პაბლო პიკასო

პაბლო რუის ი პიკასო პიკასო (ესპ. Pablo Ruiz y Picasso; დ. 25 გჷმათუთა, 1881, მალაგა, ესპანეთ ― გ. 8 აპრილ, 1973, მუჟენ, ფრანგონა), ესპანარ მახანტალ დო სკულპტორ, მა-20 ოშწანურაშ ხელობუაშ ართ-ართ არძაშე უმოს ჩინებულ ფიგურა, ჟორჟ ბრაკწკჷმა ართო კუბიზმიშ დჷმარცხუაფალ.

ბიოგრაფია

დუდშე გურაფულენდ მუმაწკჷმა, ხ.რუისწკჷმა, ლა-კორუნიაშ (1894-95), ბარსელონაშ (1895-შე) დო მადრიდიშ ხელობუაშ სკოლეფს. 1904 წანაშე პარიზის ოხორანდჷ. 1900-ამ წანეფს ქიმინ მუშ მაართა მნიშვნელოვან „ცაშფერ პერიოდეფ,“ 1901-04, დო „ვარდიშფერ პერიოდ“, 1905-06 წანაშ ნახანდეფ. 1907 წანაშე პაბლოქ მეჭყვიდ კავშირ თელქიანაშ ფერჭარუაშ რეალისტურ ტრადიციეფწკჷმა, მარა თეშ უკულ ხოლო ბრელშა დართჷ რეალისტურ ტრადიციეფს დო კლასიკურო აკუწყორუ ავანგარდიზმის ექსპერიმენტეფს. პაბლოქ გურშა მიღჷ ბურჟუაზიულ ჯარალუაშ კრიზის, კაპიტალიზმიშ პიჯალეფს ვარწყედ ძალას, ნამუთ აწუდირთუდ თე ოშკურანჯ სინანდულეს.

შემოქმედებაშ პერიოდეფ

ფშხირას პაბლოშ შემოქმედებას პერიოდეფიშ მეჯინათ რთნა.

• ცაშფერ პერიოდ (1901—1904)
• ვარდიშფერ პერიოდ (1905—1907)
• აფრიკულ პერიოდ (1908—1909)
• ანალიტიკურ კუბიზმ (1909—1912)
• სინთეტიურ კუბიზმ (1912—1919)