საიმონ სებაგ-მონტეფიორე

ვიკიპედიაშე
საიმონ სებაგ-მონტეფიორე

სიმონ სებაგ-მონტეფიორე (2010)

დაბადებაშ თარიღი: 1965
დაბადებაშ აბანი: ინგლისი
ერუანობა: ინგლისარი
საქვარუა: ისტორიკოსი,
ჟურნალისტი დო ჭარუ
ჟანრი: ისტორიული

საიმონ სებაგ-მონტეფიორე (Simon Sebag Montefiore, დ. 1965) — ინგლისარი ისტორიკოსი, ჟურნალისტი დო ჭარუ. რუსეთიშ ისტორიაშ სპეციალისტი.

სებაგ-მონტეფიორექ განათება დიო ლუდგროვიშ სკოლას, ოდო უკული კემბრიჯიშ უნივერსიტეტიშ კოლეჯის ეჭოფუ.

1990-ამ წანეფც, მუჭოთ ჟურალისტინ, ბრელც შარალენდჷ ჸოფილი სხუნუეფიშ რსხუშ ტერიტორიას.

თიში წიგნეფქ მოსოფელიშ ბესტსელერეფო გჷნირთჷ დო 34 ნინაშა რე გჷშაშქუმალირი.

2000 წანას გჷშულირი თიში ისტორიული წიგნი, ეკატერინე დიდი დო პოტიომკინი, სამუელ ჯონსონიშ, დუფ კუპერიშ დო მარშ ბიოგრაფიშ პრემიეფც რდჷ წჷმორინაფილი.

2004 წანას სტალინი: ჭითა მაფაშ კარი-ქ, ინგლისის წანაშ საუჯგუშო ისტორიული წიგნიშ პრემიაშ მაღვენჯო გჷნირთჷ.

2007 წანას გჷშართჷ ახალნორდი სტალინქ, სოდეთ ბელადიშ ახალობა რე ეჭარილი. თე წიგნიქ, მუჭოთ საუჯგუშო დოკუმეტურ პროზაქ, ბრიტანეთიშ ლიტერატურული პრემია, „კოსტა“ დეინალუ. თისჷნე გჷნაჩჷ საუჯგუშო ბიოგრაფიული ნაწარმონებშო მერხველერი პრემიაქ, ლა ტაიმსი დო საუჯგუშო პოლიტიკური ლიტერატურაშო მერხველერი ბრუნო კრეისკიშ პრემიაქ.

ამდღარშო ახალნორდი სტალინიშ ეკრანიზაციაშე მუშენც მირამაქს ფილმზი დო რაბი ფილმზი, ნამუეფქჷთ ნაწარმონებიშე ოავტორე ნება ქჷჸიდეს.

ახალი ნოველაქ, საშენკა, საიმონ მონტეფიორეშ ჯოხოთ გჷშართჷ დო 14 ნინაშა გჷშეშქვინჷ, თინეფი შქას რუსულოთ.

თიში მუმალი ისტორიული წიგნი, იერუსალიმი: ბიოგრაფია, ხოლოშ ბჟაეიოლუშ უახალაშ ისტორიას ოწაწჷ.

თეჟამო სებაგ-მონტეფიორე ოხორანც ლონდონც ალმასქუწკჷმა, ნოველის სანტა მონტეფიორე დო ჟირი სქუაწკჷა ართო.


წინგეფი[რედაქტირაფა | წყუშ რედაქტირაფა]

  • Jerusalem: The Biography, 2011
  • ’’101 World Heroes, 2009
  • Young Stalin, 2008
  • Potemkin: Catherine the Great's Imperial Partner, 2005
  • Speeches that Changed the World: The Stories and Transcripts of the Moments that Made History, 2008
  • Piggy Foxy and the Sword of Revolution: Bolshevik Self-Portraits (Annals of Communism Series) with Alexander Vatlin, Larisa Malashenko and Vadim A. Staklo, 2006
  • A History of Caucasus, 2005
  • Sashenka, 2008
  • My Affair with Stalin, 2004
  • King's Parade, 1992

რესურსეფი ინტერნეტის[რედაქტირაფა | წყუშ რედაქტირაფა]