოურს. 1990-იან წანეფს ჯინჯიერო სერიალეფს გინიღანდეს. დუდშე დუდი ამორსჷ ართ-ართ სერიალს („ჯი-პი“, G.P.), ნამჷსით 7 წანას გინიღანდეს. მაართა როლი კინოს („დალასიშ კენჯა“, 1994) მიღჷ 12 წანაშ ასაკის. უკულიან წანეფს როლეფს იღენდჷ ავსტრალიურ ტელესერიალეფს. 1999 წანას როლი მიღჷ კრიმინალური ჟანრიშ ფილმის „ჟირი ხე“, სოდეთ თინაწკჷმა ართო ილაჸაფჷ ჰით ლეჯერქ. მეხოლაფათ 6 წანაშ გოძვენას ურთიართობას რდჷ ბრენდან კოუელწკჷმა. ხვადუდჷ ხოლო გრეგორ ჯორდანს. 2012 წანაშე ხვადუ ბობი კანავალეს.
ფილმოგრაფია[რედაქტირაფა | წყუშ რედაქტირაფა]
| წანა | ჯოხონობა | როლი | მერჩქინა |
|---|---|---|---|
| 1994 | ოლაჸაფე დალასი | სომერსი | |
| 1999 | ჟირი ხე | ალექსი | |
| 1999 | თარიღი | სოფი | |
| 2000 | კინ კოლეჯის | ჯენი | |
| 2000 | ოსურღორონთი 1967 | BG | |
| 2001 | პიტჩი | ძღაბი | |
| 2002 | მურიცხული ლჷმეფი: ეპიზოდი 2 | დორმი | |
| 2002 | გეძირაფუეფი ნოღას | საბრინა | |
| 2003 | მა გებჭოფუნქ ყორშის | როუზ მორტმეინი | |
| 2003 | სერი, ნამჷსჷთ დღა გივოდვით | ოდრი ოპლები | |
| 2003 | მონსტრი | — | |
| 2003 | უგუთინუ ოპტიმისტი | ჯემა ტეილორი | |
| 2003 | ღალა | სონია სტილანო | |
| 2004 | ტროა | ბრისეიდა | |
| 2004 | ხვამლაფირი | ალექსი | |
| 2005 | მეძობელეფი | ირენ ბელი | |
| 2006 | მარია ანტუანეტა | ჰერცოგინია დე პოლინიაკი | |
| 2006 | ღურელი ძღაბი | ლეა | |
| 2007 | სინჩხე | კასი | |
| 2007 | 28 მარაშ უკული | სკარლეტი | |
| 2008 | ახლო ნთხორილეფი | რობერტა | |
| 2008 | ნაზი ჯღვალიკი | აირისი | |
| 2009 | რჩქინა | დაიანა | |
| 2009 | ადამი | ბეთი | |
| 2010 | მახოლო მიჸორქ | შუმილ მეშარე | კამეო[6] |
| 2010 | ნტება ვეგასიშე | ჯეკი ქიუ | |
| 2011 | ასტრალი | რენაი | |
| 2011 | ძღაბეფიშ ჭანაფილობა ვეგასის[7] | ელენ ჰარისი | |
| 2011 | იქს-ადამიერეფი: მაართა კლასი | მოირა მაკტაგერტი | |
| 2012 | აკანი ფიჭვიშ თუდო | ჯენიფერი | |
| 2013 | ართ წანას გარზენქ | ნეტი | |
| 2013 | ასტრალი 2 | რენაი |
რესურსეფი ინტერნეტის[რედაქტირაფა | წყუშ რედაქტირაფა]
- (ინგლისური) როუზ ბირნი — კინოფილმეფიშ ინტერნეტ მუნაჩემეფიშ ბაზას
- როუზ ბირნი — Allmovie-ს
- როუზ ბირნი (ინგლისური)
- როუზ ბირნი (ინგლისური)
სქოლიო[რედაქტირაფა | წყუშ რედაქტირაფა]
- ↑ Rose Byrne talks Irish Roots – & movies Damages, Knowing & Get Him To The Greek. YouTube. კითხირიშ თარიღი: 30 May 2010.
- ↑ Burke, Gavin (25 March 2009). Q&A With Star of 'Knowing', Rose Byrne. entertainment.ie. კითხირიშ თარიღი: 4 June 2011.
- ↑ Lipworth, Elaine (31 July 2009). Rose Byrne: ‘I wanted to be Kylie Minogue’. The Sunday Times. კითხირიშ თარიღი: 4 June 2011.
- ↑ Rose Byrne Biography (1979-). Filmreference.com. კითხირიშ თარიღი: 2010-05-30.
- ↑ Actress Rose Byrne on ‘Knowing’ Religion & the End of the World. Blackbookmag.com (2009-03-18). კითხირიშ თარიღი: 2010-05-30.
- ↑ Rose Byrne on IMDb. IMDb.
- ↑ Garth, Franklin (18 June 2010) Several More Join Wiig's "Bridesmaids" darkhorizons.com