ლიეტუვა

ლიტვა
ნანანოღა	ვილნიუსი
უდიდაშ ნოღა	ვილნიუსი
ოფიციალური ნინეფი	ლიტვური
თარობა	ოპარლამენტე რესპუბლიკა
პრეზიდენტი	დალია გრიბაუსკაიტე
პრ. მინისტრი	ანდრიუს კუბილიუსი
მახორობა	3,053,800 (130-ა)
ფართობი	65,200 კმ²(123-ა)
ვალუტა	ლიტი (LTL)
ქიანაშ კოდი	LTU
ტელეფონიშ კოდი	+370

ლიტვა (ლიეტ. Lietuva), ოფიციალურო ლიტვაშ რესპუბლიკა (ლიეტ. Lietuvos Respublika) თაშნეშე ლიეტუვა — სახენწჷფო ოორუე ევროპას, ფართობით დო მახორობათ ბალტიაშ ზუღაშ პიჯიშ ქიანეფშე არძაშე დიდი ქიანა რე. იდვალუაფუ ბალტიაშ ზუღაშ ობჟათე-ბჟაეიოლ წყარპიჯიშ ანგის,შვედეთიშე დო დანიაშე ბჟაეიოლჸურე. ფართობი 65,3 კმ². ოორუეჸურეშე უხურგანს ლატვია (453 კმ), ბჟაეიოლჸურეშე დო ობჟათეჸურეშე ბელარუსი (502 კმ), ობჟათეჸურეშე პოლონეთი (91 კმ), ობჟათე-ბჟადალჸურეშე რუსეთიშ გვერდოექსკლავი (კალინინგრადიშ ოლქი, 227 კმ), ბჟადალჸურეშე ბალტიაშ ზუღა (99 კმ).

ქიანაშ ჯოხოდვალა

• ოფიციალური - ლიტვაშ რესპუბლიკა
• ოდაბადური - Lietuva; Lietuvos Respublika.

გეოგრაფია

ქიანა იდვალუაფუ ევროპაშ ოორუე-ელახის, ბალტიაშ ზუღაშ ობჟათე-ელახ წყარპიჯის. ლიტვა უდიდაში რე ბალტიაშ ზუღაშ სუმი ქიანაშქას, ქოთ მახორობათ, ქოთ ფართობით. ომძღჷ ქიანეფი: ლატვია, ბელარუსი, პოლონეთი, რუსეთი (კალინინგრადიშ ოლქი). ფართობი რე 65.300 კვ.კმ.

სახენწჷფო

• სახენწჷფო სისტემა: მავითარაფუ დემოკრატია
• სახენწჷფოშ მადუდე: პრეზიდენტი დალია გრიბაუსკაიტე.
• თარობაშ დუდმახვენჯი: პრემიერ-მინისტრი ანდრიუს კუბილიუსი.
• კანონიშდუმადვალუ ორგანო: ართპალატამი პარლამეტი - სეიმი (141 მაკათური)
• ადმინისტრაციული დორთუალა: 10 ოლქი (apskritis). თე ოლქეფი რე: ვილნიუსიშ, კაუნასიშ, კლაიპედაშ, შიაულიაიშ, პანევეჟისიშ, უტენაშ, ალიტუსიშ, მარიამპოლეშ, ტაურაგეშ და ტელშიაიშ. ოლქეფი ირთუ რაიონეფო.

დემოგრაფია

• მახორობა: - 3,053,800 (2011), თენეფშე - ლიტვარეფი 81%, პოლონარეფი 6%, რუსეფი 4.8.
• ოფიციალური ნინა: ლიტვური. გოფაჩილი ნინეფი : პოლონური, რუსული.
• რელიგია: კათოლიციზმი.
• ნანანოღა: ვილნიუსი (543 ვითოში).
• ნოღეფი: კაუნასი (380), კლაიპედა (193), შიაულიაი (134), პანევეჟისი (120).