სადეყ ჰედაიათი

სადეყ ჰედაიათი
	სადეყ ჰედაიათი
დაბადებაშ თარიღი:	17 ფურთუთა, 1903
დაბადებაშ აბანი:	თეირანი, ირანი
ღურაშ თარიღი:	პირელი 9, 1951 (48 წანერი)
ღურაშ აბანი:	პარიზი, საფრანგეთი
ერუანობა:	სპარსალი
საქვარუა:	ჭარუ, ნოველისტი, პოეტი, მათანგალი
Magnum opus:	ჸვერე ღუ (1937); თელო ნთხორილი (1930); ზისხერიშ სუმი ჭვეთი (1932); ბეკა ჯოღორი (1942)
ჟანრი:	თხობელუა
ნინა:	სპარსული ნინა

სადეყ ჰედაიათი (სპარს: صادق هدایت , დ. 17 ფურთუთა, 1903, თეირანი, ირანი — ღ. 9 პირელი, 1951, პარიზი, საფრანგეთი) — სპარსალი ჭარუ, ნოველისტი, პოეტი დო მათანგალი, ლიტერატურული მოდერნიზნიშ ართ-ართი თარი წჷმმარინაფალი, შინელი რე რომანით "ჸვერე ღუ".

ბიოგრაფია[რედაქტირაფა | წყუშ რედაქტირაფა]

სადეყ ჰედაიათიქ დებადჷ თეირანიშ არისტოკრატულ ფანიას. გურაფულენდჷ დარ-ულ-ფუნუნიშ ინსტიტუტის. 1925 წანას ჰედაიათიქ ოგურაფუშა ევროპაშა მიდართჷ. ჰედაიათი დიო ბელგიას რდჷ დო გურაფულენდჷ ინჟინერიას, უკულ, საფრანგეთიშ რინაშ ბორჯის - არქიტექტურას. მალას არქიტექტურა მიოტუ დო სტომატოლოგიათ დეინტერესჷ. ჰედაიათის გურაფა ვაუთებუ დო ვართ ომენცარე ხარისხი მეუღებჷ. 1930 წანას ჰედაიათიქ ირანშა დირთჷ. ირანს რინაშ ბორჯის ჰედაიათი დაინტერესებული რდჷ ბჟადალური ლიტერატურათ, სპარსული ფოლკლორით დო ისტორიათ. ბჟადალური ლიტერატურაშ წჷმმარინაფალეფიშე ოინტერესუდჷ უმოსო: რაინერ მარია რილკე, ედგარ ალან პო, ფრანც კაფკა, ანტონ ჩეხოვი დო გი დე მოპასანი. 1936-1937 წანეფს ჰედაიათი შარალენდჷ ინდოეთის. 1951 წანას ჰედაიათიქ ირანი ქიდიტუ დო პარიზიშა მიდართჷ. 1951 წანაშ 9 პირელს ჰედაიათიქ დუდი დიჸვილუ. სადეყ ჰედაიათი 48 წანერი რდჷ. ნთხორილი რე პერ-ლაშეზიშ სასაფლას.

ჰედაიათი რე ავტორი რომანეფიშ, თხობელუეფიშ, პიესეფიშ დო კრიტიკული ნაჭარეფიშ. ჰედაიათიქ სპარსული ნინაშა გინოთანგჷ ჩეხოვიშ, კაფკაშ, ჟან-პოლ სარტრიშ დო შხვა ავტორეფიშ ნახანდეფი. ჰედაიათის დიდი პოპულარობა მოუღჷ რომანქ "ჸვერე ღუ", ნამუქჷთ 1937 წანას გიშართჷ. ჸათე რომანი მაეჩა ოშწანურაშ სპარსული ლიტერატურაშ შედევრო რე მერჩქინელი.