თერგი

თერგი
დოხასიათაფა
სიგჷრძა	623 კმ
გოჸორიშ ფართობი	43.2 ანთასი კმ²
წყარიშ ნადუ
ოდუდე	ზილგახოხიშ უგურყელი
ინაკათუუ	კასპიაშ ზუღა
ორენი
ქიანა	საქორთუო, რუსეთიშ ფედერაცია

წყარმალუ თერგი ვლადიკავკაზის

წყარმალუ თერგიშ დაჭყაფუ გვალა ზილგი-კოხიწკჷმა 1886 წანას

თერგი — წყარმალუ საქორთუოს დო რუსეთის (ოორუე ოსეთი, ყაბარდო-ბალყარეთი, ჩეჩნეთი, ინგუშეთი, დაღესტანი). სიგირძა 623 კმ, გოჸორიშ ფართობი 43,2 ანთასი კმ². ოდუდე უღუ კავკაციონიშ ზილგახოხის უგურყელს. ოდუდეშე 30 კმ-ის გეჸუნს კავკაციონიშ თარი დო ხასჷლაშ ქჷნდჷრეფს შქას, ოფუტე კობიწკჷმა ურთანს ოორუეშ ჸურე დო გინმოკვათუნს ხასჷლაშ ქჷნდჷრს (დარიალიშ ლეხერი), უკული არხამი ქჷნდჷრს დო უჩა გვალეფს. ტიოზიშა გიშულაშ უკული თერგი ინოჸელებუ. წყარმალუ სუნჯაწკჷმა აკოართაფაშ უკული გეჸუნცს კასპიაშ პიჯიშ ტიოზის დო აკმაართაფუ კასპიაშ ზუღას. მიშაკათაფუწკუმა ორჩქინანს დელტას, ნამუშ ფართობი რე 4 ანთასი კმ².

თერგიშ წანიერი ხარჯი ნოღა ვლადიკავკაზწკჷმა რე 34 მ³/ წმ. ინძგილუ ხვალე კონწარ ზოთოჯის. თარი ნადუეფი რე: კვარჩხანი - არდონი, ურუხი, მალკა; მარძგვანი - სუნჯა. საქორთუოშ ტერიტორიას - სნოსწყალი. თერგი ეთმიჯუმუაფუ უგურყელიშ დო ჭვემაშ წყარეფით; ახასიათენს წყარალა წარმოწანაშ ტიბუ პერიოდეფს, უმენტაშო კვირკვე-მარაშინათუთას. გიმირინუანა ოწყარალო. ნოღა მოზდოკიშ ჟიშე თერგიშე გოჸონაფილი რე თერგი-კუმის ორწყალი არხი. თერგიშ აუზის რე ჰესეფი: ბაქსანია, გიზელდონისა დო შხვა. თერგი ნდიდარე რე ჩხომეფით: კალმახი, თერგიშ ორაგული, კობრი, ფარგა დო შხვა). საქორთუოშ ოცხენენჯე შარაშ ნორთი გიშმურს თერგიშ ლეხერს. თერგიშ პიჯის იდვალუაფუ დაბა ყაზბეგი, თაშნეშე ნოღეფი: ვლადიკავკაზი, მოზდოკი დო ყიზლარი.

ლომეკი, რე თერგიშ ართ-ართი ისტორიული ჯოხო ქართული წყუეფიშ მეჯინათ.

ლიტერატურა

• ქორთული სხუნუეფიშ ენციკლოპედია, ტ. 4, ხს. 657, ქართი, 1979 წანა.