2007

ვითოშწანურა:	II · III · IV
ოშწანურა:	XX · XXI · XXII
წანეფი:	2004 · 2005 · 2006  2007 2008 · 2009 · 2010

2007 წანა შხვა კალენდარეფს

გრიგორიანული კალენდარი	2007 MMVII
იულიანური კალენდარი	2006—2007 (14 ღურთუთაშე)
იულიანური კალენდარი ბიზანტიურ ერაწკჷმა	7515—7516 (14 ეკენიაშე)
ურიული კალენდარი	5767—5768
ისლამური კალენდარი	1428—1429
ჯვეშქორთული კალენდარი	(21 მელახშე)
- ოქიანუშ აკოქიმინუაშე	7610—7611 („ჴქი“—„ჴქია“)
- ქირსეშე	2007 („ცზ“)
- ქორონიკონით	XIV მორთინა დო 163 („რჲგ“) წანა
ჯვეშსომეხური კალენდარი	4499—4500 (11 მარაშინათუთაშე)
სომეხური ოხვამური კალენდარი	1456 ԹՎ ՌՆԾԶ
ეთიოპური კალენდარი	1999—2000
რომიშ დორსხუაფაშე	2759—2760 (4 მესიშე)
ჯვეშინდური კალენდარი
- ვიქრამ-სამვატი	2063—2064
- შაკა სამვატი	1929—1930
- კალი-იუგა	5108—5109
ირანული კალენდარი	1385—1386
ბუდისტური კალენდარი	2550
იაპონური კალენდარი	19-ა წანა ჰეისეი
ჩინური კალენდარი	4703—4704 丙戌 — 丁亥 ჭითა ჯოღორი — ჭითა ღეჯი

ვიკიოწკარუეს^? რე ხასჷლა თემაშენ:

2007

2007 (ჟირ ვითოშ შკვითი) წანა — გრიგორიანული კალენდარით ვანარკი წანმოწანა, ნამუშ პირველი დღა რე თუთაშხა. თე წანა რე XXI ოშწანურაშ 1-ა დეკადაშ მა-7 წანა.

მოლინეფი

• 1 ღურთუთა : ბულგარეთიქ დო რუმინეთიქ ევრორსხუს ქაკათეს.
• 6 მელახი : ინდონეზიაშ კოკი სუმატრას რიხტერიშ შკალათ 6,9 ბალიშ სინძალიერეშ დიხაშნწალუაქ მოხვადჷ.
• 31 მელახი : საქორთუოშ რესპუბლიკაშ მაართა პრეზიდენტი ზვიად გამსახურდია, ქორთუ ჭარუეფიშ დო ოჯარალე მოღალეეფიშ მთაწმინდაშ პანთეონს დასაფულეს.
• 7 გერგობათუთა : საქორთუოშ პარლამენტიშ დგჷმილიშ წჷმი 2 გერგობათუთას, დოჭყაფილი საპროტესტო აქცია პოლიციაქ ჩილამურმაკათინე აირით დო წყარიშ მოხვარათ აკოფაჩჷ.
• ქირსეთუთა : გაქთოცუ ხანძთაშ ყორშიქ.

საქორთუოს

პოლიტიკა

• პრეზიდენტ სააკაშვილქ ვადაშახიან საპრეზიდენტო გიშაგორუეფი დოშანჷ 2008 წანაშ 5 ღურთუთაშო, ქიანას არსებული პოლიტიკური კრიზისიშ გინაღალარო.
• რუსეთიშ ელჩიქ დირთჷ ქართშა: რუსეთიშ პრეზიდენტიქ საქორთუოს რუსეთიშ ელჩი გიშეჭანუ საქორთუოშით ოთხი რუსეთიშ მენოღალეშ 2006 წანას, შპიონაჟიშ ბრალდვალუათ დოპატიმარაფაშ გეშა. ურთიართობა რუსეთწკჷმა კინე დირფათ დჷთმოსკიდუ.
• რუსეთიქ გათუ ოურდუმე აკნაშაყარაშ გიშაჸონაფა საქორთუოშე ბათუმიშ დო ახალქალაქიშ ბაზეფიშ კილუათ, მორო რუსეთიშ ოურდუმე აკნაშაყარა ასე ხოლო სქიდუ აფხაზეთის „საშვიდობეფიშ“ სახეთ.
• საქორთუოქ ახალ შარა აკაგჷ კოდორშა, მუთ გემანგარ კონტროლქ ჟილენი აფხაზეთის.
• საქორთუოშ ხეშუულებაშ ალარინათ ობჟათე ოსეთიშ ადმინისტრაციაქ აკიქიმინჷ, ნამუსჷთ დუდენს დიმიტრი სანაკოევი.
• 1993 წანას, ჩეჩნეთის უგურკვილჷ ვითარაფას ფულირი ჸოფილი პრეზიდენტი ზვიად გამსახურდიაშ ნეშთი დართინეს საქორთუოშა დო მთაწმინდაშ პანთეონს დასაფულეს.
• საქორთუოქ უძინჷ ოურდუმე მანინალეფიშ მუდანობას ერაყის 2000-შახ, ნამუთ ოურდუმეეფიშ მუდანობათ მასუმა სახენწჷფოთ გჷნირთჷ ააშ-შ დო გოართოიანაფილი ომაფეშ უკული თე ქიანას.
• მარაშინათუთას რუსულ ოურდუმე ფურინჯიქ ნაღმი გაგჷთაჸოთჷ საქორთუოშ ტერიტორიას ოფუტე წითელუბანწკჷმა (სამაჩაბლო). ნაღმი ვაფეთქებე დო რუსეთის თე ინცინდენტიშ გეშა გამამინჯალა ვეუჭოფუ.
• აზერბაიჯანის შაჰ-დენიზიშ საბადოშ ორთაშობური აირქ გემშართჷ საქორთუოშა, ნამუქჷთ ქიანას საშუალება ქიმეჩჷ რუსეთიშ ენერგიაშ იმპორტშა დოჸუნალობა აკუკუნტარებუდჷკონ.

ბიზნესი

• საქორთუო, აზერბაიჯანი დო თურქეთი იჭყანა ბაქო-ქართიი-ყარსიშ რკინაშარაშ აკოგაფას გერგობათუთაშ ბოლოს. გონწყუმაშ ცერემონიაქ ჩეტარჷ მარაბდაწკჷმა სუმი ქიანაშ პრეზიდენტიშ მაკათურობათ.
• ბჟაეიოლ-ბჟადალიშ ავტოსტრადაშ აკოგაფაშ მაჟირა ეტაპიქ გეთუ, ნამუქთ ქჷნკარსხუ ქართიი-სენაკი-ლესელიძეშ ომანდარაია შარატკაცილიშ ჟირი მუნაკვათი გერგობათუთაშ ბოლოს.
• ქართიშ ახალი ოერეფოშქაშე აეროპორტიქ გინჭყუ ფურთუთას თურქული კომპანია TAV LLC-იშ მაკათურობათ, ნამუქჷთ თის $100 მილიონი დოლარი დაბანდუ (ბათუმიშ აეროპორტწკჷმა ართო).
• საქორთუოშ ენერგიაშ სექტორიშ პრივატიზებაქ გეთუ მანგიშ თუთას. საართო მიშნაველეფქ $500 მილიონ დოლარს გინაჩირთჷ.
• გერგობათუთას საქორთუოქ დო თურქეთია ხე ქუმაჭარეს დუდიშული ვაჭარობაშ აპიჯალას, ნამუქჷთ თურქეთიშ ბაზარი გონჭყუ ქორთული პროდუქციაშ დო ქორთველი მაწარმეეფშო.
• საქორთუოშა გენშართჷ ბრიტანული საბანკო გიგანტიქ HSBC.
• სასუმაროეფიშ რშვილეფიშ გიგანტეფი "კემპინსკი" დო "ჰაიატი" ქართის მაღალი კლასიშ სასუმაროეფიშ აკოგაფას იჭყანა.

სპორტი

• ქორთუ ძიუდოისტეფი ევროპაშ ჩემპიონატიშ გჷმორძგუაფილო გჷნირთეს.
• საქორთუო სუმი მოსოფელიშ ჩემპიონი ჸუნს: ჟირი ჭიდაობას (დავით ბედინაძე დო რამაზ ნოზაძე) დო ართი ჭიდაობას (ირაკლი ცირეკიძე). თენა რე მაართა შვანი ბოლო 18 წანმოწანას, მუჟამსჷთ საქორთუოქ ჩემპიონო გჷნირთჷ ირ თე სპორტიშ გვარობას.

კულტურა

• საქორთუოშა მუსხირენ შხუ სამუსიკო მურიცხეფქ მორთეს: მონსერატ კაბაიე, შაკირა, რიკი ე პოვერი, ჯო კოკერი.
• თეატრიშ ეჸონუა: რუსთაველიშ თეატრის მიარე ჯვეში თუ ახალი სპექტაკლიშ პრემიერაქ გინწყუ. მარჯანიშვილიშ თეატრიქ ქჷდიჭყჷ ფუნქციონირაფა გოახალაფირ დარბაზეფით დო სპექტაკლეფით.
• ქორთუ მასხაპალი, ქორეოგრაფი, სუხიშვილეფიშ ერუანული ბალეტიშ ხემანჯღვერექ, დიდი ილიკო სუხიშვილიშ დო ნინო რამიშვილიშ სქუაქ, თენგიზ სუხიშვილიქ დოღურჷ.
• დებიუტი ევროვიზიაშ კონკურსის: მესის სოფო ხალვაშიქ მაარტა ქორთუთ გჷნირთჷ, ნამუქჷთ თე კონკურსის მიღჷ კათაფა. ფინალშა გიშულირჷ სოფოქ მა-12 აბანი გეჭოფუ.

ნაღურა

ღურთუთა

• 30 ღურთუთა : სიდნეი შელდონი — ამერიკალი ჭარუ

მელახი

• 2 მელახი : ანრი ტრუაია — სომეხური წჷმოულობაშ ფრანგი ჭარუ
• 6 მელახი : ჟან ბოდრიარი — ფრანგი ფილოსოფოსი
• 25 მელახი : ანდრანიკ მარგარიანი — სომხეთიშს პრემიერ-მინისტრი
• 25 მელახი : თენგიზ სუხიშვილი — ქორთუ მასხაპალი, ქორეოგრაფი

პირელი

• 23 პირელი : ბორის ელცინი — რუსეთიშ პრეზიდენტი 1991-1999 წანეფს.

ეკენია

• 6 ეკენია : ლუჩანო პავაროტი — იტალიარი ტენორი

გერგობათუთა

• 16 გერგობათუთა : გოდერძი ჩოხელი — ქორთუ ჭარუ (დ. 1954)

ნობელიშ პრემიაშ ლაურეატეფი

• ფიზიკა : პეტერ გრიუნბერგი, ალბერ ფერი
• ქიმია : გერჰარდ ერტლი
• ფიზიოლოგია დო მედიცინა : მარიო კაპეკი, მარტინ ევანსი, ოლივერ სმითიზი
• ლიტერატურა : დორის ლესინგი
• შვიდობა: კლიმატიშ თირუაშ თარობეფოშქაშე ექსპერტეფიშ ბუნა დო ელ გორი
• ეკონომიკა : ლეონიდ ჰურვიჩი, ერიკ მასკინი დო როჯერ მაიერსონი

ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.